منو يعرف مثل حالتي (فيتامينات وحديد في الاشهر 3 الاولى)!!

[نـــــورة]

مرحبا كويتيات

بنات انا حاولت اكتم بصدري ومااتكلم .... بس ماقدرت وودي اتطمن اكثر...

والحمد لله متوكله على ربي (قل لن يصيبنا الا ماكتب الله لنا)

هذا انا حامل في الرابع الان...

بس قبل لااحمل بشهر ... رحت دكتورة في مستشفى حكومي وقلت لها ان شالله ناوين انا وزوجي احمل بعد شهر وودي اشيك على الحديد والفيتامينات وكل شي ...

المهم صلحت لي تحاليل وقالت عندك فقر دم بسيط وعطتني فيفول(حمض فوليك وحديد) وملتي فيتامين enervit (يحتوي على فيتامين A 3333 IU) وقالت استمري عليه 3 شهور حتى وانتي حامل

انا ضليت اخذها وفعلا بعد شهر حملت ... وبعد شهر من حملي رحت الدكتورة وماحصلتها وحصلت وحدة مكانها وصارت تهزئني ليش تاخذين فيتامين وانتي حامل!!!! قلت مو انا الدكتورة وشوفي السيستم عندك وهي اللي صرفته لي ... اهم شي ان الدكتورة هذي خوفتني كثير .... وقالت اتركي الفيتامينات واستمري على الحديد والفوليك.... الى اخر الثالث

لما خلصت 3 شهور وانا بالصدفة اسولف مع خواتي قالو انتي صاحية تاخذين حديد في الثلاث شهور الاولى مايصير ...قلت لاحول ولاقوة الا بالله طيب الدكتورة وصفتها لي!!!

المهم قلت هالمرة بروح خاص ورحت دكتورة بمستوصف خاص وشرحتلها حالتي وصلحت لي سونار وقالت الوضع طبيعي لاتخافين ان شالله مافي شي

انا الحين بالرابع ... وقالت لي الدكتورة ماراح اصرفلك كالسيوم بس اعطيك فيتامينات الحوامل متيرنا

بس انا زعلانة من قلبي

على الدكتورات وعلى نفسي والوم نفسي كثير ليه ماسألت بالنت او قريت هنا وهنا

ابيكم بنات اذا احد له تجربة مشابهه لتجربتي ويقدر يفيدني ... اكون شاكرة

(اللهم احسن خلقه وخلقه اللهم عافه في سمعه وبصره وعقله وقلبه وسائر بدنه اللهم اجعله عبدا صالحا وابنا بارا بوالديه)

 

[A.N.L]

اممممممم ليش عادي هذا فيتامين شنو بيضر يعني !!

اول مره اسمع ان الحديد مو زين اول الاشهر !!

انا اول شهور كنت اخذ بريقنا بلان مع فوليك اسيد وبعد الرابع وقفت

الفوليك وخذيت مع البريقنا بلان كالسيوم

 

[OM-Saad]

لا زم فيتامينات وحديد من الاشهر الاولى» لي الرابع

 

[مشتطـه]

اول مرة اسمع مو زين

والحين سويتي سونار وطلع سليم

شحقة مسويه سالفه وخايفه

الحمدلله كل شي زين

وانتي أخذتي حديد مو سم !!!


ودام الدكتورة قالت لج يعني عادي

 

[nezgha.85]

بولدي الاول من اول ما حملت عطتني الدكتوره فوليك اسد وبولدي الثاني من اول ما حملت عطتني الدكتوره برجنا بلان والحمدلله يبتهم ما فيهم إلا العافيه الله يحفظهم والحين انا حامل ودكتورتي عطتني برجنا بلان بعد اللي اهو عباره عن فيتامينات وحديد يعني ما في اي مضره وحتى اللي تبي تحمل يقولون لها اخذ فوليك اسد وحتى اول ثلاث اشهر لازم حديد وانا إذا حملت لازم اخذ حديد بجري كنت اخذ حبوب حديد ما نفعو معاي لان فيني فقر دم وبعدها عطتني الدكتوره شراب حديد يعني ما في اي مضره إن شاء الله والله يسهل عليج وعلي وعلى كل حامل اللهم آمين​

 

[نـــــورة]

يسلموا بنات

يعطيكم العافية

الفيتامينات العادية مو المخصصة للحوامل مايصير الوحدة تاخذهم في الثلاث اشهر الاولى وخصوصا اللي تحتوي على جرعات عالية من فيتامين الف


لا اله الا الله محمد رسول الله ... الله يقدم كل مافيه خير