منو ينطرد الرد الخاطب ولا المخطووبه !!,

[g6awi]

السلام عليكم

حبيت اسألكم خواتي

الحين لما ايي الريال يخطب البنت

اهوا ينطرها ترد عليه وتوافق ؟

او اهيا تنطره ؟


يعني منو اللي لازم يوافق بالاول ؟ النت ولا الولد ؟؟

حدي محتاره


وسؤال ثاني <<< حيل مهم

لي الولد قال انه البنت حيل زينه وكل اللي تمناه لقاه فيها وجميله وكل شي

بس محتاج يومين 3 عشان يفكر

شنو معناته هالكلام ؟؟؟

هل اهوا مو مقتنع ؟ ولا شنو بالضبط ؟

مع انه في ناس بس يطلعوون من باب البيت يدقوون ويقوولون ترى نبي بنتكم

 

[حناينq8]

حبيبتي يعتمد

اذا المعرس يبيها تتصل امه عقب فتره تسأل ام العروس اذا موافقين والا لا ........هني ام العروس تقول لها خل نسال ونرد عليكم


واذا المعرس ما يبيها هم تتصل امه تقوم ماكو نصيب .....عشان اهل البنت لا ينطرون



وبالنسبه حق الولد اذا تأخر بالرد وبالنت عاجبته .... طبعا مو معقوله بقول ويه اهل البنت انه يبي يسال عنهم
اكيد يبي يسال عنها بدوامها وعن اهلها وهم حق صلاة الاستخاره


تحياتي لج

 

[يامنيتي]

موشرط فيه نوع من الشباب يكون وايد دقيق من هالناحيه فتشوفينه يطلب من اهلها انه يشوفها مره ثانيه وبعدين يقرر

او في نوع يحب يعطي حق البنت فرصه لمده ثلاثه ايام علشان تفكر عدل ويكون من داخله مقتنع فيها

انا اذكر لمن كنا نخطب حق اخوي كانت اختي الكبيره تقول حق اهل البنت نعطيكم يومين اتفكرون طبعا اذا كان اخوي مقتنع بالبنت

بس اذا اهو مو مقتنع فيها تلقون ثاني يوم داقين على اهلها على اساس ما فيه نصيب


والله يوفق كل بنت على وشك خطبه او مخطوبه

 

[g6awi]

اهوا يه اول يوم

وشافها
بس ماتكلم واهوا قاعد

لما طلعو

قال ابي اشوفها مره ثانيه لانها كانت مستحيه وماشفتها وماتكلمت

ياها ثاني مره

جان يقعد معاها وعجبته ك شكل وك اسلووب

ودقت امه اول ما طلعوا

وقالت حيل عاجبته بس بيفكر شووي

ووعقبها بيوم قالت تعطوونا يوومين الولد وده شووي بعد
وعقبها بيوم

دقت قالت خلاص على بركة الله

معناته شنو ؟
هل الولد متردد فيها ؟
ولا في شي مو عاجبه فيها ؟
او شنو بالضبط ؟

 

[حناينq8]

لا حبيبتي ما اعتقد متردد

بس هذا زواج راح يتم طول العمر فلازم الواحد يتاكد من الشي اللي يبيه


اكيد كان يبي يسال او يصلي اسنخاره

 

[.MiNi.]

قطوه

بالنسبه لاخر رد .. يعني خلاص الولد يبيها

بس يمكن هالفتره .. كـان محتـار .. ولما قعد مره ثـانيه .. هم احتاج انه يفكر.. والمره الثالثه ثـابته

ويمكن طول هالفتره كـان يستخير .. والحمد لله دام انه وافق .. على البركـه

وبعدين لا تفكرين بطريقه سلبيه .. يمكن اهو احتاج الوقت للتفكير .. واحتاج يعطي البنت بعد وقت تفكر

وربج سبحـانه يسهل و ييسر الامور وعسى الله يكون اللي فيه الخير و الصالح .

 

[noorq8]

شوفي حبيبتي
اذا يو خطبوا و البنت عجبتهم يتصلون بنفس اليوم بليل و تقول حق ام الولد ترى البنت عجبتنا
و ام البنت تقول عطووونا جم يوم ونرد عليكم
لكن اذا ما اتصلت ام الولد بنفس اليوم او من باجر
فاحتمال كبير ان البنت ما يازتلهم

اما اللي يقول عطوني 3 ايام
من رايي اهو اللي ياي يخطب شنو عطوني 3 ايام افكر !!!
يعني يقدر يقول برد اقعد معاها مره ثانية و بسولف معاها
لكن ما يقول بفكر



هذا اللي اعرفه

 

[بحر الرمال]

البنت اهيا اللي تنطر رد الريال لان مو حلوه ان ام البنت تدق و تسأل ام الولد عن رايه بالبنت

و اللي يطلب مهله 3 ايام..مادري صراحه شي غريب اللي اعرفه النت تطلب مهله مو الولد..بس اهم شي تأكدو ان الولد مايكون مغصوب و ان بهال3 ايام محد يحاول يقنعه غصب بالبنت.. يمكن البنت عاجبه الام بس اهو متردد و طلب 3 ايام يفكر

 

[ღ•»الًـجٌـوِرٌيّ«•ღ]

البنت اللي تنطر الرد مو الولد طبعا

وكل شي يبين اذا يبون البنت ولالا من اول مره يبين عليهم

 

[alfajirQ8]

لا لا حبيبتي ترا عاادي إللي سواه و هذا الصح عشان مايقول بعدبن إن إستعجل و ليتة ناطر !! أشوا إللي سواه زين وبقناعة وركادة وأكيد قال يبي يردلكم خبر بعد جم يوم لأن أكيد إبيستخير و الإستخارة من إتصلينها من باجر أو من خلال جم يوم يحس إذا إي و لا لأ.. فـ طلب الولد واضح و طبيعي.. و بالتوفيج إنشالله لج و للجميع

 

[خفايا الروح]

دام قالت على بركــة الله معناته خلاص ان شاء الله يعني يبيها ,,


الله يتمم على خير ,,

جذي زين الحمدلله ما سووا شي

فما بالج باللي تجي امه تخطب وبعد يومين تبي الرد وما عطوها اهل البنت شي وبعد يومين وافقوا

وجا شافها وبعد اسبوع دق يبيها ويبي يعرف المهر تخيلي اسبوووووع ,,

وبعد تحديد المهر شهر لا حس ولا خبر ,, ولي الحين البنت معلقه ,,

 

[حورية الكون]

البنت واهلها ينطرون الرد من الخطاب

واذا يبيها راح يرد عليهم بنفس اليوم او من ثاني يوم

 

[g6awi]

الحين حيرتووني

ناس تقوول متردد ويمكن مغصووب

بس اتوقع بهالزمن محد ينغصب على الشي
البنت ما تنغصب فما بالكم بالولد !!

ثاني شي

اهوا من لما قعد معاها وكلمها

طلعت الام جان تقوول حيل ارتاح وكل اللي تمناه لقاه فيها

بس قالت تعطوونا جم يووم


اتوقع بهالجم يوم كانوا بيسألوون او مادري يمكن يبي يقرر او يفكر

لانه هذا زواج عمر مو يووم ويوومين

 

[لمسات شمووخ]

طبعا الرد يكون من الريالمو البنت
ومسألة يقول يومين ثلاثه مافيها شي انا بالنسبه لي عين الصواب
لازم الريال يستخير الشكل مو كل شي الراحه النفسيه اهم
انا اشوف اللي ينطر يومين انسان عاقل ومتزن اما اللي على طول مطفوق

 

[أسـ aseel ـيـل]

البنات كفو ووفووو

 

[noorq8]

الحين حيرتووني

ناس تقوول متردد ويمكن مغصووب

بس اتوقع بهالزمن محد ينغصب على الشي
البنت ما تنغصب فما بالكم بالولد !!

ثاني شي

اهوا من لما قعد معاها وكلمها

طلعت الام جان تقوول حيل ارتاح وكل اللي تمناه لقاه فيها

بس قالت تعطوونا جم يووم


اتوقع بهالجم يوم كانوا بيسألوون او مادري يمكن يبي يقرر او يفكر

لانه هذا زواج عمر مو يووم ويوومين

الحين اوضحت الصورة اكثر
اللي ام الولد قالت الولد ارتاح
معناته يبيها
بس 3 ايام يسأل عن البنت
خو بنات هالوقت يخرعووون
ما اقصدج حبيبتي
بس السؤال يشمل الكل
و بيستخير
و بعدين بيتوكل على الله
لما قريت اول مشاركة حسيتها قوية
بس لما قلتي ام الولد قالت ان الولد ارتاح
غيرت رايي :ggdw:

 

[الكادي-83]

الله يوفقج ويكتب لج الزوج الصالح

ما بزيد على كلامهم شي

 

[Om_Ksha]

شصار عليج بشريينا ؟؟

 

[g6awi]

مشكوووووريييييييييييين

حيااااااااااااااااااااااااااااااااااااااااااااااااااااااااااااااااتيييييييييييييييييييييييييييييييييييي

ماصار شي

ناطريينه يرد من السفر

 

[Om_Ksha]

,والله مشكله هالريايل .. جان سافر وخلص شغله ولى فضى خطب .. يالله الله يكتب اللي في الخير زانتى بهالايام عليج بالاستخاره و اقري سورة يس والله كريم