منو فيها سكري وصار فيها دمل

[فيونكه الماسيه]

السلام عليكم ورحة الله وبركاته

بنات امي الله يخليها لنا فيها سكري وصار فيها دمل باخر ظهرها وراحت المستشفى قالولها نحفرها لج ونظفها تخيلو يقولون نحفرها ومرضى السكري الجروح ماتسكر ابد وامي ماسوت شي عندهم وطلعت من المستشفى وانا توليت تنضيف الدمل لها واغيرها لها مرتين او 3 مرات بليوم كانت كبيره حيل والحين الحمدالله صارت نضيفه وماتحس بالم

بس المشكله صار بمكان الدمل 4 فتحات حيل صغار نفس خرم الابره وجنب بعض واخاف تكثر الفتحات او يتبطلون على بعض ابي شي يسكر هلفتحات قبل لاتزيد

بنات الله يخليكم الي تعرف شي تعلمني ولاتقولون لي مستشفى

مشكورين ويعطيكم العافيه:eh_s(7):

 

[نورا الحلوة]

يارب اكتب لي الخير في كل خطوه امشيها
ووفقني لفعل الخير
الله يشفيج

 

[ورد و ريحان]

حياتي الله يشافيها وماتشوف شر ان شالله
بس الاحسن تشوف طبيب ثاني وثالث
لان هالاشياء مو زينه للسكري

 

[فيونكه الماسيه]

مشكورين على مروركم بنات بس المستشفيات ماينفعون لجروح السكري كلش

 

[حرم بدر]

شوفى يا الغاليه امى يمكن سوت فوق السبع عمليات كل دمامل ((( بالراس والخد والريل والظهر طبعا الظهر يمكن اربع عمليات ))

والله العظيم كان فيها فتحه بالابهام بريلها والله سنتين تعالج في مستشفى الجهرا وماكو فايده حولوها البابطين انه يسوون لها رقعه من فخذها ويصكرون الفتحه العميق الي في الابهام

المهم راحت والا الاستشاري يقول شنو هذول ميانين الى يبون يسون لج رقعه وجذى قال لها عن المرهم وهم السستر الى عندهم قالت لها وعطاها وصفه لانه يصرفونه في مستوصف الجابريه مثل مرهم لونه اصفر او بيج


بس تروحين مستشفى البابطين تروحين حق دكتور جراح استشاري امى ما تذكر اسمه جنه اتاكد لا اختى يت لانه عندها الوصفه عرفتى ... تروحين تاخذين الوصفه من الدكتور وتروحين مستوصف الجابريه لانه الدوا الا بوصفه



والله والله اقل من شهر تصكرت وهذا يعنى مصرو ومضمون ويوم راحت للجهرا قالوا احنا كنا نبي نعطيج قالتلهم سنيتن اعالج واللحين تقولون كنا نبي نعطيج ياه عقب




على الله ومن ثم على المرهم


اى خدمه او استسفار افا عليج انا حاضره اخاف انسى الموضوع راسلينى خاص