منو يدفع تكاليف علاجج ؟ انتي والا زوجج ؟

[أضوى1]

السلام عليكم

خواتي أنا عندي استفسار وابي رايكم لانه يهمني حيل وبنفس الوقت علشان أعرف اللي لي واللي علي ....


أنا صارلي لحد الآن سنتين ونص متزوجه والله مارزقني لحد الآن بالذرية

سويت فحوصات انا وزوجي ولله الحمد ماعندنا أي مشكلة

السؤال المهم : هو منو اللي المفروض يتكفل بمصاريف العلاج والفحوصات خصوصا مثل ما انتوا عارفين ان اغلبية الفحوصات تكون للزوجة من تحاليل وسونار وأشعات وعلاجات وغيره وغيره ......

هل الزوجة هي اللي لازم تدفعها أو انه هالشي من الامور اللي مفروضة على الزوج ؟؟



وسلامتكم

 

[هندااا]

شوفي انا بتكلم عن نفسي .....


انا لما اراجع ابروحي انا ادفع ولما اكون معاه اهوا يدفع....يعني احس لازم تعاون ومشاركة بهالسالفة...يعني مايصير كلشي عليج ولا كلشي عليه...لان العيال حقكم انتو الاثنين...


الله يوفقج ويرزقني وياج عاجلا غير آجل

 

[أمونة الحلوة]

انا عن نفسي انا وزوجي انتحمل المصاريف اثنينا لان مثل ماقالت اختي هندااا انه العيال من حقنا احنا الاثنين سواء العيب بالزوج او الزوجه ولا زم انتعاون لانه اهوه بروحه مايقدر يمع فلوس العمليه ولا انا بروحي فلازم انتعاون وربي ان شاء الله يرزقج بالذريه الصالحه المعافى يارب ياكريم قادر على كل شي الواحد الاحد

 

[Hello_kitty]

وانه بعد نفس كلام البنــــــــــــــــــــــــــــــــااااااااااااات

 

[ام مهدي]

انا عن نفسي انا اروح كل مرة بروحي وادفع كل مرة فيها تكاليف هالأمور هذي مع ان زوجي لو يروح معاي اكيد بيدفع ومثل ماقالوا البنات لازم يكون في مشاركة

 

[كبْرٍيآء]

زوجي يتحمل مصاريف العلاج

 

[الفنانه79]

انا كنت اروح بروحي بما ان زوجي مافي شي وانا ادفع واحيانا اهو يعطيني


بس لما حملت بعيالي اول مره طبعا اهو يدفع حق مراجعاتي

والحين بالمره الثانيه طبعا اهو يدفع حق مراجعاتي

 

[أضوى1]

مشكورين خواتي عالردود وابداء رايكم وعسى ربي يرزقني ويرزقكم وكل محروم بالذرية الصالحة المعافاة


انا معاكم باللي قلتوه .. صح الحياة مشاركة بس اعتقد كونا تونا في بداية العلاج والفحوصات وليلحين مو واضح منو اللي

عنده المشكله لان اصلا بالفحوصات الاولى كلنا سليمين ..

وليلحين ما بدينا مرحلة العلاج الفعلي فاعتقد المفروض الزوج يتكفل بهذي الامور ولا تنسون انا توني معاه سنتين ونص .

 

[ZajiL]

الحياة شراكه خصوصا اذا انتي تشتغلين

 

[كويتيه مذهله 87]

احنا الاثنيني نساعد بعض

 

[غنوة ستايل]

انا لو رحت بروحي طبعا انا ادفع من مصروفي اللي هوا مخصصه لي

لو معاه اكيد اهوا يدفع

 

[أغصان]

زوجي اللي يدفع لأني مو موظفه

 

[bnt_kwt]

كل مشروك مبروك

وبكل شي نتشارك

اذا كنت بروحي انا ادفع واذا كان معاي اهو يدفع

 

[zahraa]

عادي افلوسه وافلوسي واحد
ما نختلف فنتشارك

 

[Swan]

والله احس انها ما تفرق
انتي معاه سنه والا سنتين والا عشر والمشكله سواء عندج او عنده وان شاء الله مافيكم الا العافية
اهي الشغله مشتركة بين الاثنين
اللي تتوفر عنده المادة يدفع

بالنسبه لي ما احس انه شي مهم ولا افكر منو اللي قاعد يدفع
اهم شي النتيجه

 

[-Bello-]

حبيبتي ماكو فرق بينج وبينه وهم ماكو فرق سواء انتي اللي ددفعتي ولا اهو

 

[دمثة]

المفروض الاثنين