منو يعرف عن مرض (( البو ويه )) !!!

[منوووووله]

السلام عليكم

بنات ريلي قعد من النوم لقاا عينه اليسار ماتتسكر وحلجه صاير عووي

وصاير شكله غريب !!



راح الطبيب قالوولها هاذا البو ويه ؟؟؟ :eh_s(2):

ويحتاج الى علاج طبيعي ماني عارفه شنو اضراره المستقبليه

يطول مايطول ؟؟

يتم معاه على طوول ولا لا ؟؟

والي تعرف امانه لاتبخل علي بالرد والنصاائح ؟؟
:eh_s(7):

 

[ii DareeN ii]

مايشوف شر وان شاء الله مايطول يقولون ان مايطول اكثر من 15 يوم اهو يكون هوا بارد اثر على عصب بالويه

 

[*دبدوووبه*]

هلا والله حبيبتي
انا حسب ماعرفته من ولد خالي لم صار فيه

يقول كان متسبح ونايم تحت المكيف
وقام من النوم وشاف ويهه نفس ماصار في ولدج
وراح الطبيب قالوله بو ويووه او بو ويه

هذا يصير مثل بروده بالاعصاب
والاعصاب كلها تشد صوب اليسار
او اليمين
لمدة 20 يو م
مع العلاج
كان يروح مسشتفى الفروانيه يسون له مثل تدليك للويه مع كريمات

بس لاتخافين حبيبتي
ومايشوف شر ياقلبي

 

[رهوف]

ما تشوفون شر

والله انا صار في اختي قبل فترة واهو عبارة عن تصلب في عضلات الويه

اهم شي يتدفى وبعد مايتسبح ينشف شعره عدل ودفي زيت ودهني ويهه وانا اختي سوت جلسات علاج طبيعي بمستشفى هادي وحدة تشيكية تدلك الويه والرقبة والحمدلله راح منها بدون ما يترك اثر لأن بعض الناس يترك اثر بعينهم او ضحكتهم ... وبعد تذكرت شغلة ثانية يعطون حبوب كورتيزون وفيتامين B

والله يشفيه ان شاء الله

 

[زلابيا]

ما يشوف شر والله يقومه بالسلامه

اعرف ثنتين صار فيهم وحده تعالجت شعبي والثانيه توها راده من امريكا والحمدالله راح عنهم

 

[المتميزة*]

ماتشوفون شر
هذا - شلل اعصاب الوجه - المسمى عندنا بالكويت باسم (بو ويه ) والشخص يصيرله هالشيء نتيجة دخوله من هواء حااار الى هواء بارد فجاة

وفي عيادة تعالج بالطب النبوي فيها خبير الاعشاب والمعالج ابو نايف القرقاع شاطر فيعلاج هذا
وهو شلل اعصاب الويه

وقالوا لي عن وحدة بالصباحية زينة حق هالشي بس مااعرف رقمها

 

[منوووووله]

مشكووورين ماقصرتوو عالردوود السريعه بس هاذا صار بريلي مو بولدي

وفعلا كان متسبح ونام على طوول عيل بسوي الي قلتوولي عنه مشطوورين ماقصرتوو يعطيكم الف الف الف عافيه

 

[مادهورى]

السلام عليكم ورحمه الله وبركاته
ما يشوف شر زوجك منوله
الى اعرفه عن ابو وجه هو انه يحتمى من اللحم والسكريات لمده 40 يوم ضرورى وخليه يلبس نظارت شمسيه حتى بالبيت ولا يتعرض للضوء كثير
وفيه ناس يقولون لازم (يكوى) لانه ممكن يرجع مرة ثانيه بعيد الشر عنا وعنكم
والف سلامه عليه

 

[بنت النـور]

اتركي عنج علاج الكويت والطب الشعبي لانه كله بيطول اكثر من اسبوعين ويمكن شهر وهذا اذا ماترك اثر وساليني عن تجربة
الكويت على طول طمره على الكرتوزون واللي اضراره حدث ولاحرج وغير غثا التدليك الطبيعي
انصحج بدكتور بالسعودية يعطي ابر ومن ثالث ابره بيرجع باذن الله طبيعي
وان كثر اسبوع ويقدر يشتري الابر منه ويطقهم باي مستوصف بالكويت
والمسافه من الكويت للسعودية ماتتعدا 4 ساعات بالسيارة ..
قبل لاتتحطم نفسية زوجج خل يروح له ويترك عنه مستشفيات التجارب
واذا عزم زوجج اعطيج العنوان والرقم

ومايشوف شر

 

[منوووووله]

ياريت حبيبتي ريلي عليه منع سفر

مايقدر يطلع برى الكويت وانشالله بجرب الي قلتووه

 

[جكورة]

مايشوف شر إن شاء الله ... أنا كان فيني قبل سنتيـــن وعلاجه تدليك الوجه بإستمرار بنيفيا أو زيت زيتون دافي وإنه مايتعرض للهواء البارد والإضاءه القويه ... أنا أول يوم رحت مستشفى هادي وعطوني أبرتين ويوميا مساج بالوجه وكي بالكهربا لمدة 20 يووم والحمدلله إختفى... بس نصيحتي لايستهين بالعلاج والتدليك لإن لو ماألتزم بالعلاج والإبر والكهربا راح يطوول معاه الله لايقدر ونسيت بعد عطانا الهادي حبوب وأدويه ولازم أسوي تمارين بالوجه يعني أحرك حواجبي وأحرك حلجي يمين ويسار يعني أسوي حركات بالوجه.... وأي سؤال أنا حاضرة...

 

[ناعمة]

ما يشووووووووووف شر

 

[حبنا الله عليه]

سلامته ومايشوف شر ان شاء الله

اختي الصغيرونه صار فيها والله ماسوت ولاشيء من اللي نسمع فيه تتغطي عن الإضاءة وتغطي وجها ... الخ من هالأمور .

على طول عيادة الدكتور المساعيد عطاها جلسات ردت طبيعية 100% لله الحمد مع ان كان شكلها يكسر الخاطر واول ماشفتها بغيت ابجي بس الحمدلله على العافية .

مركز مساعد المساعيد الطبي
خلف النقرة الشمالي
ت: 2666288

 

[منوووووله]

مشوووووووووووووووورين ماقصرتوو والله

وقلت حق ريلي عن كل الي كتبتووه وانشالله خير مشكوورين فديتكم والله :**

 

[vevo]

الله يشفيه انا بقولج شي سامعته من جدتي اهل اول تقول اللي يصير فيه بو ويه يخرعونه عل غفله يعني يجي اخوه ويطقه طراق على غفله عاد انا ما ادري اذا صح ولا لا بس جربي يمكن ينفع:eh_s(13):

 

[حـــــلا]

الله يشافيه ..

 

[تركواز]

الله يشافيه ان شاء الله

 

[بتبوتااا]

وي توني ادري مايشوف شر انشالله

 

[ebleeesah]

ماعرف علاجه .. بس ماحبيت اقا الموضوع و اطلع بدون ما ادعيله .. عسى الله يشافي و يعافيه و يتم لكم ذخر اللهم امين

و انشالله ماعليه الا العافيه

 

[تفاحتي]

الله يشفيه انا بقولج شي سامعته من جدتي اهل اول تقول اللي يصير فيه بو ويه يخرعونه عل غفله يعني يجي اخوه ويطقه طراق على غفله عاد انا ما ادري اذا صح ولا لا بس جربي يمكن ينفع:eh_s(13):

انا جدتي تقول بعد طقيه طراق ع غفله بيرد الوجهه وخل يضل يومه كله بالظلااااااااااااام

الله يشافيه ويعافيه يااارب