منو يعرف حق اللحم

[ombaza]

قوة بنات انا حدي صرت فناانه بالدجاج كل اطباق الدياي اعرفها بس ريلي يقولي بنكااكي حرام عليج بس اللي ماعرفله عدل اطباق اللحم يعني مرات احط بالفرن ستيك ويصير صخر ومرات ماينبلع جنه علوووج عرده ومرات ومرات ومرات شلون اعرف اللحم اللي حق الشوي واللي حق الفرن وشلون اسوي لحم ذااايب نفس تكا المطااعم
اللي تعلمني ادعيلها
ايصج وشتبلون الستيك فييه

 

[جكورة]

مشاركة: منو يعرف حق اللحم

أم بزه حلوه نكاكي مثلنا يعني...المهم أنا أعرف طريقة البفتيك مثل الستيك روحي عند راعي اللحم قوليله أبي بفتيك وخليه يطقطقه بالمطرقه علشان يصير ضعيف وأغسيليه عدل وحطي بالخلاط بصل وفلفل أسود وملح وفلفل أخضر وحده وشويه ماي وأخلطيهم ونقعي البفتيك فيه لمده نص ساعه وبعدين أغمسي البفتيك بطحين ثم بالبيض ثم بالبقسماط وأقليه على نار هادئه وقدميه مع معكرونيا أو شيبس وبالعافيه... واذا تبين بعد طرق ترى عندي...

 

[أغلى حبيبه]

مشاركة: منو يعرف حق اللحم

ام بزه اذا تبين مجبوس اللحم طريقتي

اطبخ اللحم لمده ربع ساعه بس ماي وقفشتين اكل خل
عشان تطلع الزفره

وبعدين بجدر ثاني حطي ماي وبهاراتج العدله مو مطحونه
وخليه على النار على مايغلي بعدين حطي اللحم
وخليه على مايطبخ على نار عاليه
وبعدين قصري على الجوله عشان مايتبخر الماي
تقريبا ساعتين وبعدين غزيه بالشوكه شوفيه لين ولالا

واي شي تبين آمري

 

[ombaza]

مشاركة: منو يعرف حق اللحم

بعد قلبي تسلمون بس اغلى حبيبة انا ما اطبخ عيوش اطبخ كل شي اللا العيوش ريلي ماحب العيوش وايد يفضل الخفايف والبايركسات
بس تسلمين مشكورة
اللي عندها من سوالف اللحم بالفرن تنورنا

 

[جكورة]

مشاركة: منو يعرف حق اللحم

الريش بالفرن.. أخذي من اللي يبيع اللحم ريش أو بمركز سلطان وغسليهم عدل وحطي بالخلاط بصله وفلفل أسود وملح وفلفل أخضر علوووب وماي شويه ونقعي الريش فيهم تقريبا ساعه ونص الى ساعتين وبعدين حطيهم على شبك الفرن من تحت لحد ما يستوي روووعه مع السلطه والشيبس .. وعليكم بالعافيه..

 

[bnt q8 in usa]

مشاركة: منو يعرف حق اللحم

انا اقولج:اشتري ستيكات خفيفه شوي يعني مو سميكه
تالي تبليهم من الليل بهارات وثوم وليمون وخل وسكري بقصدير
ولي بغيتي تطبخينهم حق الغدا حطيه ببايركس وتكونين مصفيته من الخلطه وقطعي عليه شوية زبده وشويه ليمون يعني ليمونه وسكري البايركس بقصدير وكل نص ساعه قلبيه
خلي نارج متوسطه حدها بس ثلث ساعه

بعدين:
سويلج ميش بوتيتوو
تفوحين بطاطتين تالي هرسيهم وحمسي زبده وحطي البطاط امهروس عليه وشويه ثوم
علي الويه عند التقديم حطي روب +ولبنه مع زيت زيتون خلطيهم وصبيه فوق البطاط