منو نفس حالتي (كيس بلا جنين)؟ ساااعدوني

[SKY123]

السلام وعليكم ورحمة الله وبركاته

بنات انا تزوجت تاريخ 14 -11 - 2010
اخر دوره كانت 30-10-2010
المهم من يوم تزوجت ما يتلي ولا دوره
بس بيوم ما تزوجت يالي نزيف مدته اسبوع تقريبا اظاهر الغشاء .

24-12-2010 رحت سويت تحليل بول و دم و طلعو النتايج انتي حامل.
وقالولي راح اول بداية شهر 8

طبعا ما احس باي اعراض الحمل يعني النساة
بس صرت وايد اكل. بس احس باعراض الدوره يعني احس جنه بتنزل علي الدوره.
الحين على حسب اخر دوره المفروض انا 7 اسابيع او 9 اسابيع مو متأكده
المهم اليوم رحت طبيب خاص قلت بشيك على نبض الجنين.
سوالي سونار الدكتور جان يقولي هذا كيس بلا جنين. مافي جنين داخله. انصدمت! وقال حجم الكيس عمره 6 اسابيع. قالي تعالي بعد اسبوع يمكن يبين.
قالي يمكن الجنين ميت او انه مومكتمل النمو او انه كيس فاضي.
المهم رحت طلعت منهم ورحت سيده مستشفى الصباح
خذو علي تحليل هرمون الحمل. وطلع عالي وممتاز وباين اني حامل وبعدين سويت سونار داخلي وقالت لي الدكتوره كيس فااضي.. تقول الرحم نظيف وممتاز و الكيس شكله سليم و شكل عمره اقل من 5 اسابيع!! شلوووووون اقل من 5 اسابيع واهمه يقولون لي انا 9 اسابيع حامل.؟
قالت لي نفس كلام الدكتور اللي من المستشفى الخاصه و قالت لي ارد بعد 10 ايام وتشوف.

الحين انا قاعد افكر اقول يمكن انا مو حامل من 14- 11 يمكن النزيف اللي نزل علي كان دوره؟ بس شلون يعني يتني الدوره مريتن؟ بس يمكن عشان تغير الجسم وتغيرت الهرمونات و يت الدوره وكان مو نزيف واذا صج هالكلام معناته انا حملت وره الدوره الثانيه.

سؤالي: منو فيكم يتلها الدوره قبل العرس وبعدين ورى العرس بجم يوم ردت نزلت عليها
ومنو فيكم نفس حالتي كيس بلا جنين بس بعدين ردت سوت سونار و طلع في جنين و في نبض؟

 

[(( الذهب ))]

ان شاءالله يبين المره الجايه

انا قبل سنتين حملت بكيس بدون جنين وكنت بالشهر الثالث وسويت تنضيفات والحمدلله انا الحين حامل ^^
انتي لا تستعجلين علي عمرج انطري والي الله كاتبه يصير خمس اسابيع تو الناس

 

[غنوة ستايل]

احتمال يكون تبويض متأخر ياقلبي
نطري اسبوعين بعد . عشان تكونين متأكده احسن .
ما تدرين يمكن صج 5 اسابيع وللحين ما طلع النبض . نطري اسبوعين احسن

 

[غنوة ستايل]

وعلى فكره انا مره حملت بجيس من غير بيبي
وسقطت بالاسبوع الثامن . ما كان في نبض واهوا طاح بروحه ما سويت تنظيفات قالوا ماله داعي
وعقبه ب 6 شهور حملت والله رزقني بولدي . عسى الله يخليه لي يارب

 

[سموره 87]

انا حملت بجيس بدون جنين وطيحته بالشهر والثالث وبعد 3شهور ربي رزقني بالحمل السليم

بس مثل ماقالوا نطري يمكن يبين وان شالله خير

 

[ام علوشه]

مي تو

حاليا انا مثلج يسمونه حمل كيميائي
وحده قالت لي يمكن صار الحمل بأخر ايام الدورة الاخير وهذا امله ضعيف

الله يعوض علينا يارب .. وهرموني نازل من 600 الى 400
والله المستعان

 

[SKY123]

اب اب

 

[A7la-SmiLe]

حبيبتي نطري لاتستعيلين
بسأل شنوو اعراض الحمل بكيس بدون جنين ؟ يعني مافي نساة ووحام ؟؟​

​

 

[No0oR]

أنا اول حمل لي كان جيس فاضي و سوولي تنظيفات بعد 10؟اشهر حملت ببنتي البجر
حملي الثالث كانو يقولوون لي مافي نبض و يمكن يكون بس جيس بس ماصدقتهم ولا ارتحت حق الدكتوره نهاد اللي بالسلام
رحت حق دكتورتي ناهده العلي و قالت لا هذا جنين وسمعتني نبضه و الحمدالله كاهي بنيتي يمي ؛؛
فا انصحج ماتستعيلين الا اذا حاسه بعوار او ينزل عليج دم و ان شاءالله مافيج الا العافيه
و اذا كان جيس لا يضيق خلقج يقولون حريم اول الساقط لاقط يعني اللي تطرح لها قابليه انها تحمل اسرع

*