منو فيكم راح سيلان ؟؟؟؟؟؟؟؟

[om fahad]

مساء الورد
مساء العسل
مساء الشاي السيلاني المنعنع
اشلونكم بنـــــات شخباركم ادري كل وحده فيكم الحين بتقول الله يهديها أم فهد
اشطاري عليها عاد سيلان :d
تدرون سيلانيتي شوقتني تقول ماما سيلان واجد هلو انتي ليش مايروهي
قلت ليش مايروهي ؟ يروهي ولا يهمج
والله في ناس تمدح سيلان وفي ناس ماتمدح بس الكل اجمع على انها بلاد طبيعية 100% عاد وتدرون أنا أموت على الطبيعه لا وبعد قالولي اكو شلالات بس زاغ قلبي
المهم بعد عشان ماطولها عليكم أكثر في أحد منكم راح وشنو أحلى الأماكن فيها واذا كان في أسماء للأسواق هناك

 

[rawona]

رد

مساء الورد
مساء العسل
مساء الشاي السيلاني المنعنع
اشلونكم بنـــــات شخباركم ادري كل وحده فيكم الحين بتقول الله يهديها أم فهد
اشطاري عليها عاد سيلان :d
تدرون سيلانيتي شوقتني تقول ماما سيلان واجد هلو انتي ليش مايروهي
قلت ليش مايروهي ؟ يروهي ولا يهمج
والله في ناس تمدح سيلان وفي ناس ماتمدح بس الكل اجمع على انها بلاد طبيعية 100% عاد وتدرون أنا أموت على الطبيعه لا وبعد قالولي اكو شلالات بس زاغ قلبي
المهم بعد عشان ماطولها عليكم أكثر في أحد منكم راح وشنو أحلى الأماكن فيها واذا كان في أسماء للأسواق هناك

ماحبيت امر وما اعلق ..

والله يا ام فهد ما طبيت سيلان ولا ادري عن هوا دارها :eh_s(10): بس الوالد راح لها من سنتين و يمدحها والله مادري بالضبط وين قعد بس جنه راح جزر .. و يمدح مستوى الفنادق اهناك و الطبيعه الحلوه ..

وما اعتقد اقدر افيدج باسامي اسواق اهناك كل اللي اعرفه انه يابلنا قطع سواري اتهبل وموهينين والله القطع على 50 و 95 دينار ..تدرين الرياييل ما يعرفون يكاسرون وينقص عليهم بهالامور ..

يالله موفقه

ورحله سعيده :eh_s(15): ​

 

[om fahad]

هلا والله روونه بعد قلبي مشكوره على المرور والرد
الظاهر ماكو احد راح سيلان بس روونه يبيله سيلان
وناطره مشاركاتكم اذا عندكم معلومات عن سيلان لا تبخلون علينا

 

[MISS^^CHANEL]

انا بعد امس ويا اختي قام نقول خل نروح السيلان
بس انا مشكلتي بالاكل
كل شي يصير فيني تسمم
بس جايفه صورها تهبببببببببببببببببببببببببببل حق طبيعه ولا يعلى عليها
بس احاتي الوصاخه

ومادري ماحبيت امر بدون ما اعلق

 

[نملة حوله]

والله عمتي وريلها راحووينووو عليها طبيييييعة اتينن مشالله وطبعا على حسب المكان اللي انتو فيه حتى الفندق كان وايد حلوو وكان دار مداره ادغال وحيوانات خخخخخ

 

[brettey]

والله يمدحونها وخصوصا ان فيها مصانع bhs وnext و guess واحنا منغرين فيهم ترى كلهم صناعه سيلان انا واحد كان معاي بدوامي شاف جاكيت شتوي بغيس اهني بالكويت ب90 دينار خذاه من سيلان من نفس المحل ب5 دنانير اهناك هالمحلات برخص التراب ويقولون حلوه الديره وطبيعه

 

[^^ ريان^^]

بصراحة ناوية سيلان منكثر ما امدحوها يقولون طبيعةومنتجعات ودخلت منتدي العرب المسافرووون لقيتواحد حاط تجربتة بالصور ماينصح فيها يقول طبيعة صح بس شعب قذر وما مدحها كلش من ناحية النظافة

عاد انا كلش لآ النظافة احنا لايعةجبدنا من وساختهم اهنية نروحلهم بعد

 

[شهدQ]

يقولون من اجمل بقع الطبيعه في العالم

brettey شوقتينا وين مصانعهم هناك ؟؟ بسأل خدامتي لووووووووول

يالله ناطرين الي راحو

بس توقعو من يهبون فيها الناس تصير الديره غاليه

 

[UMSAROON]

الصراحه يا ام فهد هالديره وايد يمدحونها وانشالله سيلان اهيا مشروعنا الياي (اقصد السفره اليايه انشالله) طبيعه عجيييبه وصاجه بريتي المصانع كلها عندهم حتى gap مصانعهم اهنااك..

 

[دانتيل]

انا رايحه سيلااااااااااااااااااااااااااان.... اخيرا في وحده راحت هاااا

خل اقولكم...
الي بتروح تقعد بالجزر هناك مكان حلوووو و راقي و نظييييف
الي بتقعد بكلومبو منطقه مزدحمه و نظافتها عادية نفس كل الدول المزدحمه يعني مو الي تقولين قذرره و لا اهيا الي نظيفه...
من ناحية الرخص فهي رخيييصة حيل...
حتا شريت جنطه فري شكبرها تينن ب 15 دينارر و ريلي شرا ملابس داخلية من سي كي الي بدمنهامز على 8 حصلناهم على دينار و نص و الله
و الاكل بعد رخييييص
اسامي الاسواق house of fashion
odel
و في اسوقة فيها ذهب اسمها شي بلازا مو مذكره والله بس هذا السوق غير الذهب عندهم تي شيراات ملوت الصبيان نفس ملوت العدساني تقليد سي كي و جس و فون دتش .
انا و ريلي رحنا لها بشهر 1 كان جوها رووووووووووووووعه واايد حلو و كنا بس نفرين حق تنقلاتنا كنا نركب البجاج سعر التوصيلة 300 فلس و نكاسرة لي 150 فلس
بس الحين صيف تلقينها حااارة ما تنبغا....


اتمنى اكون فدتج...

 

[UMSAROON]

انزين دانتيل اشلون اسعار الفنادق اهناك ومستواهم اشلون صاير ؟

 

[dan]

انا رحتها ترانزيت

لا يطوفج الاناناس لذيييييييييذ

 

[UMSAROON]

خدامتنا توها راده من السفر ويايبه لنا صووغه اناناس شنو عجييب..

 

[شهدQ]

دانتيل طمعانين بالمزيد

نبي جدول :eh_s(9)::eh_s(9)::eh_s(9):

عاااااااااااااشــــــــــــــت دانتيل

المطلوب

اسواق

رحلات

مطاعم

 

[دانتيل]

سارون ما اذكرجم سعر الفندق لان احنا دفعنا باكج كامل رحنا قبلها المالديف
و كروز كذا دوله يعني فدفعنا كل الرحلة مره وحده بس الي اذكره ان فندق سيلان طلع علينا ارخص من كل الدول الي رحنا لها... و بالنسبه للمستوى اتحسينهم على قد حالهم بس احنا كنا نروح الاسوقه اهناك كله الناس الكشخه

 

[zhora73]

انا بروحلها بعد جم يوم .......وانشاء الله افيدكم

 

[غير كل الناس]

يمدحونها طبيعه وسوق بس الاكل لج عليه شوي