منو ولدت بسبوع 34 من الحمل

[الطربوش]

مرحبا خواتي السؤال واضح من العنوانمنو فيكم ولدت بسبوع 34 من الحمل
وهل اخذتي ابرة الرئه
وهل احتاج البيبي للشيشه
وكم كان وزن البيبي
بنات تكفون اكتبوا لي قصة ولادتكم للي مرت مرة بالمرحله هاذي
لان والله حدي وميته خوف
لان معاي ولاده وانا في سبوع 34
وجزاكم الله الف خير للي ترد علي

وعسى ربي يفرج همومكم انشاءالله
سامحوني على البدليات لان اكتب من الايفون

 

[فديتـ عمريـ]

انا ما مريت فيها

بس ما حبيت ما اترك تعليق

ان شاءالله البنات يفيدونج

و ربي يتمم علييج

و ربي يكتبلج اللي فيه الخيير

 

[أحلام العمر]

انا اجاوبك بس اي شهر انتي ما عرف بالاسابيع

 

[غرام القمة]

الله يهون عليج يارب

 

[الطربوش]

اول شيئ يعطيكم الف عافيه ماقصرتو ثاني شيئ انا يعني في اخر الثامن
على حساب الدكتوره

 

[الطربوش]

ماقصرتو يا خواتي على رفعكم للموضوع عسى ربي يرفع مقداركم انشالله

 

[موية2004]

انا عيالي كلهم خدج
يقعدون شهر بالحضانة
مرة ولدت بالاسبوع 33
و مرة ب 35
و اخذت ابرة الرئة علشان تساعد البيبي

 

[الطربوش]

اخت مويه ٢٠٠٤يعني فوق ما اخذتي ابرة الرئه
اعيالج سم الله عليهم قعدو بالحضانه
معقوووله
وبعدين طلعو فيهم شيئ بعيد الشر عنهم

 

[بيـآض الثلـج]

والله مآدري حبيبتي

الله يثبته لج و تولدينه علي شهره ان شاء الله​

 

[أم توفي]

الاأسبوع34 مو يعني بالتاسع؟
أخاف قصدج 24؟؟؟

 

[روح الأحزان]

حبيبتي الله يقومج بالسلامة انتي والبيبي

 

[الطربوش]

يسلمووو يا روح الاحزانام توفي انا قصدي الاسبوع ٣٤ ادري ان مو بالتاسع


يمكن في اواخر الثامن

 

[*ماي الورد*]

رفيجتي ولدت توأم بالثامن
خذت ابرة الرئه
واحد قعد اسبوعين وواحد قعد شهر بالشيشة
اهو على حسب الوزن اي بيبي وزنه اقل من ٢٥٠٠ يعتبر خديج

 

[sosowaty]

ااااااااب

عسالله يتمم عليج و يثبته

 

[أحلام العمر]

دام اخر الثامن ووزنه زين يقعد يوم او يوميين لكن اذا كان وزنه تحت الكيلوين يحتاج حظانه ادخلي قوقل واكتبي ولاده بالثامن شوفي الردود بس انتي عسي ماشر اللي وصلك لا اخر الثامن ان شاء الله توصلين التاسع انا بعيالي اخذ بس يوم من التاسع يطلعون معاي*

 

[نسيم الأمل]

عزيزتي أنا كنت أمس عند الدكتورة وقالت لي أن أحاول أريح نفسي وما أتحرك وايد إلى أن أدش الأسبوع 35 قالت لأن وقتها مايعتبر البيبي من الخدج ويكون وضعه أفضل . فإنتي حاولي أن تريحين نفسج ولا تحاتين أو تتحركين واايد إلى أن دشين الإسبوع 35 .

وإذا وضعج ما يتحمل الإنتظار أخذي أبرة الرئة أفضل عشان حتى لو إحتاج البيبي للحضانة مايقعد فيها وايد .

الله يسهل عليج وإن شاء الله تولدين بالوقت المناسب إلي يكون فيه البيبي بصحة جيدة ومايحتاج للحضانة .

 

[ام فواازي]

الله يتمم عليج وتولدين بالتاسع بالسلامه

 

[Aloe Vera]

توني امس اكلم وحدة والدة باخر الثامن البيبي ما احتاج يقعد بالشيشة ماشاءالله و اهي خذت ابرة الرئة

بس فكري بالمستشفى قبل لا تولدين اذا مهيأ او لا

و اذا بالحكومة فكري الف مره

و استخيري و الله يسهل عليج و يقومج و البيبي بالسلامة

 

[حنووونه25]

ليش اتخافين اتوقع ان البيبي اذا صحته زينه ماراح يقعد الا يومين بالكثير ويطلعونه لج لان ماشالله ما بقى شي عالتاسع ادشينه

 

[أم عزيـز]

اهم شي وزنه اذا كان اكثر من 2 كيلو ما يحتاج يطول الحضانه
تقدرين تاخذينه معاج بس اذا اقل لازم يتم بالحضانه
وان شاء الله ماكو الا العافيه