من اجـــــل الحصول على بيت المستقبل ماذا ستفعلين موضوع استطلاع وتشاور شاركوني

[شهدQ]

اذا كنتي تفكرين ببيت المسقبل

ماذا ستفعلين

ناطره تصويتكم ومشاركاتكم وارائكم​

 

[فن وذوق]

وايد حلو الموضوع
انا صوت على اني اقترض من البنك لأني مستحيل ايمع حق بيت على هالاسعار الخياليه :eh_s(14): جان اموت واشبع موت وانا لي الحين ما حصلت على المبلغ اللي يكفي حق البيت ...
بس تبين الصراحه انا قاعده افكر اني اشتري لي شقه بس عشان ما اعيش عمري في ديون

 

[عسولة الكويت]

أكييييد راح اقترض من البنك لان بالوقت هذا صعب الواحد يجمع مع متطلبات البيت والعيال اسم الله عليهم وغلاء المعيشة اللي حايشنا
والله يرزقنا يارب ويفتحها علينا وعلى كل المسلمين​

 

[Brounzi_girlly]

آنا وزوجي فكرنا نقترض من البنك لأن اسعار البيوت خيالية وحتى القرض مايوفي سعر بيت الأحلام الله يرزقنا
مع تحيااااااااااااتي..........​

 

[قمر ضاوي33]

بحكم اني قاعدة عند حمولتي وزوجي ولدهم الوحيد فأنا عندي دور كامل الحمد لله ..... بس هذا ما يغني عن بيت الأحلام بيت العمر لذلك انا قاعدة على قلبهم لمن اشوف لي حل يا اما انطر بيت الحكومة او نجمع مبلغ وناخذ قرض او نستدخل البيت اللي احنا فيه ما يندرى الله اعلم بس حالياً ماكو طلعة ابدا :eh_s(6):

 

[الغاليه نونو]

موضوع يهبل انا بتابع ردودكم لاني في بعض المواضيع استفيد من مداخلاتكم خصوصا اذا الموضوع فيه شى من الاستقلاليه بحياتكم الخاصه علشان اعرف تفكير عيالي وجنايني واحاول اكون قريبه منهم اكثر بتفكيرهم بهالمواضيع

يعطيكم العافيه وعسا الله يرزقكم طاعته وعبادته حبايبي

 

[لازوردي]

بما انه مقدمين على ارض و قرض علشان بيت المستقبل و بما انه البيت بيكون في مناطق الله العالم ماندري وين صايره فا انا احب اقعد عندي حمولتي احسن لنا كلنا و اذا خلص البيت بعد عشرين تعش الف سنه نشالله بنأجره و بنتم هم عند حمولتي هم احسن لنا

 

[شهدQ]

شكرا حبيباتي ع المرور

والكفه بصالح القرض الله يعين​

 

[bnt q8 in usa]

انشالله بنجمع الي نقدر عليه وناخذ قرض ال70 الف وناخذ بيت الاحلام
ودايما اقول ربج هو الرزاق يرزق الانسان وهو في بطن الحوت
وانشالله يرزقنا وياكم

 

[lolo77]

انا اقوووووووووول
خلينا ننطر دورنا في بيت الحكومه
يعني مو شرط بيت ارض وقرض
بس ما نحط على نفسنا قروض احنا بغنا عنها

قاعدين بالشقه ليما الله يفرجها
بس لو عندنا اكيد راح ندور ونبي شي كبير وراهي
مد اريولك على قد الحافك
الشقه هم زينه حاليا
ههههههههههههه

 

[زيـنـه]

اللي ايده بالنار غير اللير ايده بالثلج ..اللي ماجرين مثلي و الاجار يدش الشهر من اهني و يطلع من اهني ولا نحس ..و العايله تكبر .. لابد من التفكير الجدي بالبيت .. و على الاسعار الموجوده حاليا بالسوق و اهي شي خيالي .. التفكير بالقرض من البنك ضروري ولو ان الفايده تهلك بس يا حيل الله .. و من صوبنا نحاول تقليص المصاريف شوي عل و عسى تتجمع الفلوس .. و الله يرزقنا وياكم البيوت اللي انتمناها يا رب .

 

[طير الحب]

ان شاء لله بنجمع الي نقدر عليه وناخذ قرض ال70 الف

 

[حبيب قلبي]

بالنسبة لى الحمدلله انى لحقت على عمرى وشريت بيت قبل لا ينهبل العقار ويصعد هالكلام تقريبا من 5 سنوات بس طبعا شريت البيت عن طريق بيت التمويل + 70 الحكومه ولله الحمد على مايكبرون عيالى وتزيد طلباتهم يكون القرض خالص وان شاء الله الحكومه تطيح القروض ونرتاح يارب

 

[رفرف]

بنيمع لين يطيح حيلنا ولا نار القرض ..
وشكلنا على هالحالة محنا ماخذين بيت الا عقب مانزوج عيالنا بس شنسوي كل الناس مثلنا ..

 

[جكورة]

مافي حل إلا إنتظار بيت الحكومه إحنا مقدمين( أرض وقرض) والله يعيـن..

 

[أغلى حبيبه]

انا ناطره الحكومه

زوجي ذبحيييييييييه ولا يحط قرض على عمره الا السياره

وماااايحب يتسلف

ونطرنا كل هالعمر يلا مابقى شي الله يعينا​

 

[ياسمينا]

تم التصويت
بنطر بيت الحكومه شنسوي البيوت اسعارها نار والاراضي اغلي
بعد شلوووووووووون نشتري الله يرزقنا ونسكن البيت الواسع المريح والجيران الطيبين والمنطقه الزينه بعد قولواا آميييييين يا كويتيات

 

[شهدQ]

عسى الله يوفق الكل يارب

شاكرتكم ع التفاعل حبيباتي​