منو ينصحني بمستشفى لندن والي عندها معلومه تفيدني ؟؟؟؟

[كتالونيه]

شخباركم كويتيات ....
ابي الي ولدت بلندن ظروري تفيدني
وهل تنصحوني بلندن ومنو الدكتوره
؟؟؟؟

 

[STILL G L A M ~]

اختي والده مرتين وحماتي مرا وعادي يمدحوونه

بس التسااهيل من الله سبحانه

انا بسال نفس سؤالج وبضيف عليه (( الي جربت ابره الظهر عندهم شرايكم فيها ؟؟؟؟؟؟

 

[STILL G L A M ~]

الدكاتره سوفييت وايفا والدكتور باترك هذيلا الي يمدحونهم بسسس
واختي جربت سوفييت تهبل حنونه وايفا هااديه

 

[كتالونيه]

مشكوره ياقلبي
عالرد
بس اهم شي ولدوهم طبيعي
وتقبلي مروري

 

[STILL G L A M ~]

اي فديتج كلهم طبيعي

عفيا اذا ولادتج قريب ذكري تجربتج

عسى الله يهون طلقج ويسهل ولادتج ياارب ..

 

[كتالونيه]

انشالله ياقلبي

 

[om.lolo]

انا ما انصح فيه كلش العبو فيني اول ما دشيت عطوني تحميله طلق صناعي كنت توني ببدايه طلقي
وتعبت حيل بنجهم كلش ما فادني تعبني

وصلت لي 5 سانتي جان اطلب ابرة ظهر اول ما خذيتها قالو الياهل تعب يالله غرفه العمليات

عند سوفييت 

 

[آنثى طآغيه]

ايهم احسن عندهم ابرة الظهر ولا الكمام ؟؟؟؟

 

[انا لها شمس]

اهما عيبهم بس ابره ظهر ونظامهم نظام اوروبا وامريكا مافي بنج
انتي وحيلج يعني
وابرة الظهر مو زيييينه لي متى يابنات بنظل ننصح منها

مايفرقون عن الحكومه بالبنج بس الرعايه حلوه خلال الولاده وبعدها

انا عمتي تعالج عندهم ع العيال وحملت ٣ مرات مع ايفا
بس كلششششش ما نصحتني اولد هناك عشان الالم

 

[دموع واهات]

صراحه هالمستشفي مااحبها بغوا يذبحون رفيجتي واخر شي طرشوها باسعاف للحكومه ودشت عنايه بسبب غلطهم بس هم بنات جارتنا ولدين عندهم طبيعي والتساهيل علي الله انتي ادعي واستخيري*

 

[الحــــــلا كله]

استغرب من الي يولدون فيه
موشي المستشفى

 

[فراشة الأحزان]

والله انا توني والده فيه 3/12 وكنت اراجع من اول ما حملت عن ايفا
والصراحه رعاية وعناية تهبل والصراحة انا وايد ارتحت عندهم
وانا ولادتي قيصرية وأخذت ابرة الظهر دكتورة البنج تهبل وكله تقره ادعية وقرآن
والتساهيل من رب العالمين
والله يسهل عليكم

 

[فراشة الأحزان]

الحلا كله ليش تستغربين
حاله حال المستشفيات الخاصة فيه الزين والشين

 

[++MesK++]

المستشفى قمته

 

[shak!shoka]

ما ادانيه
ببجري ياني الم و لانه قريب رحت له كنت اول التاسع
دشيت عند الدكتوره المصريه افحصتني فحص قاتل و طلعت دمي مع اني كنت ابي بس سونار لانه عواري كان رايح

قالتلي دشي بسرعه لازم عمليه ؟؟!!

بس يبون فلوس
طبعا انحشت منها و قعدت اسبوع و ولدت طبيعي الحمدالله بمستشفى الشركه

صراحه مستشفى سكككككه و ماااااادي و خواره

بس سوفييت الي عندهم زينه جربتها كمراجعه مو ولاده

 

[asOola_21]

انا ولدت فيه قبل ٣ سنين عند دكتورة سوفييت حليوة وخياطها عجيب وما تستعيل بالولادة بس ك مراجعة عندهم وتنطرين دور والسونار مو بغرفة الدكتورة هم تنطرين عليه هذا الملاقة عندهم
والا الولادة والعناية عندهم اوكي واهم شي الخياط

 

[كتالونيه]

اوكي حبايبي
الاسعار مثلها والا اذا طلعت يقولون لا
هم يقولون كامل كل شي الا الدواء
وفي بنات يقولون لندن يزيدون

 

[! بــدويه وآآيــد !]

،


والله ما اعرف شخصيا بس اذكر موضوع عضوه كاتبه قصة ولادتها قالت انها ولدت عمليه عندهم مع ان مافيه شي يخليها تولد عمليه وردت عليها عضوه ثانيه قالت اهم يدخلون عمليات على طول عشان فلوس

والله العالم

 

[آهات الليل]

انا والده فيه وبنات عمي ماشالله يههبل يهبل كمامهك عجيب واسعاره حلوه طبعا ياعند سوفيت او ايفا احسن دكتورتين يهبلون

 

[آهات الليل]

طلعت منهم ب313ديناااااااااار يابلااااااااااااش لان خذيت ابرة الظهرعلى اخر ساعه خخخخخخ حماره اسعارهم تهبل
كمامهم عجيييييييييييييييييييييب