حبيبة الكويت
New member
- إنضم
- 30 مايو 2005
- المشاركات
- 583
- مستوى التفاعل
- 0
- النقاط
- 0
يوم الثلاثاء المدرسة اتصلت في أخوي وقالت تعال المدرسة أنا عطيت الإخصائية رقم أخوي ورقمي إذا صار شئ لولدي لأني وأبوه منفصلين المهم أمس كان عندهم اجتماع بعد الشهادة رحت حق مدرسة العلوم وأول ما شافتني قالت حمدالله على سلامت ولدج ما استوعبت الصدمة قلت لها اسم ولدي مرة ثانية يمكن غلطانه قالت لا ولدج متهاوش مع واحد و طاقه على راسه وأغمى عليه هم ما استوعبت رحت الوكيله وقالت نفس السالفه قلت زين ليش ما اتصلتوا فيني قالت هذا من شئون الطلبه هم اتصلوا عليكم زين إذا ما يبون يخرعوني ليش ما قالوا حق أخوي تعال ضروري لو صار شئ في ولدي لا سمح الله أشوف جبهته فيها ورمه يوم سألته قال من الباب بس قلت حقه علمني بالسالفه وليش ما قلت حقي قال أدري راح تعصبين وتهاوشيني أثاري الولد سدح ولدي على الأرض وطقه وما حس بنفسه قلت حقه ثاني مرة علمني بكل شئ مو أتفاجأ من الأبلة والله لو يردون المدرسين حق مدارس العيال أبرك كل يوم هوشه وطق والإخصائية مو ملحقه عليهم الله يحفظهم.
