منو في ماليزيا حاليا

[الاميره ساره]

السلام انا ناويه اروح ماليزيا ممكن االي حاليا في ماليزيا تقولي شنو الجو هناك وصج في زحمه وايد خليجيين هالسنه --والفنادق فل ومافي غرف

 

[مس فاشن]

والله انا بعد سمعت زحمه وكل خليجيين

 

[وين الوفاء]

اختي ... انا في ماليزيا الان من اول الشهر ...الوضع عادي تقريبا.... في زحمه انا حجزت اول الايام وكنت محتاره بين جزيره بيننق ولنقاوي بس وصلت الي كوالالمبور ورتحه من الطريق حجزت .. باقي الايام انصحج تحجزين من النت ارخص وايد
كوالالمبور وايد زحمه بس تستاهل وشويه ابرد من الجزر ..... وجزيره بيننق وايد رطوبه تطلعين ودشين لازم شور ....
ماانصحج فيها ...واذا تبين اي شئء انا حاضر ..... واعذروني اذا اتاخر تعرفين التوقيت غير عنكم
والله دوختكم ؟؟؟؟؟؟؟؟؟؟؟؟؟؟؟؟

 

[وين الوفاء]

اختي الاميره ساره نسيت ؟؟؟ الفنادق وايد في كل مكان وبسبت الاوضاع بالدول العربيه صارت زحمه السنه مو وايد
الناس تبالغ ؟؟؟ والله يوفق الجميع ورحله سعيده

 

[FARAH =$]

انا الحبن بكوالا والاجواء عادي مو زحممه وايد بس السعودين وحريمهم نادر عوايل انا الحين مع امي وابوي واخواني اثنين صغار ورطوبه وبيننق مو طبيعيه تينن هيصه وحركه وناسه انصحج فيها خصوصااذا معاج عايله وفنادقنا حاجزينها من الكويت هوليدي ان بيننق اربع ايام وهوليدي فيلا لنكاوي يومين بس لنكاوي هدوء ومن الساعه سبع انتي بفندقج ما تصلح حق عوايل وكوالا فندق باسفيك ريجنسي وايد حلو الفندق وماعليه حجي احنا ماخذين شقه وشغل عدل سبع ليالي وطبعا كل فندق مع ريوق وشارع العرب يونس بكوالا ومطاعم العربيه حلوه

رحلات

بيننق : رحله الصيد البحريه واعلى هضبه بيننق وحديقه التوابل وحديقه الفراشات والسوق اليلي يم فندقنا ومجمع كومتار عادي جدا
لنكاوي : رحله المانغروف تينن وزوغه والابار السبعه بس متعبه وايد وايد بس حق الي عندهم لياقه وفوق عذا الرطوبه تذبح انا رحت اول واحد وتعبت والله بس منظر خيالي وكنا نبي نركب التلفريك بس ما مدانا الوقت بس في بجنتنج تلفريك وانصح بالمطعم الايراني الي بلنكاوي موووو طبيعي اسمه رستوران ايراني اخخخخخ يا اكله احنا خمس اشخاص بس اخوي الصغير ماياكل يعني قولي اربعه طلع علينا ٣٥٠ رنقت بس صج يستاهل
وكوالا : تونا واصلينها ومخططنا انشالله جنتنج هايلاند وسن واي لاقون وافوموسا وشالالات تيبلر بارك وغير التسوق انشالله ورحنا بكوالا السوق الصيني احلى شي انج تكاسريهم لووووول خوش مكاسر في اسوار سعرهم ١٥٥ رنقت اخذتهم بـ٤٠ لووووول انتي سوي نفسج زعلانه و ينزلولج لوووووول ومجمع تايم سكوير شحالاته وامي اخذت جناط سيم بونيا عاديين بس امي وايد عاجبينها بس صراحه الناس وايد بالغو فيها وكلن وذوقه


واي سوال انا حاضره *

 

[سراب44]

مرحبا farah
بغيت اسألج صج ماليزيا فيها مظاهرات وممنوع احد يطلع منها
والشي الثاني انا بروح مع اعيالي وكلهم الصغار من ٩ سنين وتحت
شنو الجزر والاماكن اللي تصلح لنا والاسواق الحلوة
لاني بجهز للعيد والمدارس
وجزااااااااااااااك الله الف خيرررررررررر
اتروحون وتردون بالسلامة*

 

[[[ عيون جابر ]]]

بليز صاحبة الموضوع فيدينا بخصوص المظاهرات @@

 

[akadenia]

نبي اخر الاخبار الله يعافيكم

 

[white choclate]

مساكم الله بالخير
انا حاليا بكوالالمبور ,,,,الجو خيال براد و مطر رذاذ وماكوا رطوبه و طول اليوم غيم , بالنسبه للوضع السياسي انا امس شفت المتظاهرين من دريشة داري بالفندق و كانوا الشرطة مسكرين الشوارع و خاصة يم تون تور بس فلوا علي المغرب ,,,,و اليوم الحمدلله ماكوا شي ,,,, الصراحه وين ما امشي سعودين ما شاء الله بكل مكان ,,,والي ودها تشتري تلفون ايفون خل تاخذه من كوالالمبور في مجمع بشارع العرب كله تلفونات اسمه جالان بوكت انا اليوم خذيت ايفون ابيض ب 200 رنقه و الاسود ب 175 رنقه ارخص من الكويت,,,,ورحت اليوم تور من الفندق اخذته رحنا مصنع ككاو و مصنع الادوات النحاسيه و رحنا معبد وفيه كهف رحنا بحيره ما ادري شسمها ,,,و باجر ما ادري وين اروح الي عندها اقتراح تقولي ابي شي لليهال
شكرا ​

 

[[[ عيون جابر ]]]

مشكورين بنات طمنتونا ماكو الا العافيه انشالله

 

[FARAH =$]

حبايب قلبي امس السبت بس العصر كان في مظاهرات وماكوا شي والشرطه بكل مكان مسويه احتيطاتها والمغرب طلعنا ورحنا تعشينا بشارع العرب وفله وناسه وكل الاوادم بشارع العرب واليوم الاوضاع ردت مثل ما اهيه طبيعيه جدا ورحنا افاموسا يابنات والله ما تسوا ابدا التذكره الكبير ١٢٦ والصغير ١٠٤ شامله السفاري وعالم المياه بس صج رطوبه والمكان بعيد عن كوالا وما يسوى كلش



بيننق وايد وايد حلوه وانصحج فيها دام وياج يهال الله يخليهم لج يارب لنكاوي ما تصلح حق عوايل انا واخواني الصغار ملينا الساعه ٦ كل شي يسكر صج ملل بالنكاوي احلى مافيها رحله المانغروف بسسس
اذا بتجهيز للعيد عندج بافليون بكوالا حلو وفي اشياء راقيه ميجا مول حلو
بس اخذي معاج المهفات لووول وماي الصحه بكل مكان تروحين ولا تنسين كريم حمايه الشمس والشمسيات المطر يطق فجأه


انا باجر بروح جنتينج واول ما ايي منها اقولج عنها انشالله وعقب باجر سن واي لاقون هم راح اقولج عنها


ورحله سعيده انشالله وتروحون وتردون بسلامه وديربالج ع اليهال وبطياره اخذيلهم خفايف تصبيره عن اليوع

 

[semaasem]

واي بنات الحمدالله طمنتونا على الاوضاع هناك الله يسعدكم ويهنيكم وترجعون بالسلامة ان شاء الله

يالله بعد حمسونا ونقلوا لنا آخر الاخبار والتطورات...شنو الاشياء اللي تسوى واللي ماتسوى نروح لها يعني خلاص شطبت

أفاموسا من الجدول وبعد..

 

[qa6wa_q8]

بنات شنو ناخذ معانا دولارات ولا عملتهم

 

[أغلى حبيبه]

زين الحمدالله طمنتونا ع الاوضاع

 

[[[ عيون جابر ]]]

اي بنات ناخذ معانا اي عمله !
وانتو قاعدين تاخذون مبالغ كبيره ولا تسحبون بالسحب الآلي بس؟

 

[عيالي...حياتي...]

هلا ببنات ديرتي
انا توني رادة واي سؤال انا حاضرة..؟؟؟؟

 

[white choclate]

هلا بالجميع
اخذي عملتهم احسن لج
اقول خلاص هونا عن افا موسا ,بس اشرايكم برحلة الشلالات ؟و رحلة الفيلة يقولون اليهال يوكلون الفيل و يركبون عليه و لازم يلبسون مايو لانهم ممكن يطيحون بالماي و الفيل يعبر النهر ؟,,​

 

[FARAH =$]

الشلالات حلوه ومنظر خيالي بسومتعبه وايد وايد ويببلها لياقه ومشي لان فيها صعده جبل


افاموسا
من كوالا الى افاموسا 2 بسياره ولوعه توصلين عاد جوفي الزحمه ع التذاكر احنا خمس اشخاص اربع كبار واحد صغير 621 رنجت تقريبا خمسين دينار او اكثر شامله الغدا وكوبوي الي اهوه المسرحيه الصامته وعرض الطيور والانمل شو عرض حيوانات المتنوعه وعرض الفيله وتقدرين توكلينهم وتركبين شاحنه الي اهيه سفاري وتجوفين حيوانات وتخلصين من هذول الساعه خمس ونص بضبط وتروحين عالم المياه تقريبا ً نفس اكوابارك عندنا بس مكس طبعاً اخواني وابوي تسبحو تسكر الساعه سبع كلها هاذي اهيه التذكره واذا تبين الكرنفال وعرض الهنود الحمر والالعاب الناريه تذكره غير بسسس الجو حار حار ما يسسساعد وكل شي بتوقيت رطوبه حيل وكلها مشي تخيلي صرفنا 1400 رنجت على شنو مادري بسسس تذاكر وعشى وروحه ورده شدعوا مو لي هدرجه انا عن نفسي ما حبيتها ابداً يمكن الناس لهم وجهه نظر وهاذي افاموسا اذا بتروحين روحي من الصبح قبل الزحمممه واخذي معاج ماي مثلج ومهفات ومروحه هاذي الصغيره ومايوهات حق اليهال لان وراهم عالم المياه




اليوم رحنا جنتنق تينن وجوها فضيييييع بارد وتلفريك اذا بتروحين نصيحه نصيحه لا تحجزين العادي بو 5 رنجت اخذي بو 15 رنجت السبشل الي تدشين باي خاص وبسرعه ما تنطرين دور وريي اذا نطرتي دور تركبينه بعد اربع ساعات زحمه مو طبييييعيه اخذي بو 15 لشخص ما تفرق ترى 10 رنجت بس اهم شي ما تنحشرين مع الناس


وتذاكر دخول الالعاب الي برا والي داخل احنا خمسه طلع علينا 289 رنجت وايد زين والعابهم تونس بس اكثر شي حق اليهال والغيم تمسكينه وناسه
جنتينق روعه وتينن


والي تسال عن العملات اذا دايركت اخذي عملتهم بس بس اذا ترانزيت اخذي دولارات معاج لزوم مطاعم بالمطارات وجذي


ورحله سعيده للكل وموفقين


واي سؤال لا يردكم الالسانكم بعد قلبي انتو *

 

[qa6wa_q8]

شنو نوع الملابس الي ناخذهاا انا سمعت رطوبه وناس تقول برد وفيه مطر الحين شنو ناخذ

 

[سراب44]

Farah
.مشكورررررررة وماقصرتي
والله يجعله في ميزان حسناتج
وتردون ان شاءالله بالسلامة
