منو ولدت بمستشفى المواساه؟

[جمالي ايطالي]

السلام عليكم ورحمة الله وبركاته


ياليت الي ولدت بمستشفى المواساه تقولنا اشلون كانت الولاده عندهم وجم كلفت عليها الولاده وهل دكتورها من برا او من المستشفى ومتى ولدتي هالسنه او من زمااان


والله يعطيها العافيه ويسهل عالجميع ويرزق كل محرووومه



:eh_s(7):

 

["*آآآنؤؤؤقهـ*"]

بنت خالي ولدت فييه عند الدكتوره فرجينيا من داخل المستشفى ب 650 دينار ماخذه غرفه عاديه

 

[جمالي ايطالي]

حياااتي انوووقه مشكوووره

 

[ام محمد الحلوه]

اهلين جمالي انا ولد بالمواساه قبل 3سنين وكان المفروض تولدني ناهده بس كسرت فيني وسافرت ولا قالت لي
وقالولي عن جمال الدين الافغاني وتكلت على الله ورحت له ما قدرت اولد طبيعي وصلت 6 سانتي بس الحوض صغير والياهل مانزل فيه فقرر لي عمليه خدمتهم زينه والسسترات بعد نفسهم حلوه قعدت اربع ايام وتكلفت الولاده مع الغرفه ديلوكس جنه:bbbiu:الف و700
ان شالله اكون افدتج

 

[جمالي ايطالي]

مشكوووره ام محمد فديتج

 

[mannawy]

شوفي نصيحه لكل حامل وهالنصيخه دوم اسمعها من اختي تقول حق اي ولاده بالدنيا حطيلج مبلغ 2000 عشان تكونين با safe side
ادري ان المبلغ وايد بس اذا الله تمم وعمليتج ماكلفتج هالمبلغ راح يدش بجيبج مره ثانيه وممكن تستخدمينه باشياء لج بعد النفاس.
وبصراحه انا حابه اسوي نفسها، ادعولي ان الله يتمم علي وما اولد بالصباح حاله طارئه نفس الولاده الاولى

 

[كويتية أصيله]

اي حبيبتي انا ولدت سنة ٢٠٠٢ كلفني فوق٢٠٠٠ لأني ماخذه حزتها الملكي
سنة ٢٠٠٤ كلفني فوق ال٢٠٠٠
سنة ٢٠٠٩ كلفني اقل لاني مالقيت غرف كان زحمه خذيت vip تقريباً ١٦٠٠

الخدمه ممتازه باول ولادتين كنت عند د.عمد غزاوي
الثالثه عند لينا وماشاء الله عليها لينا روووووووعه كان الياهل مو راضي ينزل الحوض خلتهم يحطوني على البالون نص الساعه لين نزل ولدت بالسلامه
السسترات ممتازين والخدمه احلى

 

[Laymo0ona]

انا ولدت بالمواساة من شهرين السسترات يهبلون والخدمه اوكي وبالنسبه للسعر مو متاكده بالضبط لانه عندي تامين دفعت 570 وكنت ماخذه ال vvip الباجي دفعه التامين ودكتوري حيان

 

[جمالي ايطالي]

مشكووورين بنات

 

[@ام يوسف@]

الله يسهل عليج ماعندي فكره

 

[جمالي ايطالي]

الله يجزاج خير

 

[متيمه بهواه]

الله يسهل عليك يارب
وتولدين بالسلامه يارب

 

[مألوفة]

انا ولدت فيه السنه اللي طافت 2010 وكانت ولادتي طبيعية عند الدكتورة لينا والخدمه تهبل واكلهم نظيييييييييييف والسسترات يهبلون وعناية 24 ساعه كلفتني الولادة 700 او 750 والله ما اذكر لاني عرفة عادية ما سويت استقبال بالمستشفى

والحين هم ناوية اولد فيه بس دكتورتي سافرت حسافه الدكتورة لينا وراح اولد ان شاء الله عند فرجينيا

 

[جمالي ايطالي]

مشكورين بناااات والله يجزاكم كل خير

 

[auoma]

أنا ولدت فيه مرتين عند لينا وما انصح فيها لانها خواره وخياطها اكس الله لايواريكم
وثالث مره عند دكتور حيان الاحمد بصراحه روعه هالدكتور ومحترم وخياطه يهبل طلبت تجميلي
والمستشفى روووعه وما افكر اغيره العنايه توب والاكل نظيف والسسترات بعد
الله يسهل امين وهالمره بولد عندهم بعد

 

[جمالي ايطالي]

مشكوووره ياقلبي

 

[ميشووو]

اب اب

 

[BOOBO]

انا ولدت شهر 8 المستشفى اينن هادي ماكو ازعاج ونظيف والسسترات نفسيتهم حلوه وتعامل حلو ومتعاونااات واايد
الاكل كان كله من الدايت كير كل يوم منيو انا اختار اكلي بنفسسي والخدمه كانت عجيبه
انا عندي تامين بس دفعت 1800 زياده وخديت جناح ارماني

الله يهون عليكم ان شالله ..

 

[بنت التوخذه]

انا ولدت فيه قبل 3 سنين دكتورتي ليلي اشكناني المستشفي روعه ارتاح له

 

[جمالي ايطالي]

يعطيكم العافيه بنات