منو وضعها طبيعي و ما حملت ؟ و شنو سوت عشان تحمل ؟

[سرقت النوم]

بنات انا صارلي مده من تركت حبوب المانع بس مالله كتبلي حمل ؟
راجعت كذا دكتوره يقولون ما فيج اي شي ممكن يمنع الحمل


اللي كانت نفس وضعي شنو سويتي عشان تزيدين فرصة الحمل ؟

بنات

:eh_s(16):

والله العظيم ضايق خلقي

و ما تدرون اشكثر متكدره

و ابي احمل اليوم قبل باجر

انا اتوقع الدوره بتنزل علي اذا مو اليوم باجر

امس نزل مثل خيط دم مع الافرازات
و ظهري يعورني
و حللت تحليل منزلي ( اليوم عندي ال 27 من الدوره ) خط واحد يعني مو حامل
يعني باجر متوقعه نازله علي الدوره


و الله ما ادري شنو اسوي ؟

:yaaaaaarb:


ادعولي بنات تكفووون ادعولي مثل ما دعيت لكثير من البنات ابيكم تدعولي و الله اعلم شكثر انا ادعي لكم

 

[ام زاكي]

عادي حبيبتي اغلب الامهات جذي يصير لهم بعد المانع انا قعدت سنه وشهرين ماحملت بعد اللولب
الحين بس تخلص الدوره ابتدي كل يوم اقري سوره مريم ونشالله تحملين في القريب العاجل

 

[قطرة مطر83]

رد : منو وضعها طبيعي و ما حملت ؟ و شنو سوت عشان تحمل ؟

عادي حبيبتي

لا تحاتين ولا شي و الجسم يبيله فتره يطرد الهرمون اللي مانع الحمل بالاشهر و ممكن تتمين سنه
على حسب جسمج و على ما يكون هناك توازن بهرمونات الجسم هاذي المعلومات من دكتورتي .
و انا حملت بعد 7 شهور من شلت اللولب .
بس ان شاء الله الشهر الياي ما تشوفين الدوره و تكونين حامل يا رب .

موفقه

 

[tmtmt]

الدكتور قالي اذا صارلج ٦ شهور تحاولين بالحمل وماصار هني نبدي نتخوف شوي

اخذي الحبوب الي تزيد البويضات
مافيها شي بس تاكلينها من ثالث يوم الدوره تقريبا عاد الطبيب يقولج
لمدة ٥ ايام
بعدين تروحين يشوف بويضاتج تلقينهم ماشاءالله ٣ او ٤ واهوا العاده ١ بس عشان الحبوب يزيدون
ويغزج ابره ويحددلج موعد الجماع

وان شاءالله يتم الحمل باذن الله

الله يرزقج يارب

 

[حرمه المصون]

الله يرزقج بالطفل السليم المعافى عاجلا غير اجلا

 

[ام عفاف الكويت]

صبري لاتاخذين الكلوميد ولا شي
ان هذي الدوره وان شاء الله لا
كثري مراميه ونظفي الرحم باللهوم والادويه الاعشاب
وتحاميل وانتبهي لنفسج وان شاء الله الشهر الياي يبين خطين
وان شاء الله هالشهر وهذي علامات حمل ان شاء الله يارب
انتي لاتفكرين فيها

 

[البيررق]

رد : منو وضعها طبيعي و ما حملت ؟ و شنو سوت عشان تحمل ؟

انا ولدي عمره سنه و7شهور
و من ولدته ما اكلت لا حبوب مانع و لاشي

و ليمن الحين ما حملت

رحت دكاتره واجد و سويت كل شي قالولي مافيني شي

الحمدلله


بس انا زوجي يبي عيال و يبيني احمل

و حيل متضايقه

وودي احمل بس الله ماكتب
مع ان ولدي حملت فيه من اول شهر من عرسي

الله كريم

بنات تنصحونا بدكتوره معينه

لا تقولون دكتور انا مابي ريال

الله كريم و يرزقنا يارب العالمين

سبحان الله جنج اتكلمين عني و حاسه فييني

 

[كبرياء اميرة]

انا قالتلي الدكتوره مافيني شي

ورحت لام فيصل قالت عندج ضعف مبايض والهرمون مرتفع وطلع كلامها صح

 

[ام فوااز]

رد : منو وضعها طبيعي و ما حملت ؟ و شنو سوت عشان تحمل ؟

شربي مرمية استمري عليها 6 شهور تنشط المبايض والله يرزقج يارب واذا ماصار حمل عالجي كلوميد انا حمالي هذا علاج بالكلوميد والابرة التفجيرية وحمالي بفزااز كان طبيعي من غير علاج كل حماله غير عن الثانية
ولاتفكرين وااايد النفسية تاثر
وكل ادعي حطي ايدج على بطنج وقولي هالدعاء استمري عليه علطول بكل وقت"((ربي لاتذرني فردا وانت خير الوارثين ))

 

[** باربي **]

الله يرزق كل من اتمنى

 

[مواصله]

رد : منو وضعها طبيعي و ما حملت ؟ و شنو سوت عشان تحمل ؟

انا بعد تركت المانع من شهوور واتابع تبويض عند دكتوره لكن ربي ماكتب

 

[ضي]

الله يكتب لج ويكتبلنا الحمل ياااارب

 

[دمثة]

شوفي يا حبي انتي


اقري البقرة وطلعي صدقات وحصني نفسج عدل


وحياتي انصحج بوحدة ام فيصل الرشيدي بجابر العلي مرة كبيرة وفاهمة وشاطرة وتعرف

 

[دنيتى زوجي M]

بنات لاتاخذون كلوميد من غير استشاره موزييييين

الله يرزقكم بالذريه عاجل غير اجل يارب العالمين

 

[؛؛حلاوه؛؛]

رد : منو وضعها طبيعي و ما حملت ؟ و شنو سوت عشان تحمل ؟

ادعي ربج وصلي صلاة الحاجه والله يرزقج ان شاء الله

يمكن فيج التهابات جربي تستخدمين غسول داخلي

 

[بيضاء الثلج]

الله يرزقج حبيبتي ويفرح قلبج إنشاء الله

 

[(أم نونو)]

رد : منو وضعها طبيعي و ما حملت ؟ و شنو سوت عشان تحمل ؟

حبيبي انا حملت عقب ما وقفت المانع باربع شهور وسقطت بسرعه وانا الحين من سقطت صارلي 5 شهور ما حملت ربي يكتبلي ويكتبلج حمل الشهر هذة ماتشوفين الدورة

 

[om al ghaleen]

آول شي كثر الاستغفار والله والله احسن دواء لج
ولاتنسين الاذكار "


وبعدها اذا انتي متشفقه ع الحمل الحين العلاج صار اسهل من قبل
مافيها شي لا عالجتي حتى لو كان مافيج عيب (( اللي اقصده المنشطات ))
وان شاء الله تبشرينا الشهر الياي بالحمل السليم

\\

 

[متيمه بهواه]

رد : منو وضعها طبيعي و ما حملت ؟ و شنو سوت عشان تحمل ؟

صدقيني التفكير بالحمل راح ياخر حملج

تبين نصيحتي لاتفكرين بالحمل وخلي أيامج طبيعيه وحاولي تشغلين نفسج بشي ثاني غير الحمل
ولاتنسين الشي الي بينج وبين ربج مايحتاج أقولج أنتي عارفه

ولاتنسين الاستغفار قبل النوم
خليها الف مره
او 500 مره بالمسباح وان شاء الله ربي بيرزقج ويرزقني معاج ويرزق كل من تتمنى يااااااارب

 

[سديم*]

نصيحه من اخت كانت نفس حالتج بالضبط اشتري عسل العويد منشط المبايض والتزمي فيه مرتين باليوم وان شاءالله من بعد الرحمن ماتخلص الا انتي حامل باذن الله جربي والله يرزقج بالضنى