منى عيني زوجي يغار

[قطعة كيك]

بنات انا وحدة من عايلة محافظة وزوجي واثق فيني حيل عشان جذي مايغار كللللللش وانا مشتهية احس بالغيرة ابي احس انه يحبني بطريقة حلوة بدون مااخرب بيني وبين ريلي
في يوم جت فبالي فكرة اني اخذ شريحة جوال من وراه وادز لنفسي رسايل حب من مجهول بس الصراحه خفت

عفية بنات ابي فكرة حلوة او لعبة بمعنى اصح تخليني احس بغيرته علي

 

[حب وحزن]

لاتغلطين وتدزين رسايل حب والله والله لتتحول حياتج حجيم بعيد الشر وبيشك فيج وبتتمنييين يرد ومايغار احسن

وقطي نقزات لما يطلع ممثل حلو قولي الله ياحلاته او قبل كنت اسمي هذا زوجي المستقبلي هههه وشوفي ردة فعله



والله يهنيج

 

[~.ąvȍƈaȚ.~]

ليش ما تصارحينه ؟

قوليله انت ما تحبني ليش ما تغار علي ؟؟ ترى يقولون الحب جزء من الغيرة

و ابي احس انك تغار علي لأني انثى و هالشعور يرظيني

صدقيني ماكو احسن من المواجهة ... وبلا حركات رسايل حب و مادري شنو

بالتوفيق

 

[*ريما*]

واللة راح تجبين الهم لنفسك
وش لك بالغيرة
الغيرة خربت بيوت

 

[Gourges]

^^^

مو كل شي حله الصراحه والنقاش @@

مع احترامي الشديد لراي الاخت انا اعارض انج تصارحينه بطلب انه يغار ...

تقدرين تطلعين عادي بمجمع بعدين لي رديتي حاولي تسولفين وتحلطمين ان في واحد نرفزاااج بشكل مو طبيعي وان لحقج لي السياره ..
وعاد انتي الفي بشكل انج متنرفزه من التصرف اللي قاعد يصير بس بنفس الوقت تبينيله انج لمن تطلعين يتحرشون فيج وياذونج فا راح يغار عليج

تقدرين لمن تروحين استقبال او مناسبه تقولين ان في وحده تسال عنج عبالها انتي مو متزوجه ... ماراح تكون غيره مباشره بس من داخله بتنزرع انه انتي وايد مصدر اهتمام وامطالعه ...

يعني سوالف صغيره وبسيطه مو تشترين خط ومادري شتسوين

 

[فراوله_]

موصاحيه انتي تخربين على نفسج يمكن الريال واثق منج الثقه حلوه تره والغيره مرض بس انتي حاولي فيه تحرشي والله يوفقك بس أوعي تخربين على عمرج وربي يسهل أمرج

 

[Daleela]

مرحبا
ليش تييبين المصايب حق عمرج ؟؟ شوفي مو شرط الغيره تكون واضحه عليه بس ممكن يقولج اذا كنتي متحجبة دخلي شعرج او اذا تحطين مكياج خففي مكياج او لبسج ضيج كل هالامور غيره صدقيني
واذا رحتي اي عرس قولي خطبوني لوووول حتى لو ما خطبوج شوفي شنو يقول
اوكي موفقة

 

[om Firas]

ما في احد مرتاح بهالدنيا
اللي يغار ريلها تتذمر
واللي مايغار هم تتذمر
ليش تيبين عوار الراس حق عمرج

 

[النشبه88]

اذا بتطلعين سوي شي مو متعود يشوفه عليج مثلا حطي حمرا فاااقعه او لبس غير المألوف ... اختبارا له يعني لا تطلعين بهالشكل بس اختبريه شوفيه يغار والا لأ

 

[sdn chocolate]

اي والله محد مرتاح
احمدي ربج ان زوجج واثق فيج ..ومايغار
فيه ناس تطلقوا بسبب الغيره..

لاتخربين بيتج بايدج...

تحيااااتي

 

[غزالي وبس@@]

لاحول ولاقوه الا بالله صحيح ارضاء الناس غايه لاتدرك يعني اللي زوجها غاثها يغار تتشكى واللي مايغار محتره بس بيني وبينج مالومج الوحده تحب تحس بغيره زوجها بس انا بقولج الحمد لله زوجي حيييل واثق وعمره ماغار غيره شك بس تدرين بالفتره الاخيره تغيرت عليه بسبب ضغوط ومعاملته يعني انفجرت صرت متبلده الاحاسيس وصرت كله على النت لما كان مسافر يدق اغلب الاوقات صاحيه ولما يسالني شتسوين اقوله على النت تدرين انه شك يقولي الله يستر من هالنت الكلمه عورتني بقلبي قلت اثر الثقه حلوه ومانحس بقيمتها الا لما نحس انه بنفقدها بس الحمدلله ماحسه الحين عنده هالسوالف بس نصيحه لاتسوين شي تدخلين الشك بقلبه عشان يغار

 

[كويتيه مذهله 87]

الحمدالله والشكر


يبا باجر اذا فار عليج تكرهين نفسج علباالج وناااسه

 

[دمعة يراع]

الغيرة شعور مطلوب وحلو ..... لكن انتي حاولي تلفتين انتباهه وتثيرين غيرته بشكل غير مباشر

مثلا دايما سولفي عن اخوج او صديقتج وقولي ياحياااتي اهيا .. واحشتني تصدق انها متعلقه فيني لدرجة لما ادق عليها ساعات تبجي من الشوق <<< بيحس وبيتضايق << وهذا دليل غيرته !!

وجذية سوالف بسيطة ............. لكن ارقام وايميلات لاااااااااااااااااااااااااااااااااااااااااااااااااااااااا @@

ديري بالج راح تنقلب عليج

 

[فديت من يشبهني]

ديري بالج

والله تضيعييين حيااتج

//

احمدى ربج انتى بنعممممممممممممممممممممه
الكثير من المتزوجات فاقدينها ..

//

 

[{عسوله مطير]

أمبيه لاتخربين على نفسج .. وحمدالله أنتي بنعمه ..


والله يتمم عليج

^^

 

[Sweetq8]

حمدلله والشكر ماعاد لقو شي يشغلهم يعني أخلصت المشاكل والمصايب الي تبي لها حل وادورين مصيبه عشان يغار عليج تحمدي العافيه اوووووف صج شي ينرفز ناس فاضي

ادري أسلوبي جاف كيفي معصبه مابي واعظات يقيمون ردي أوكي ياحلوين ^_* *

 

[Tulips]

مادري بس شكو ثقته فيج بانه ما يغار عليج ..!

عموما لا تفتحين على نفسج بيبان مصكره انتي موقدها خلج جذي اريح

 

[chanel N22]

حركات ماكو شغل
كافي يحبج واكيد اللي يحب يغار بدون لايبين

 

[أوكسجين]

ما في احد مرتاح بهالدنيا
اللي يغار ريلها تتذمر
واللي مايغار هم تتذمر
ليش تيبين عوار الراس حق عمرج

رضاء الناس غايه لاتدرك

 

[Australia girl]

واذا ماغار من الرسايل وقتها شراح تسوين تطلعين مع واحد علبو غار .......