منو نعرف عن تخفيف العمل للمعلمة حق الرضاعه

[bluegg]

السلام عليكم

اشلونكم معلمات

اتمني تفيدوني

سمعت انه اقدر اخذ تخفيف عمل ساعتين يوميا للرضاعه بس تكون من حسابي يعني يخصمون علي 170 دينار تقريبا :bbbiu:

اللي عندها فكره عن هالموضوع ياليت تقول لي وين اقدم علي هالموضوع

بالمنطقة التعليمية او بالديوان:080402ask_prv:


انا معلمه وبولد علي شهر اغسطس فاذا في قرار جذي ماله داعي اخذ اجازة رعاية اسره سنة كامله علي حسابي لانه حرااااام البيبي بيكون صغير وحتي لو اخذ امومة بيكون البيبي صغير:eh_s(11)::eh_s(11):

 

[randomy]

حسب الناظره

بس على الاغلب مستحيل

 

[ترف بابا]

هذي علي ايام نورية الصبيح

مادري اذا للحين موجودة

بس لها فورمة تعبينها من عند السكرتيرة وتوقع عليها الناظرة

 

[Winter Q8]

حبيبتي انا والدة شهر 8 و اخذت امومة و ان شاءالله على بداية 3 اداوم وولدي عمره 6 شهور ..
فالحمدلله زين على الاقل جابلتيه اول الايام تسهرين معاه ما تحاتين الدوام ترضعينه على راحتج .. ان شاءالله على 6 شهور يكون متعود على الاكل .. فترضعينه الصبح قبل الدوام و الضحى ياخذ وجبه و لما تطلعين من الدوام يكون موعد الرضعه الثانية ..

و خبري بساعه الرضاعه انهم لغوها بس تاكدي

 

[عادت ذكرياتي]

أعرف موظفة بالأوقاف ناظرتها تعطيها ساعة رضاعة من غير خصم


يعتمد عالناظرة أتوقع جذي

 

[bluegg]

مشكورين عالردود بس الناظره شكو بالموضوع

و6 شهور صغير البيبي في امهات عادي يخلون عيالهم مع الخدامه بس انا اشوف انه البيبي صغير حرام اخليه مع خدامه ما دري شتسوي معاه

انا بسأل بالمنطقة التعليمية اذا ماصارت باخذ اجازة رعاية اسرة سنة بدون راتب اجابل البيبي لانه اهم من الدوام والراتب

ومشكورين

 

[Eva-SS]

هذي تخفيف ساعات عمل وفيها خصم

تقدمين عليها من قسم الاجازات بالمنطقة اعرف وحده كان عندها ظرف وخذتها بس قصوا واجد من راتبها مادري جم بس مو 170 مثل ما قلتي اكثر