منو يمر يااااااخذ عيالكم من الروضه ؟؟؟

[^kloOot^]

قوه بنات شلونكم


انا مانى عاااااااااااااارفه شسوى مع ولدي بدش الروضه اللى يم بيتى تقريبا

والروضه يهدونهم السااااااااااااعه 12؟؟
وانا دوامي ليييييييييييييييييه الساعه 2 الظهر وزوجي 3 الظهر شللووووووووووووووون وماعندي احد يمره كلش
وقاعه احاتى دوامي صعب انى اطلع وريلي باخر الدنيا
المشكله انه قلت اخلى الخدامه تاخذه بس ريلي مو مأمن على الخدامه انه يحط مفتاح الشقه بيدها وخايف لانه بينا شاااااارع وزحمه ومدارس يقول اخاف يفلت من ايدها وتدعمه سياره لا سمح الله

مادري شسوى بنات لاتقولون دبريلج احد من اهلج لانه محد يقدر واهلى عايشين بره :0bee2e8d89:

 

[بشورة الأمورة]

انزين ماعندكم جيران ولدهم بمدرسة ولدج ؟

 

[جوجو.]

حاولي تستأذنين من دوامج لان لازم تعودين دوامج عالشي هذا انتي بتبلشين من ألحين الى مابعد يتخرج من الثانوي او المتوسط ان شاالله
انصحج نصيحه انج تحاولين انتي تاخذينه حرام من أولها محد ياخذه دبري أمورج أحسن لج

 

[nice-girl]

كلمي مدرسته اذا اهيه حليوووه قوليلها بس وصلي لي باب الشقه كل يوم
وان شاء الله بتوافق
ةسالفه الخدامه لا تسوينها

 

[مهناز]

ريلج شنو كان رايه ؟؟ عنده حل ثاني ؟

 

[miss elegant]

روحي حق مسؤولج وبكل احترام فهمي الوضع

وانشاء الله راح يراعي ضروفج

ويسمحلج تاخذينة البيت وتردين الدوام

والله يسهل امورج

 

[^kloOot^]

ماقصرتو بنات
للاسف جيرانه كان ولدهم بروضه سنه ثانيه بس طلعو من شقه

وكلمت المراقب اليوم هزأني بصراحه وقالى كلنا عندنا ظروووووووووووووووف بط جبدي وقهرنى وااااااااااااااايد شايف نفسه
وريلي مو عااااااااااااااارف شيسوى

بحاول اكتب كتاب للوكيل واشوف

 

[nice-girl]

ويييه الله يساكحه مسؤلج شهالوهقه
؟
حبيبتي وين فيه روضته اذا مع ولدي والله مستعده اوديه مع ولدي حتى اذ تبين يقعد يتغدى عندنا لين تطلعين من الدوام
بعد عمري والله كسرتي خاطري

 

[^kloOot^]

نايس قير والله ماااااااااااااااااااااااااااااااااااقصرتى مشكوره ياقلبي


انا بحاول انشالله ماكو الا اكتب للوكيل والله كريم عندي ليييييييييه شهر رمضان

 

[^kloOot^]

نايس قير والله ماااااااااااااااااااااااااااااااااااقصرتى مشكوره ياقلبي


انا بحاول انشالله ماكو الا اكتب للوكيل والله كريم عندي ليييييييييه اخر شهر رمضان

 

[أمووونه]

الروضه برمضان ينهدون الساعه 1
والاشهر الباجيه ينهدون 12
مافي باصات لاني سمعت في باصات هالسنه لجميع المراحل التعليميه
سالي ادارة الروضه اذا موفره باصات ولا لا

 

[Om_Looly]

7abebty shofy klmy mas2oolch o etha ma ra3ach klmy a7d mn ahlch aw ay 9ade8a gerebah mnch 7eel ymkn tgdr ta5thah o etha ma gdrty shofy etha feeh ba9at ymkn feeh thl magalt amoona .....o ant6'rch inshalla nl8a 7al

 

[Om_Looly]

wldch eb a raw6'ah ymkn wa7dah mn albanat bnfs alraw6áh o tgdr ta5tha ?

 

[alshamali]

حبيبتيي في شي من الديوان اسم الاجر مقابل العمل يعني تبيعين االساعات الي تبينهم بدايه او نهايه الدوام بمبلغ معين وينخصم من راتبج كل شهر ولا هل التغربل والله يوفقج

 

[cute-girl]

انزين اذا عندج عيال اخت بالروضه دخليه معاه عشات اختج او اخووج تاخذه ّ!!!!

 

[سمسميه]

حاولي تستاذنين من دوامج
راح بقدرون ان شاءالله

 

[^kloOot^]

شاكره مروركم حبايبي صج ماقصرتو

بالنسبه للوكيل اللى عندنا موقف الاعفاااااااااااءات
وحتى ساعات الرضاعه وقفوها

وكلمت المدير اهو كلش عصبي ومايقدر

وانا ماعندي خوات الا وحده صغيره وعايشه بره
وعندي اخو بس عيااااااااااله بديره وانا ولدي بالقرين يعنى صعب كلش

والحين منو اللى فاضي يقط عيال الناس بهالسوالف الناس ماتعرفج كل واحد يشوف نفسه


الله كريم

 

[Dancing^Queen]

الله يعينج علي الوضع يا ام جوري

للاسف مالج الا الباص
في شركات توصل اليهال وتيبهم
جنه اسمها امان؟ او شي مشابهه
امانه؟
شغله جذي


مدام ماعندكم سايق
انزين اهل ريلج؟؟؟؟
ماعندهم سايق؟

 

[زيـنـه]

الله يعينج .. هذه مشكله اغلبية الاهالي .
ان شاء الله تلاقين حل

 

[همس البحر]

اذا تأزمت الامور عندج سجليه بمدرسه خاصه علشان في باصات توصل ماكو الا هالحل بيدج..........والله يسهلها لج ياااارب