منو فيكم ام وطالبه وموظفه :) ابي تجربتج

[لذه السكر]

السلام عليكم ورحمة الله وبركاته

بنات يمكن الموضوع مكانه مو هني بس نزلته بهالقسم لاني حسيتكم اكثر ناس راح تفهموني

حبيباتي انا عندي ولدي عمره سنه الله يحفظه وموظفه ودوامي لي ال 2 وربع حلوووووووووو

ودي اكمل ماجستير واحسن وضعي ومييييته عالماجستير ماتصدقون

مشكلتي اهي هل اقدر اوفق بين الدراسه والوظيفة والبيييت ؟؟؟؟؟

ما اقدر اهد الوظيفه لان معاناة سنتين يالله توظفت واحتاج المعاش

بالنسبه لولدي قاعده اقول فرصتي دامه صغيره كلها سنتين سنيتن ونص مخلصه وانشالله ماراح احس فيها

الدوام اعتقد مرتين بالاسبوع .. واللي عندها فكره عن دوام الغير مقيد بجامه الكويت تفيدني


بنات انتو شرايكم منو مرت بهالتجربه ؟؟؟

 

[M!SS.LOBY]

عادي بالأرادة الانسان يقدر يحصل اللي يبيه

 

[Om_il3ubed]

السلام عليكم

ماكو شي مستحيل

انا موظفه صارلي سنتين وبنتي جريب تكمل 3 الحين

انا بسنتني الثانيه بالماستر وباقيلي ماده واتخرج... اضافة إلى ذلك حامل واتنسى ومع هذا اداوم و مستمتعه بحياتي
نظمي وقتج و اهم شي ان ريلج يكون مساندج ومساعدج ولا تخلين شي يوقف بويه طموحج
الايام تمر وتركض والفرص مو دايما تييلج

بالنسبه لدوام الغير مقيدين عادي نفس الطلبه المقيدين بس ان يكون عندج شروط بالمعدل عشان تكملين باماستر على ما اعتقد و رسوم التسجيل وجذي جنه تصير اغلى.


أي استفسار ثاني انا حاضره

موفقه

 

[أم معاذ الكندري]

عادي حبيبتي استعيني بالله واحسني الظن بالله ان راح يسهل امورج
أنا موظفه وطالبه وأم ولله الحمد والحمدلله قبل جم يوم حللت وطلعت حامل
اهم شئ تنظيم الوقت وكل شئ حل

 

[لذه السكر]

حبايبي ما قصرتوو والله شجعتوني

 

[PuPa^^SWeeT]

حبيبتي


انا فكرت بس لانه بناتي ثنتيين


و ماعندي خدامة ثابتة

فا شوي صعب كان علي

والحين السنة الياية بناتي بعمر دراسة فا ماراح اقدر



انتي توا بيبي واحد


وصغير سنة


علاما اتخلصين توا يكون داش الروضة


فا بالعكس و يومين بالاسبوع



وايد زيين


توكلي على الله


اليووم اللي انتي فيه اتدومين بالحامعة


دخليه حضانة


منها مايحس انج طلعتي و يكون صداقات وياهم


او اذا عندج احد يمسكه عنج بعد زين

 

[مشتطـه]

اي انا مثلج ان شاءالله

بتوظف و بدرس ان شاءالله

حيل بخاطري اخذ الماجستير


في اجازة 45 يوم اظن تأدية اختبار او شي جذي

زوجي كان طالب وموظف وكان دوامه خفيف وحلو

 

[حروف من ذهب*]

دام عندج طموح توكلي على الله

 

[لذه السكر]

الحمدلله على كل حال بس ما اتوقع لي نصيب ريلي مو راضي نهائيا ومابي اعانده خصوصا هالشي لازم يوقف معاي فيه ويساندني

مشكورين بنات ويمكن الله يكتبلي واكمل بالمستقبل