^^ منو مجرب الدكتور عبدالله المنصور استشاري العيون؟؟ ^^

[al7noona]

السلام عليكم

يا بنات مثل ماانتوا شافين انا للحين حايسه بنفسي ومادري للحين وين اسوي عمليه عيوني


انا عمري 21 وكل الدكاتره متعجبين شلون يالي ماي ابيض بالعينين بس العين اليمين اكتمل فيها الماي ولازم اسوي العمليه واشيله والي زايد استغرابهم اني ماكنت اكل كرتزون ولا فيني سكر ولا ضغط فشلون يالي الماي سبحان الله والحمدالله كل حال

المهم كنت بسويها بمستشفى البحر عند الدكتوره ناديه ابل وخلصت كل شي وعطتني موعد 9-11 اروح لها وعقبه باسبوع العمليه بس الله ماكتب لان ظروفي مااسمحت لي بسبب الوظيفه توهم قبلوني بالوظيفه ولازم اسوي العمليه الحين مايصير اتاخر

ورحت مستشفى طيبه وقررت اسويها عند محمد عاطف وسويت كل الفحوصات والتحاليل وامس قال العدسه مااوصلت وراح تطول سبحان الله خيره

ورحنا اليوم حق عبدالله المنصور :tomato2: طبعا غير قبل رحت حق د. العجمي و د. معصومه ومستشفيات واييد

والحين خلاص قررت باذن الله عند عبدالله المنصور اسويها وقالي يوم الاثنين راح اسويها لج ابوي من قبل مجربه وزين ماشالله

وقالي الدكتور ان امس كان مسوي عمليه سحب ماي حق 3 والاثنين الياي بعد عنده ومن قبل كله يسوي ارتحت له وانشالله بصلي استخاره والله كريم

ادعولي بنات لا تخلوني :yaaaaaarb::yaaaaaarb:

 

[*alzain kella*]

ان شاء الله تقومين بالسلامة ...

لا تحاتين الدكتور عبدالله واااااااااايد زين آنا كنت اعالج عنده من سنين ...

فاهم و يعطيج وقتج مو مثل غيره يقولج كلمتين و لا يسمع منج و كل همه الفلوس ...

و ان شاء الله سهالات ماعليج شر ان شاء الله

 

[شـيخة الـزين]

الدكتور عبدالله واايد زين
بس هم دكتورة نادية زيينة وشاااطرة على فكرة للأمانة ما جربت عندها انا كل مراجعاتي عند د.مبارك العجمي طبعا ما فيني بس حساسية بعيووني وأحسه بس يعرف للأشيااء البسيطة بس تالي واايد نااس قالولي عنها وحتى تعاملها اينن
وانشالله دام انج قررتي الله يسهل عليج وتوكلي على الله د.عبدالله معرووف قديم وشااطر

 

[al7noona]

ماقصرتي حبيبتي
اي انا ارتحت من طريقته يقعد يشرح لج ويفهمج والله كريم يارب

 

[al7noona]

شيخه حبيبتي ماقصرتي

اي والله انا كنت ابي ناديه ومدحوها لي واهيا استشاريه وقالوا انها تعتبر الاولى من بين الدكاتره الي بمستشفى البحر

بس قبلوني بالوظيفه وسويت اوراقي قالوا لازم تداومين بسرعه علشان جذي ماقدرت اسويها عندها رحت خاص علشان اسوي عندهم بتاريخ قريب

 

[cawcaw]

الله يقومج بالسلامه حبيبتي واجر وعافيه يارب..
استفسار عنونو: عندج فكره اذا د.ناديه عندها عياده خاصه ولا لأ؟ اذا الجواب نعم ممكن رقم تلفونها

 

[al7noona]

ككاو مشكوره ياعمري ماقصرتي


والله ماادري عن الدكتوره ناديه مره وحده شفتها بس ولما سالت عنها امدحوها وقالوا انها تعتبر الاولى بالنسبه للموجودين بالبحر

 

[عاشقة الكاكاو]

والله الدكتور واايد ممتاز وشاااطر

الله يقومج بالسلامه حبووبه

 

[al7noona]

عاشقه الككاو ماقصرتي ياحبيبتي

 

[cataract]

الله يشافيج إنشالله
ولا تحاتين العمليه سهله
والله يقومج بالسلامه إنشالله

 

[al7noona]

كات مافصرتي ياعمري

 

[al7noona]

???????????????

 

[حلم الطفولة]

آنا دخلت أدعي لج .. حبيبتي أسأل الله تسوين عمليتج بسهاله و يقومج منها بالسلامه.. ويحفظ لج عويناتج آآآمييييين .
الدكتور عبدالله له سمعه طيبه ,, والحافظ الله ,, والمعين الله ,, والشفاء بيد الله ,, والتوكل على الله ..

أهم شي اخترتي دكتور له سمعته ,, وتوكلتي على رب العباد ..
دخلي عمليتج وانتي واثقه إنه سبحانه بيكون معاج وبيسهل لج العمليه ودعااااائنا يومها معاااااج .

 

[al7noona]

حلم الطفوله

ياعمري انتي جزاج الله الف خييير والله والله ماادري شنو اقول من كثر طيبتكم ووقفتكم معاي الله يجزاكم كل خيير

 

[ج كولكشن]

اول شي الله يقومج بالسلامة انشالله وما تشوفين شر
ثانيا ، انا مجربته حق ولدي وكان صبور وما يستعجل بالعلاج ويعطي المريض وقته وكان علاجه بفضل الله وايد زين حتى كان في كيس دهن تحت عين ولدي وعطاه مرهم وقال لي انشالله ما يحتاج عملية لانه كان صغير وقتها والحين اختفى الكيس واللي يعجبني فيه عارف شغله واللي يقوله يطلع صح وبحكم خبرته لاكثر من 20 سنة على ما اقتكر

وبالختام الله يحفظج ويحفظ عيونج اميين

 

[al7noona]

ماقصرتي ياعمري والله يشافي ولدج