منو مسوووي تكميم عند محمد الهيفي؟؟؟؟

[غفرانك يا رب]

مرحبا خواتي الصراحه حزب المنكممات يشجع
وبغيت اعرف شرايكم بالدكتور محمد الهيفي ؟؟؟من نتحية التكميم وياريت اللي مسويه عنده تذكرلي تجربتها وبكم تكفلتها وكل شي ؟؟؟ وفالكم الرشاااااقه والصحه والعافيه

 

[غفرانك يا رب]

بنات ويينكم وين التفاعل

 

[غفرانك يا رب]

اب اب اب

 

[غفرانك يا رب]

يا حلوااات وينكم شدعووووة محد تفيدنا

 

[غفرانك يا رب]

بنااات شدعوووة ترا بزعل محد بيساعدني

 

[غفرانك يا رب]

بنات والله ضروري ساعدونيي

 

[غفرانك يا رب]

بنااات تكفووون ساعدوني

 

[بروزي]

صراحة خوش دكتور أسلوبه ونفسيته حلوه ويجاوبج على كل اسالتج وما يخلي سؤال بخاطرج

أنا سويت العمليه من شهر فبراير والحمدالله نزلت لين الحين 33 كان وزني وقت العمليه 135 والحين الحمد الله 102
وكلفتني العمليه 2800بمستشفى السلام

 

[كلـــــي غنج]

بنت خالتي سوتها عنده من شهرين

و ولد عمها مسويها عنده صارله اكثر من سنتين

دكتور شاطر وفاهم شغله

ولانزكي على الله احد

بس انا عن نفسي ماتعملت معاه شخصيا

بس شفت الناس الي مسوين عنده

موفقه

 

[غفرانك يا رب]

صراحة خوش دكتور أسلوبه ونفسيته حلوه ويجاوبج على كل اسالتج وما يخلي سؤال بخاطرج

أنا سويت العمليه من شهر فبراير والحمدالله نزلت لين الحين 33 كان وزني وقت العمليه 135 والحين الحمد الله 102
وكلفتني العمليه 2800بمستشفى السلام

اول شي الحمدالله علي السلامة وان شاءالله توصلين للي تبينه
ممكن تشرحين لي بالتفصيل خطوات عمليتج وبعد العملية شحسيتي وهل الالم تتحملينه
وبصراحه ندمتي ولالا ؟؟
وجزاج الله الف خير ياقلبي

 

[غفرانك يا رب]

بنت خالتي سوتها عنده من شهرين

و ولد عمها مسويها عنده صارله اكثر من سنتين

دكتور شاطر وفاهم شغله

ولانزكي على الله احد

بس انا عن نفسي ماتعملت معاه شخصيا

بس شفت الناس الي مسوين عنده

موفقه

حبيبتي كلي غنج اشكر تفاعلج بمواضيعي ياقلبي والله يوفقج ووين ماتروحين بس اللي تعرفينهم ماشفتي عليهم اثار سلبية وبعد بقولج يعني لوسويتها اذا مابي بعدها عمليات شفط وشد شتنصخينيً
وانا الصراحه حيل خاطري افتك من السمنة بس مترددة من فكرة عملية اخاف اندم بعديت بكل صراحه ماندمتي او قلتي ياريتني مماسووييتهوابله تعبت من التفكير

 

[كلـــــي غنج]

امين يارب الله يسمع منج و يوفقج بعد

بعد قلبي الشكر لله وماسويت شي

اخت عزيزة وغاليه ونعين ونعاون يالغالية

لا والله ماشفت اثار سلبيه

والشخص لما يتبع تعليمات الدكتور بحذافيره

ان شاءالله ماتصيرله اثار جانبية خطيرة

اما الاثار الجانبية المعروفة لابد منها

تساقط شعر .. ترهل اذا ماتلاحقتي على عمرج بالرياضة

شحوب الوجه والتعب والوهن اول 3 او 4 اشهر

...

اذا ماتبين تلجئين لعمليات الشد افضل تمارسين المشي من اول اسبوعين ..

والرياضة العادية من الشهر الثاني او بداية الشهر الثالث

وان شاء الله الترهل ماتتعبين معاه

وعلى فكرة جسم عن جسم وجلد عن جلد .. يفرق

والوزن بعد يلعب دور .. انتي جم وزنج ؟؟

انا كان كبير حيل وماسويت رياضة للامانة فضطريت اني اعمل شد

...

والله انج مترددة من العملية

انا مافكني من السمنة الا العملية يختج

وانتي استخيري والله يكتبلج الخيرة يارب

وكل شي بيد مدبر الامر كله ان كان نصيبج تسوينها

بتسوينها وربي ييسرلج ان شاء الله



...

لاتخافين من الندم والله انا ندمت اني ماسويتها من زمان

والله عشت حياة جديدة وحلوة مفعمة بالحيوية

ماعاشتها من طفولتي والله

...

اذا التفكير متعبج استخيري مرة ومرتين وعشر لين ربي يمسح على قلبج

وتتخذين القرار المناسب واكثري من الاستغفار وربي ييسرلج ان شاء الله

قرقت كثير بس حبيت افيدج والله ..

اي سؤال من عيوني

موفقه

 

[غفرانك يا رب]

كلي غنننج فديتك ياقلبي والله يعطيج علي قد نيتج يارب وماقصرت حبيبتي

 

[كلـــــي غنج]

بعد قلبي

امين يارب

وياج يالغالية

الله ييسرلج ويكتبلج الخير والصالح

بالتوفيق يارب

 

[سـما]

اختي كلي غنج كفت ووفت


وانا مسويتها عنده
وانصحج فيه بشده لانه دكتور مبدع
لاتحاتين العمليه باذن الله بتقومين بالسلامة
وتشوفين الوزن ينزل وتعيشين احلى ايام حياتج

وتدعين لنا

انا تقريبا نزلت ٣٣ كيلو
مسويتها من سبع شهور
ما شاء الله تبارك الله
الحين حياتي طبيعيه جدا الحمدلله


انصحج مليون مره
تسوينها باسرع وقت وتلاحقين على عمرج
ماشفت احد ندم انه سواها
بس لازم تلتزمين بالنظام الغذائي اول شهر مو عشان انقاص الوزن
لا !!!
عشان المعدة ما تقدر تهضم الاكل اول اسبوعين (سوائل)
وتهضمه بصعوبه بثاني اسبوعين ( اكل لين)

واذا اكلتي عادي اول اسبوع راح تتعرضين لخطوره انتبهي !
هالامور مافيها ضحك

وماعدا هذا تعتبر معجزة القرن
في تحقيق حلم الرشاقة بصحة وعافيه وسعادة باذن الله

 

[غفرانك يا رب]

حبيبتي سما ماقصرتي معاي وتاله يوفقج ياااارب ويسهل عليج امووورج وانتي بعد كفيتي ووفيتي وشجعتيني عليها