منو فيكم سافرت لليونان؟

[Zinab BH]

سلام عليكم بنات
مثل مااهو امبين في العنوان
لي نية ان ازور اليونان من زمااان والسنة ان شاءالله ازورها في فبراير او ابريل :yaaaaaarb:
كل مااسال احد قط زارها من قبل كله لا:eh_s(16)::eh_s(10):
يمكن هني وحدة زارتها او عندها اهل راحوها
ابي اعرف شلون اجوائها وناسها و حياتهم المعيشية غالية مطاعم واماكنهم السياحية؟
والاماكن الحلوة اللي ممكن ازورها :eh_s(1):
قريت في النت عنها و عن معالهما بس اذا احد رايحها غير يقول لنا شفيها وشلون اهيا صج
واللي عندها اي معلومة ممكن تفيدني لا تبخل عليي
و لكم مني جزيل الشكر حبيباتي :eh_s(7):

 

[نـعـومـه]

اخوي راحلها ايام تسعينات يقول موحلوه

 

[Zinab BH]

من اي ناحية مو حلوة ؟
على حسب اهو شيبي و شنو ذوقه ابي تفاصيل جزاج الله خير

 

[M!SS.LOBY]

محد يمدحه

 

[Katkoota85]

روحي المكاتب السياحيه وشوفي صور ودرجة الحراره وسالي شكثر تكلف وقرري .. انا سامعه انها حلوه بس ماعندي معلومات عنها

 

[Zinab BH]

Mmmm ,,, okii thank u all

 

[Alrem_q8]

بالعكس اليونان حلوه اذا انتي تحبين الاثار اثنينا كلها آثار الاكروبولس وغيره
واذا رحتي اليونان لا تطوووووووفج جزيرة سانتوريني
بالنسبه للجو اليونان حاره بالصيف
لكن انتي ع كلامج اذا رحتي ان شاءالله فبراير او ابريل الجو ان شاءالله بيكون حلو
حاليا درجة الحراره بأثينا عاصمة اليونان ١٣
وانتي من زمان خاطرج فيها روحيلها وخليج اول وحده من العايله راحت لها ^_^
واليونان العروض السياحيه عليها ححيل رخيصه وسألت المكتب ليش اليونان عروضها ارخص من عروض تايلند يعني معقوله اليونان ارخص قال لا .، تايلند ارخص لكن حاليا اليونان تمر بأزمه اقتصاديه وكل شي صاير رخيص حتى العمله نازله قيمتها والسكن رخص
انتي شوفي القارير وبحثي اذا عجبتج سافري وان شاءالله بتساانسين

 

[Zinab BH]

الريم مشكورة حبيبتي
اي فيها ازمة اقتصادية حتى زوجي متخوف يروحها بهسبة
ان شاءالله يرضى نروح لان حدها بخاطري من زمان

 

[Hambka Q8]

رفيجة بنت اختي تمدحها
تقول وايد حلوه
و فرصه الحين دام عندهم ازمه اقتصاديه
لوووول الاسعار ارخص

ودي اروح لها ان شاء الله قريبا

 

[المهفة]

اختي زينب انا ماانصح بزيارة اليونان
السبب
اولا بسبب الازمه الاقتصاديه الحاده عندهم والفقر الشديد وحاجة الشعب لاولويات الحياة وهي الاكل ادي الي كثرة السرقات والجرايم والمشاكل وخصوصا مع السياح لانهم يعتقدون السايح مليان فلوس وجاي يصرف وهم مو قادرين يحصلون وجبه وحده باليوم
زوجي يقول ان الاوربيين يحذرون من زياره اليونان
واحنا العرب مكاتب السياحه مع الاسف ماتحذرنا ولانهمهم المهم ياخذون فلوسهم وبس
اما لو حبيتي تسالين عن البلد فانا رايحه من زمان واقولج وايد حلوه وونيسه ورخيصه
اتمني اني فدتج وادعي لوالدتي الله يجزاج خير