منو ماخذه مطوع او خاطبها مطوع

[صديقتك ياليل]

السلام عليكم خواتي أنا بدش سيدا بالموضوع وحده من صديقاتي خطبها. مطوع وحيل خايفه انها ما تستمر معاه. حايفه شلون اتعامل معاه وشلون. اتفاهم معاه وهي شوي حياته عاديه. وهو ملتزم. حابه اعرف رايكم يا خواتي. والله هي. اللي مخوفها انه ا ماتعرف التعامل معاه :bbbiu:

 

[الشهد كله]

عليها بالعافية والله يتمم عليها

بس سؤال محيرني

هل المطوع معاملته غير عن الشخص العادي ؟؟؟؟؟؟

​

 

[عـيّــآره]

واحد من اهلنا مطوع وملتزم وكان حاط قوانين الدنيا على اهله وخواته كل شي ممنوع وعيب وغلط وحرام

بس من تزوج كل شي تغير مع زوجته فيها اشيا سمح لها فيها كانت ممنوعه على خواته

اشوف المطوع مع زوجته غير والله يتمم لها على خير على الاقل بترتاح نفسيا مايشوف البلاوي اللي بالتلفزيون ​

 

[قـــمـــرهم]

وعليكم السلام ورحمة الله


انا ما اقدر افيدج بهالموضوع !!


بس


لو ما اخذت مطوع واخذتلها واحد

معقد وحچر وعصبي

شلون بتعامل معاه!!!!

اتوقع اهو على طبع الرجال مو سالفة مطوع او لا

ممكن يجيها واحد مطوع بس سلس بالتعامل هين لين

وممكن يجيها مطوع شدييييييد


و ممكن يجيها انسان عادي مو مطوع بس شديد وحچر

وممكن انسان عادي هين لين


هذي ارزاق وحظوظ


بس انا مالومها اذا تخاف

انا قبل اتزوج كنت اقول مابي مطوع حچر وشديد

بس بعدين فهمت الحياه عدل وعرفت انه على حسب الرجال

وطبعه مو سالفة مطوع او لا

والله يوفقها وييسر امورها يارب

 

[البارونـه]

حبيبتي عادي انا ابوي وخالي مطاوعه وكل واحد طبعه غير ، بس المشترك ان يبيها ملتزمه ماتسمع اغاني لبسها محتشم يعني بالعربي متقيده بالشرع اكثر
واكيد لو ماشاف فيها هالشي ماكان خطبها
وعلى فكره مطوع عن مطوع يفرق حتى بالتدين
يعني خالي متشدد من ناحيه وابوي من ناحيه ثانيه عرفتي؟
هي لازم تقعد معاه وتعرف طريقة تفكيره وشنو الممنوعات عنده
وبعده الخيار لها اذا تقدر ولا لا
الله يوفقها

 

[chole_84]

سؤال غريب صراحه
بدال ما تحمد ربها وتشكره خايفه
الله يهنيها

 

[Perfume]

شنو مفهوم المطوع ؟
اذا معناته انه ملتزم بصلاته
ومبتعد عن الحرام
هذا خوش ريال
اهم شي ما يكون
متزمت او فاهم الدين غلط

 

[دايم على البال]

السالفه مو سالفة مطوع
هي ع شخصية الريال نفسه

واذا مطوع الحمدالله كافي انه ملتزم بصلاته ويعرف شرع الله
ويخاف الله فيها
بس ع شخصيته شنو .. هني يفرق

 

[Rock N Roll]

يا بختها والله .. كافي ان بيساعدها عالخير والقرب من الله ، لو كان مطوع على سماحه لا اتردد

 

[مآيكبرني نك]

اﻻفضل تغير العنوان ل " باركولي خطبني مطوع "

الواحد يوم يجوف لوث ووصاخة رياييل هالزمن مايبا يعرس حتى

الله يحبها يوم خطبها مطوع

 

[عتآق الخيل]

البنت خافت
من كلام اللي عندها وسوسة خخخ
عجبني كلام قمرهم ربي يوفقها ويوفقكم صبايا
..
​

 

[Om.hsoone]

الله يهنيييها و يسعدها و هذا حلم كل بنت ما تهمها الدنيا و فتنها

 

[راحيل العبدلي]

.



اذا متقي ربه و ماشي ع منهج الرسول صل الله عليه وسلم عدل
ما اقول الا يا هنييااالها والله يسعدها ويوفقها
.

و الحمدلله العامي والمستقيم فيهم الخير والبركه
بس المستقيم يحرص ع امور مثل
صلاه في وقتها و ما تسمع اغاني واتابع مسلسلات و محتشمه اسود باسود
و ما تغتاب الاوادم و مطيعه لربها وزوجها و تساعده ع الطاعه ..



ترى الرجل المستقيم انسان عادي مو متوحش او صعب اهي ع حسب الشخصيه
مثل احنا يالبنات شخصياتنا غييييير سواء كنا من العوام او من المستقيمات
.





كنوز حبووووبه الي نشوفه الحين العوام اهما المزواجيييين
الله لا يبلانا ..

 

[я̤̈sτ̅є̲̐єǦ]

انا تزوجت وزوجي كان مو مطوع بس كان ما يسمع اغاني وصلاته بالمسجد
بعد ٣ شهور من زواجنا تطوع بمعنى صار مطوع التزام اكثر
صارت حياتنا احلى حيل وماتغيير معاي ولاشد بس شوية امور عاديه حيل حيل طلب اني اغيرها


واهي خليها تستخير والله يكتب لها الخير

 

[صديقتك ياليل]

ياحياتي انتم الله لا يحرمني منكم يارب. أجل بأقرب وقت ابشركم بملجتها

 

[امـ خــزامـى]

وعليكم السلام ورحمة الله


انا ما اقدر افيدج بهالموضوع !!


بس


لو ما اخذت مطوع واخذتلها واحد

معقد وحچر وعصبي

شلون بتعامل معاه!!!!

اتوقع اهو على طبع الرجال مو سالفة مطوع او لا

ممكن يجيها واحد مطوع بس سلس بالتعامل هين لين

وممكن يجيها مطوع شدييييييد


و ممكن يجيها انسان عادي مو مطوع بس شديد وحچر

وممكن انسان عادي هين لين


هذي ارزاق وحظوظ


بس انا مالومها اذا تخاف

انا قبل اتزوج كنت اقول مابي مطوع حچر وشديد

بس بعدين فهمت الحياه عدل وعرفت انه على حسب الرجال

وطبعه مو سالفة مطوع او لا

والله يوفقها وييسر امورها يارب

معااها :eh_s(15):

انا ابووي مطووووع فدديت قلبه ماافرض الاخلاق فررض الا حببنا فيها
اقنعنا وفهمنا بكل حب ورحاابة صدر ياجعل الناار ماتمسه
غااافل عن الدنيا قللللللبه ابيض
ماافيه حقد ولا تزممممت
العالم ببداية كل شي يرفضووونه ويهااجمووونه مثل النت والجوالات والسواقين وسواقة المرأه الا ابووي كاان يشجعنا
يقول الناس تطوور واحنا نااخذ من التطوور اللي يفيدنا ونترك اللي يضرنا


اختصرررررررررررررلك وانصح كل البنات
تزوجي مطوووع مثقققققققققققققققف من عااائله مثقققققققققققققققققققفه
ولاتزوجين مطوووووع مااعمره مسك كتتتاب ولا يدري عن الدنيا

 

[حبيبي مالكني]

بالعكس دامه متدين يعني راح يخاف الله فيها
ويساعدها على التقرب من الله

 

[مييريآ]

وعليكم السلام ورحمة الله


انا ما اقدر افيدج بهالموضوع !!


بس


لو ما اخذت مطوع واخذتلها واحد

معقد وحچر وعصبي

شلون بتعامل معاه!!!!

اتوقع اهو على طبع الرجال مو سالفة مطوع او لا

ممكن يجيها واحد مطوع بس سلس بالتعامل هين لين

وممكن يجيها مطوع شدييييييد


و ممكن يجيها انسان عادي مو مطوع بس شديد وحچر

وممكن انسان عادي هين لين


هذي ارزاق وحظوظ


بس انا مالومها اذا تخاف

انا قبل اتزوج كنت اقول مابي مطوع حچر وشديد

بس بعدين فهمت الحياه عدل وعرفت انه على حسب الرجال

وطبعه مو سالفة مطوع او لا

والله يوفقها وييسر امورها يارب

انا معاها ،،

في مطوعين ممكن تعيشين معاهم بسعادة وراحة بال ما تتخيلينها ، يكون حنون و قلبه ابيض ونظيف ويخاف عليها ويحترمها ،، وهذا الي يكون بجد يخاف الله ورسوله فيها ،،

وفي مطوعين ،، الله لا يبلانا ،، فاهمين الدين غلط ،، كله عيب وحرام و يهينها ويحتقرها ،، فلازم هي تقعد معاه وتعرف طبعه واسلوبه ، والاهم ان اهلها لازم يسألو عنه عدل ،،

والله يوفقها ويوفقج :eh_s(17):

 

[i'm so happy]

يمكن البنت خايفة ان المطوع يكون شديد عباية راس وقفازات ودلاغات وعينها ماتبين
ولا تسوق وفالبيت مافي تلفزيون ولبس ساتر يمكن من جذي متخوفة يكون كل شي ممنوع و لا ..

لانه بعض المطوعين جذي انا مطوع ابي زوجتي ملتزمة وتسوي اللي ذكرتها والبعض لا عادي
شي حلو وطيب ومافي احلى من الستر بس اكثر المطاوعه الحين يرغبون بالتعدد

الله يوفقها وتصلي استخاره ولا تتخوف واللي الله كاتبة بكون

 

[سندس 90]

والله على حسب

اعرف وحده ماخذه مطوع ماشالله الله يهنيها ، خدم وسياره ومصروف وطلعات وكشخه ولبس تبارك الرحمن

وفي وحده همن متزوجه مطوع وربي معذذذذذذبها حابسها حتى اهلها ماتروح لهم ومعاملته لهاا خااااايسه الله يعينها


وفي شباب عاديين مو ملتزميين بس ماشالله اخلااق وتربية

والعكس طبعا

يعني كل واحد على حسب تربيته وأخلاقه


ربي يوفقها معاه*