منو فيكم مسويه مجلس طبي ؟؟

[alatoto]

قوة اشلونكم
ابي اعرف منو فيكم حامل وسوت مجلس طبي حق دوامها عشان يعطونها اجازه مرضيه يعني ما تداوم لما تولد
ومن متى سوته يعني باي شهر
ولما تروحون الصباح اعتقد الجلس الطبي شنو يسالونكم وشنو قلتيلهم
انا طالبه وموعدي 3_11 بس مادري اروح اهناك شسوي اللي تعرف تفيدنه
عشان ابي يوافقولي ما اقدر اداوم لأني بالثامن وتعبانه​

:nbvppw:

 

[mis-beba]

حبيبتي انا مدرسة وسويت ربط ومن اول ما حملت قالي الدكتور ممنوع اداومين ومن شهر 9 اول بداية المدارس زوجي راح المدرسو اخذ طلب المجلس الطبي بايده وداه المنطقة التعليمية ومن المنطقة التعليمية اخذ ورقة ووداها مستشفى الصباح مكان الاجازات الطبية واللجان عشان يحطلي موعد طبعا الموعد طلع بعد شهر ونص فانا كنت اخذ طبيات من الكتور بالشهر يعطيني طبيتين كل طبية فيها اسبوعين راحة وكتبلي تقرير بحالتي اني عندي حالة اجهاض سابقة واني مسوية عملية الربط واحتاج الراحة التامة

فلما رحت الموعد بتاريخ 7-10 كان قعدت انطر من الساعة 8 لي الساعة 11 ونص الظهر على ما صار دوري كنت اخر وحدة
المهم دخلت على دكتور افريقي ودكتورتين كويتيات عندهم التقارير والطبيات شافوهم وقالولي نعطيج اجازه شهر وتاخذين موعد ثاني حق الشهر الياي

هذا بالنسبة لحالتي لاني مسوية ربط وانا الحين بالخامس والله يهون علينا ويثبتنا يارب

انشالله فدتج حبيبتي

 

[^^ام ميمي^^]

انا مدرسة اخذت مجلس طبي من بداية الدوام كنت مقدمه عليه من المنطقة بالعطله وعطوني موعد اول يوم دوامات ووافقو عليها وعطوني اجازه شهرين وعندي موعد الاسبوع الياي عشان اجدد الطبيات

بالنسبة لج حبيبتي انتي طالبه ممكن تتحدين اذا طالبة بمدرسة او كلية لان اذا طالبة بكليه تقدرين تاخذين وقف قيد وما يصلحلج المجلس الطبي لان المجلس الطبي للموظفة اللي يمشيلها معاش من التأمينات يعني قطاع حكومي وسلامتج

 

[lailalaila]

اذا باخر شهور ما ظني يرفضون

 

[رينبووا]

آنا مدرسة ومسوية ربط وماداومت من بداية العام الدراسي قدمت طلب للمجلس الطبي ورحت مستشفى الصباح وعطوني اجازة شهرين
آنا أتفق مع منتج كويتي 100% :icon30:
المجلس الطبي للموظفين موللطلبة والناس يقدمون مجلس طبي عشان التقدير وعشان مايخصمون المعاش
انتي يبيلج تقدمين وقف قيد مومجلس طبي

 

[alatoto]

[CO
LOR="DeepSkyBlue"]انا موظفه بوزاره التربيه مو طالبه كاتبه طالبه يعني مقدمه مو طالبه[/COLOR]
ومشكورين عالرد بس ابي اعرف باللجنه مالت المجلس الطبي شنو يسوولوج في فحص وشنو يسألونج

 

[^^ام ميمي^^]

اهاااا اللحين فهمنا


حبيبتي ما يسووولج ولا شيء ولا حتى فحص موافقتهم للطلب يعتمد على حسب تقريرج يعني اذا الدكتوره كاتبتلج تقرير قوي يوافقون عليها واذا عادي ممكن ما يوافقون وان شاء الله ربي يسهل عليج ويوافقون عليها .

ويطلبون منج صورة اخر سونار

انا اول وحده وافقو عليها وعطوني شهرين ثمان اسابيع لان كنت حامل بعلاج وعقب 5 سنوات و كان ينزل علي دم واللحين ان شاء الله راح اجدده لان المشيمه عندي نازله

والله يسهل علينا يارب

واي سؤال انا حاظره

 

[bambena]

انا من حملت كتبت كتاب بالدوام اني ابي مجلس طبي وخليت دكتوري يكتبلي تقرير بالحاله للمجلس الطبي وبالموعد رحت طبعا زحمه وايد ناس وبالدور ودشيت عليهم تقريبا 5 دكاتره بس سالوني انتي باي شهر واسئله عاديه جدا وماتتحركين ولا تداومين ومن هالكلام وعطوني شهرين وبعدين جددت شهرين زياده

 

[هوّن على قلبي]

بنات انا سمعت ان المجلس الطبي اذا تعدي 3 اشهر فيه خصم من الراتب ؟

 

[Emanova]

انا ابي اقدم مجلس طبي بس ناطره التقرير من الدكتوره ...بس بغيت اعرف يطول على ما يدخلوني لجنه؟

 

[طير الحب]

انا قدمت عليه وانا بالسادس وعطونى 3 شهور وولدت قبل لا تخلص مده الاجازه

بس سهاله اذا وضعج يحتاج يعطونح ياها من غير واسطه ولا شى

 

[^^ام ميمي^^]

المجلس الطبي يكون للوحده اللي مضطره تاخذ الاجازه يعني مو لعب ومافيها خصم من الراتب لان بموافقة وزارة الصحه بالاتفاق مع وزارة التي تتبعها المريضة وحتى لو من اول شهر تحمل لي حتى الولادة يعني 9 شهور مجلس طبي مافيها خصم ولا فلس

 

[الغربة]

حبيباتي اذا ممكن ابي اسالكم عن حالتي انا مقدمة على مجلس طبي وعطوني موعد بتاريخ 17/11 وانا مسقطة حملي اللي طاف وانا ألحين حامل بالأسبوع التاسع تقريبا وحامل بتوأم شلون على حالتي يعطوني على طول يقولون اذا توأم يعطون صج

 

[غيد مطير]

مشكورين بنات ماقصرتوا عطيتونا فكره ,, انا توني حامل بس معاي هبوط بالضغط حيل اتعب وانا اخصائية

يعني شغلي تعب بتعب كنت بعرف اشلون آخذ مجلس طبي يمكن لما اوصل للشهور الاخيرة اتعب زياده بس

ان شاء الله ماحتاجه ..

 

[ام عفاف الكويت]

الغربه حبيبتي حاله الاجهاض السابقه والحمل بالتوائم من الامور اللى يرونها موافق عليها

 

[Killer^Girl]

يعطونج اجازه بس مو ليما تولدين
يعني انا اول شي عطوني شهر بس ليما خلصت نساتي
ورديت اداوم
وبعدين سويت وانا بالسابع
عطوني شهر بعد وبس
حسب الحاله يعطون
وحسب الواسطه بعد

 

[Killer^Girl]

انا ابي اقدم مجلس طبي بس ناطره التقرير من الدكتوره ...بس بغيت اعرف يطول على ما يدخلوني لجنه؟

كل المواعيد بعد شهر
يعني اليوم الي تودين فيه اوراقج
يصير موعدج بعد شهر

 

[الغربة]

الغربه حبيبتي حاله الاجهاض السابقه والحمل بالتوائم من الامور اللى يرونها موافق عليها

مشكورة على الرد بالغالية