منو مرتاح بوزارته ؟!!

[noran89]

السلام عليكم
لاحظت في الفترة الأخيرة

إن كل ما وحدة اسئلت عن وزارة ردوا عليها الناس ترى خايسة وخري عنها

التربية عن تجربتي خايسة
و الصحة أسمع إنها سيئة
و الداخلية الكل يوخر عنها
و الدفاع ما أدري ليش محد يحبها
و هكذا

شنو الوزارة اللي تشوفون انها الأفضل ؟؟
و ليش ؟؟

و هل شايفين إن الحال سيء في جميع الوزارات ؟
و لا السالفة حظوظ ؟؟
هذا نقاش مفتوح للجميع لعلنا نصل لإجابة :yaaaaaarb:

 

[Moi belle]

اممممم محد بعلم يخاف ينطق عين ههههههههههههه انا مادري والله اللي اعرفا التربيه سكرتيرا خايسا والداخليه بالعكس زينا وايد بنات مرتاحين فيها علي العموم اذا تبين وظيفه سنعه ومعاش راهي اخذي وزاره فيها كادر تري ماظن بتلقين رد علي اسالتج محد يعلم

 

[فخر البداوه]

الحمد لله ع كل حال

 

[noran89]

حبيباتي أنا مو قاعدة أسئل حق نفسي هههههههههههههههههه
أنا تخصصي يحتاجه القطاع الخاص و هذا اللي راح أسويه إن شاء الله
أنا حابة أفتح باب النقاش عشان نوصل مع بعض لحل
و نعرف هل المشكلة فينا ؟؟ و لا ف الوزارات
و هل الدولة أهملت بعض الوزرات لدرجة إن المواطنين أصبحوا درجات فيها ؟
هل من المعقول إن فيه دبلوما تتسواى بالجامعيين في بعض الأماكن في المعاشات ؟
و هل من المعقولة إن الناس ما تترقى عشان معندهم واسطة ؟؟
ترى وايد أسئلة قاعدة تدور ببالي
و اللي تخاف من العين ترى الله يحب إننا نساعد بعض و نخاف على بعض
الله دايما يكون في عون العبد طالما العبد في عون أخيه .

 

[Moi belle]

في وايد تخصصات الدبلوم تتعادل مع الجامعي المدرسات والسكرتيرات مع الاخصائين الاجتماعين والنفسين وفي وايد وزارات الفرق بين الجامعي والدبلوم ٥٠دينار بس

 

[مزآجيه!]

اممممممم

بحكم اني اخصائيه نفسيه بالتربيه

راح أجاوبج ع تسآؤلج

أولاً معاشي مقارب لمعاش شؤون الطلبه والسكرتاريه الفرق يمكن ١٠٠

ماكو كادر

وظيفتي تتطلب امسك الضعيفات نطق وكتابه وأسسهم وأعلمهم !

لو صايره مدرسه أبرّك

أتعآمل مع حالات خاصه وكل مالها تزيد

مع العلم ان قاعده اطبق شي مو بتخصصي الا وهو اخصائي نطق

اللي هم خريجين كلية البنات ناسيه أي قسم بالضبط

غير التكاليف اللي امسك روضه مع مدرستي او مدرسه ثانيه مافيها اخصائيه

فـ يصير عندي تكليف بأكثر من مكان لو القطاع الخاص چان قدرني
لان اداوم باليوم بمكانين او اداوم بالاسبوع بـ ثلاث أماكن

وبعد أزيد ان وظيفتي فيها سريه يعني الاداره مايدرون انا اشتغل او لا

الا اذا سويت ندوات ومحاضرات وهذي بروحها يبيلها ميزانيه من ضيافه وحجز طاولات وتكريم للمحاضر


والمثل يقول لاحبتك عيني ماضامك الدهر ، ولو تكرفين ليل نهار ماراح يعطونج تقدير امتياز الا بالحسره دام الاداره مو بالعتج او شافت عليج غلطه وحده تنسف كل شي زين سويتيه
مافيه مصداقيه ولا ذمه ولا ضمير الغالب مو الكل


وبعد أزيد ، اذا بغيتي تستأذنين يعلون قلبج عشان يعطونج استئذان وساعتين بس مع ان بالديوان مسموح لج ٣ ساعات يعني ١٢ ساعه بالشهر، بس التربيه يعطونج ٣ استئذانات وبالحسره ولازم ماتكونين غايبه قبلها ههههه!!
واذا كان استئذان صباحي لازم تجين تداومين وتوقعين الاستئذان وتطلعين !!

حتى العرضي اللي من حقج احتمال مايوافقون عليه ومثلاً خذيتي عرضي وثاني يوم صار لج ظرف مفاجئ وخذيتي طبيه ينلغي العرضي هذا الغالب ببعض المدارس

غير ان الدقه في الحضور والانصراف مو ع الكل ناس يطوفون لهم التأخير وعادي يطلعون مبچر وناس يحاسبونهم بالدقيقه..

ووقت الاختبارات المدرسات يطلعون ع الساعه ١٠ ونص والاداريات الساعه ١ ، اوكي الاخصائيات والمخزن والمكتبات والتقنيات شالحكمه يقعدون لي ١ وماكو شغل !!

أغلب اللي قلته صادفته في دوامي

عرفتي الحين ليش يقولون التربيه خايسه ؟

 

[سمو ذاااتي]

مسالت المعاشات مو متساويه لخريجين نفس الشهاده والتخصص

هالشي انا اعاني منه وكل اللي بتخصصي اللي اهو حقوق نفس شهادتي وممكن ياخذ دبل معاشي والله يهنيهم ونفس الشهاده ممكن يقل معاشه عن معاشي انا

مابشرت اللي الان ولكن وضعي بين البينين


طبعا ياليت المعيار بينهم الكفاءه كتقدير او خبرات علميه لااا المعيار واسطه قويه

الامر بالنهايه مسالت قناعه و رضى وان كانت التفرقه تضايق الا ان النصيب يصيب ومكتوب لابد من ان نتقبله ونرضى فيه

 

[سمو ذاااتي]

ونسيت اشكرج عالموضوع واقولج اني ما اقدر اتكلم عن الوزاره اللي انا فيها لا بخير ولا بشر لاني مابشرت اللي الآن ومن اباشر راح اتكلم عنها عشان افيد خواتي

 

[noran89]

اخت مزاجية . الله يعينج حبيبتي . صح تعب و ضغط أعصاب . هذا اللي كنت أقصده من موضوعي
إن ليش اللي ماله ظهر مو ماخذ حقه بمكانه . ليش المعيار انت ولد منو . مو انت شنو و شغلك شنو
الله يغينج حبيبتي و يوفقج . هل فكرتي تغيرين مكانج ؟

سمو ذاتي . أنا معاج حبيبتي في كلامج و حاسة فيج . انا تخصصي نادر و دارسة بره و اقل واحد من دفعتي معاشه 1200 و انا لأن ما عندي واسطة ما عرفت اشتغل بالأناكت اللي راحوها و انظلمت وايد
بس الحمد لله على كل شيء . انا قررت اكمل ماجستير السنة الياية ان شاء الله و اخلي شهادتي واسطتي و ان شاء الله خير .

الله يوفقنا جميعا

 

[sick]

حبيبتي, كلللللللللللل وزارة فيها الزين والشين, العيب مو فينا ولا في الدوله, العيب على المسؤوولين اللي مايعرفون يتحكمون بلموظفين و لايعرفون شنو اهو حجم مسؤوليتهم وفوق كل هذا يهتمون بناس معينه, وناس ثانيه الله يعينها... اخذيها نصيحه مستقبلآ اي مكان ماعجبج خليه ودوري على غيره... لين تلاقين مكان مناسب الله يوفقج فيه, ونصيحه ثانيه اذا بتكملين ماجيستير حاولي تشتغلين بنفس الوقت (حتى لو قطاع خاص) وتجمعين شوية فلوس حق نفسج وانتي منتي خسرانه, موفقه

 

[لذه السكر]

طبعا ياليت المعيار بينهم الكفاءه كتقدير او خبرات علميه لااا المعيار واسطه قويه

الامر بالنهايه مسالت قناعه و رضى وان كانت التفرقه تضايق الا ان النصيب يصيب ومكتوب لابد من ان نتقبله ونرضى فيه

سمووو كلامج روعه

انا مو بوزاره بجامعه الكويت وطبعا توظفت بواسطه وبتخصص غييييييير عن تخصص انا دراستي تخصص علمي بحت بحوث ومختبرات واشتغل سكرتيره وهالشي اللي مخليني مو طايقه مكاني ولايعه جبدي

عشان ما اشط عن الموضوع كل مكان في الزين والشين انا ما اشتغلت بوزارات بس اتوقع الوضع اهون من الوزارات وهذا اللي مهون علي
بالنسبه للموظفين في الزين اللي ينحط عالجرح وهذيل قليليييييييين واغلبهم شباب للامانه اما البنات نفاق وجذب وحش ونفسيات الله لا يوريج ويحفرون لج والله اني شفت العجب العجاب منهم

بالنسبه للمديرين الله يسامحها مديرتي القديمه استغلت مركزها ومتسلطه ومابقه احد ما دعى عليها خصوصا الاجانب لان تعاملهم زباله حشاج وينونها تشوف 2 قاعدين يسولفون لازم كل واحد بمكتبه وساكت اما المدرى اللي فوقها عسل وايد وايد التعامل معاهم مريح

بالنسبه للاجازات والمرضيات والاستئذانات شديديييين حيييل ولما تقدمين على استئذان جنج سابه ابوها وليش وشحقه وانتي الاسبوع اللي طاف طالعه ليش بتطلعين اذا بقدم على شي اظل مده افكر واحاتي تطلع من عيني

فبرايي كل مكان له مميزات وفي عيوب لازم الواحد ياقلم نفسه

 

[مزآجيه!]

حبيبتي

فكرت اغير مكاني بس عشان اغيّر لازم واسطه وهذا انا ناقله لثانوي بس سبحان الله الوضع مو مريح

أحزاب ومجموعات وحش اشكرره ..

اتمنى ان الاستئذانات والغيابات تكون مربوطه بنظام للديوان. واذا بغيت استأذن ، استأذن براحه مو بلوعة جبد ونرفزه

اطق البصمه واطلع، بس المهم ان الاداره يكون عندهم علم اني استأذنت وما يناشبوني..

والتقييم يكون بيد موجهتي الدرجه الاكبر ع الاقل اهي اللي لها الحق تتطلع ع شغلي وتحاسبني ع كل شي

اما الناظره مفروض تقيمني ع حضور وانصراف والتزام ، غيره لا

وبخصوص التكاليف مفروض لنا مبلغ ع طلعاتنا

ع الاقل يخلي الوحده تتحمس اكثر من مكان

وازيدج من الشعر بيت

رفيجتي الناظره قايله لها ماكو تداومين عندي وتروحين تكليف مدرسه ثانيه ومتى ما خلصتي تردين بيتج

لا ، تحضرين عندي وتطلعين لتكليفج ولا خلصتي ردي لمدرستج وقعي انصراف!

يعني الله يعينها جم مره تروح وترد ع المدرسه بسبة قرارات سخيفه وعدم ثقه

،

ومثل ماقالت sick

العيب بالمسوؤلين اللي مو مقدرين وفاهمين المنصب غلط تسلط وتشدد

واللي صار لها ايام ماكانت موظفه عاديه تحاول تطبقه ع موظفينها

بس تعبت

 

[عقر بقر]

الحمدالله انا مرتاحه بوزارتي والله لايغير عليهم