منو مثلي طلعت من النفاس وانصدمت صدمه حياتها

[قمة الرضا]

السلام عليكم والرحمه

شخباركم ياكويتيات
شخبار التحلطم والاجر!

بنات بتحلطم معاكم انا توني والده من شهرين ونص ماشالله اللي اسمع الريل مايصدق زوجته تطلع من نفاس يطير من الوناسه ويعد الايام بس انا
من طلعتي نفاس زوجي الله لايوريكم يتصدد ووراي دوام
وتعبان حتى البس واكشخ ومايعلق مابي شي والله مادور
اللي فبالكم لاااااا بس يعني الله شحلاتج او شحلات بدلتج وياشينج هههه
او ولهت عليج اي شي حتى لو مجامله نفس اول
جسمي ماتغير حيل عشان تلوع جبده وعن الخياط والله قبل لايصير بينا شي واهوه جذي
يعني لاتقولون تغيرتي عليه عقب الولاده
بالعكس صرت اتكشخ ليل ونهار اول مره ولااا جني موجوده مع العلم قبل طلعتي ميت وولهت عليج
مجامله عالاقل

قولولي في احد مر بهالشي ترا والله كتبتلكم على ضحك بس الوضع صج سيء وحرني

 

[حبيبه بدر]

غريبه

بس ترى بعض الريايل مرات تيي لهم حلات اكتاب ماحد يفهمها

 

[الفرفوشهـ]

رفيجتي تو طالعه من النفاس ونفس حالتج

الله يعينج

 

[ملوكـه]

الله يسخره لج

ماالومج لو احتريتي ..

 

[أسيرة إحساسي]

عادي حبيبتي أنا زيكـ
وأهون عليكـ بعد عمر النونو 7 أشهر ولاتغير

 

[ورد الغرام]

اللة يحنن قلبة عليك

 

[جوانا2010]

الله يسخره لك يارب

 

[pusy cat]

يمكن يخاف يعورج لانج طالعه من عمليه

او علباله ان مايصير جماع عقب الولاده

انا اعرف وحده هم زوجها ما قرب لها عقب النفاس

شغله نفسيه ترا غصبن عليه مو بكيفه*

 

[أم سارا]

انا نفسج بالضبط توه بنتي يصير عمرها شهرين. برود غير طبيعي اقعد يمه يغير مكانه كلا لاهي بالايفون والاب توب والتلفزيون متغير علي ١٨٠ درجه طبعا انصدمت مثلج ما توعته جذي تخيلي ثاني يوم من طلاعتي انا قاعده علا السرير وهو قاعد بالارض يطالع مسرحيه طارق العلي ٣ ساعات وميت ظحك وجني مو عنده بغيت اموت من الحره طبعا انا مولابسه قميص لا لابسه بجامه بس ذربه ومستشوره شعري ومتمكيجه المهم انا ما قدرت اسكت قعدت معاه وطلعت اللي بقلبي كله شفيك متغير حيل علي وما خليت شي بقلبي ما قلته وزدت بعد من عندي قالي انا مادري شفيني تعودت كله اقعد بروحي فتره نفاسج نطري علي يبيلي وقت والحمدالله مع الايام احسه قاعد يتحسن ويرحع نفس طبيعته

 

[bint_looda]

عسى الله يسخركم لبعض

 

[يآحبي الدآيم]

اخاف متضايق من شي حااولي تشوفين وتدورين شلي متغير عليه وكلميه بهدوء وافهمي منه اما اذا بقعدين تفكرين بروحج ما راح تستفدين والله يسخره لج

 

[وين الغرام]

عادي يكون مو متعود عالوضع اليديد ان في شخص يديد في العايله

 

[حزينه 22]

الله يسخره لج

 

[قمة الرضا]

واااااي بنات صدمتوني
شفيهم رياييل هالوقت كل شي بالعكس وغير
مشكووو ريين يابنات

اللي تقول يخاف واللي يعافيج ماقلنا شي بس عالاقل
يحسسني اني مو جوده مو جني خيال

 

[قمة الرضا]

جزاكم الله خير الدنيا والاخره على هالدعاوي الحلوه
والردود السنعه بردتو قلبي

 

[ام دليار]

بيرجع مثل أول بس مسألة وقت قوليله أنك اشتاقيله
الله يسخره لج

 

[قمة الرضا]

والله قلت مره وياليت ماقلتها

 

[~ حـــــلآ ~]

عسى ربي يسهل عليكم يالغلا


فتره وتعدي ان شالله

 

[UNICORNA]

دلع رياييل مااااصخ )=<

 

[قمة الرضا]

هههههههههههههههههه مو لايق الدلع