منو يراجع عند الدكتورة دلال السالم

[حورية البحر 1]

السلام عليكم
بغيت أقولكم بنات أنا أراجع عند الدكتورة دلال السالم بصراحة مرتاحة لها بس خايفة ما إتي حزت الولادة
فبغيت أسأل شنو رايكم فيها كدكتورة ولادة هل هي شاطرة في الولادة والعمليات القيصرية
وإتي حزت الولادة
قولولي تجاربكم يا بنات مع الدكتورة دلال السالم

 

[shoshowh]

هلا والله حوريه
انا في حمالي الي طاف كنت اراجع عندها ٢٠٠٧
ماشاء الله حنووونه وااايد وانا كنت والده بالهادي يعني بالجابريه وعيادتها بالجابريه وجني سمعت انها ساكنه بعد بالجابريه
يعني الحمدلله ماتاخرت علي ويت وكانت تذكر الله خوش دكتوره ماتحسين انها غريبه

 

[ام عفاف الكويت]

كل الدكاتره لازم ايون حزت الولاده
ودلال سمعت انها خوش وحده
بس مادري ولله ماجربتها

 

[Om -TOota]

دلال السالم تهبل تهبل اذا رحتلها تطمني نفس بنتها

بس ولاده ماجربتها

 

[انجبر قلبي]

والله انا كان ودي اراجع عندها بس ما احصلها دوامها يخلص مبجر

ودي اجربها بالولادة ابي اعرف شلونها خصوصا بالخياط​

 

[حورية البحر 1]

يله يا بنات أبي رود أكثر

 

[حورية البحر 1]

وين البنات إلي يراجعون عندها

 

[برد فيمتو]

دلال السالم وايد زينة آنه أراجع عندها
تصبر عليج بالولادة وماتخرعج والصراحة خياطها يهبل
وإن شاءالله راح اولد عندها هالمرة بعد ​

 

[! Miss.Q8 !]

انا بجرية وراجعت عندها مرة وحده صراحه تهبل الدكتورة

وايد انصحووني فيهاا واهي ولدت اختي واختي وايد امدحتها لي

 

[ليان كل الحلا]

السلام عليكم انا ارجع عندها من بدايه حملي في بنتي 2008 وولدت عندها بس عمليه لان البنت لفت كانت عندي كذا شغله ماقدرت تولدني طبيعي خافت ع البيبي الحمدالله كانت كل يوم الصبح قبل لاتروح عيادتها تجي مستشفي دار الشفا تطل علي تتطمن نفسيتها حلوووووه دكتوره ماتهمها الماده اهم شي انتي حيل شاطره ولدت اختي طبيعي حيل تمدحها تقول كانها امي كلامها حلو تقري عليج
الحين انا حامل اخر الثامن هم باذن الله بولد عندها طمنتني ارتاح لها تسمع لج تهتم تعطيج من وقتها حتي سكرتاريه السسترات اللي معاها حليوات حيل صراحه تهبل احط الكل فيها
ولاده طبيعي ب250
قيصيريه 300

 

[حورية البحر 1]

مشكورين جزاكم الله خير

 

[حورية البحر 1]

بس بغيت أسأل شلونها مع العمليات القيصرية زينة وهل هي متمكنه

 

[كل الشكر]

انا طبيعي الحمدلله وكنت عندها 2008

ومرت اخوي مرتين قيصري وهمن تمدحها حيييل

 

[opera]

دلال السالم ولدت عندها سنه 2008

تهبل تعاملج جنج بنتها وتخاف عليج وتزفج بعد هههه

كانت تزفني اذا وزني زايد وايد

و تنصحني

ويوم ولادتي ياني عوار المغرب رحت المستشفى عالساعه 10 وماطولت يتلي مع انه للحين باجي على ولادتي وااايد

وقعدت عندي وقالت حق اهلي روحو البيت تراهي مطوله يبيلها 10 ساعات

يعني كانت تدري اني ماراح اولد بسرعه ومع هذا قعدت معاي

وبعد 14 ساعه قررت تولديني قيصريه لانه عوار الطلق ذبحني والبيبي تعب

وصج ولدت قيصريه

وبعد العمليه زارتني بالمستشفى



والحين انا حامل وبولد عندها ..




بس عيبها شي واحد .. ماتعطي رقم عشان تتصلين عليها بأي وقت في حال انج بتستفسرين عن شي معين

 

[خيشة شكر@]

ما ادري ما اعرفها بس شكل البنات يشجعها الله يجزاها خير على اتقانها عملها

 

[يا عيون سمي]

بنات انا لي الحين مارحت لدكتوره لان اغلب اللي كنت بروح لهم كانو يذمونهم انزين ماعليكم امر ابي رقم عيادتها ووين صايره بضبط

 

[salamq8]

دلال السالم باي مستشفى
ومتى دوامها
؟؟؟

 

[AnArI]

عيادتها تصير يم هارديز الجابريه وهذا رقمها 25325051

 

[ناني سيكرتس]

دكتوره دلال تهبل , بالولاده تصير امج ماشاء الله عليها...
انا اخر مره ولدت عندها ب2006, ولدت معاها مرتين, تهبل بكل ولاده, خياطها اكثر من عجيب, تخيط تجميلي من غير ما تقولين لها لان تقولي احب شغلي مضبوط, وصج خياطها بالمرتين الي ولدت فيهم غير, واهي توصل المستشفى بسرعه ماشاء الله عليها, يعني بس يدقون عليها تلاقينها واصله, وتطول بالها عليج وتقرا عليج قران, تهبل جنها امي..

الحين انا حامل بس مو قاعده اراجع عندها, اراجع عند حيان الاحمد بالمواساة لاني ابي اغير عن الهادي, مع ان والله الهادي حلو وكمامهم عجيب ورعايتهم حلوه بس صار وايد زحمه. بس اتصدقين ريلي يحن علي روحيلها روحيلها لان اهو مو حاب المواساة, يقولي الهادي اقرب يم بيتنا. الخطه المستقبليه اني على السادس ببدي اراجع عندها + حيان لاني عادي اغير رايي باخر لحظه واولد بالهادي ...

 

[*ريمي*]

اااب
تجاربكم
تولد بدار الشفا ؟