منو فيكم اتركت التدريس وصار ت إدارية

[اشلون يعني &]

السلام
منو فيكم صارت إدارية وخلتي التدريس
بغيت اعرف الخطوات
والمعاش
وهل نادمة

 

[PuPa^^SWeeT]

رفيجتي سوتها والله


تنازلت عن 300 ذاك الوقت و شرت فيهم راحتها



وانتقلت المنطقة اريح لها بوايد



الطريقة اتقووول قدمت من الوزارة على العمل الاداري و يابت واسطة وياها

 

[اشلون يعني &]

تسلمين بعد عاوزه ردود

 

[Australia girl]

انا بعد وودي اسال عن المعاش الحين مع الزيادات شلون وبالظبط جم لان لاعت جبدي من التدريس

 

[اشلون يعني &]

رفع ااا

 

[أبلة فاتن]

الله يوفقكم يارب شفت موظفات مره المنطقه التعليميه العاصمه اللي بالخالدية وناسه مكانهم دشيت داخل مافي احد مكانهم حلو

الله يكتب لج اللي فيه الخير يارب

 

[أم جوري]

السلام عليكم
انا كنت معلمة وحولت ادارية
بس ترا مو بسهولة لازم مجلس طبي
او واسطة قووويييية

اول تروحين السكرتارية تطلبين نموذج رقم 1
وتطلبين فيه كتابة تحويلج لادارية بسبب ظروف صحية مثلا
وبعدها تمشين شغلج بالمنطقة
ويحددون لج لجنة طبية بالمستشفى التابعة لها

وقتها وللحين وانا مرتاحة
صح فرق بالراتب بس ارتحت جسديا ونفسيا ولله الحمد والمنة

عموما قبل ما تبدين اي خطوة صلي استخارة وربج كريم

 

[ELFAD3Ah]

اب
اب

 

[ELFAD3Ah]

بنات انا ليلحين ما صرت مدرسة ولا رحت فحص يصير اروح الوزارة اقلهم ابي اعدل ابي ادرية

 

[Q8ytya]

اعتقد حاليا بتنتهي سالفة ترك التدريس خصوصا الفرق بين الاداريه والمعلمه 600 دينار مع الكادر اليديد

 

[pretty_shwagah]

لاحبيبتي منو يقول الفرق 600 الحين الموظف السديد معاشه ٧٥٠ و المدرس ٩٨٠ توظيف سديد اعتقد
بس شوفي حبيبتي أنا مدرسة انجليزي و طالعة من سنتين يعتمد على تخصصك انتي شنو تخصصج

 

[ملامح بريئة]

كل لمعلمات تجيهم هالحالة بس التحويل اصعب قرار يعني ماتحول الا اللي ما تحب التدريس بالمرة او عندها ظروف صحية او اسرية تمنعهامن الالتزام بالدوام والمناهج اهني تحول ةهيمرتاحة نوعا ما ويعتمد التخصص اللي ١٨ حصة وتحضير يومي او المادة الصعبة حسب كل شخص ومدئ تحمله وللامانة جتني هالحالة ولوبيدي وقتهها جان حولت والحمدلله اني ثبتت لان التحويل احيانا يعطيك احساس بالفشل والندم ممكن ما ترتاحين اداريا وتروح عليك العطل انا من رايي اتفكرين باجر هذي الوظيفي الديني والدنيوي وتنظمين وقتك بالتديس بالتحضير واتحاولين اتطورين من مستواك وتفكرين اشلون تتغلبين علي الضغوط النفسية تالي بتحبين مهنتك وبالعكس فكري انك تترقين ادارية من خلال رئيس قسم وكالة والله المستعان

 

[ادمنت حبه]

رفع رفع

 

[أبلة فاتن]

اللي تقول معاش الاداريات 600 دينار والمعلمه 980 معاج حق تقولين في فرق لان المعلم كل شيء عليه

وكذلك تصحيح ااختبار وامتحانات ودرجات واولياء امور وطابو وحصه اولى واخيره واشراف والذي منوووووووو

اما الادارية مكتب وقاعده واذا جتها معامله تسويها نفس اللي رحت لهم حبوبات ووناسه مكانهم هادي ماكو ازعااج

وتتعاملين مع ناس معينه وحتى اختلاط مافي شفت البنات بروحهم كانوا قاعدين


فرق 300 دينار لكن شاريه راحتها ،،، بالنهاية شيء اختياري لج والله يوفقج يارب

 

[أبلة فاتن]

اب اب

 

[CrystalQ8]

والله تعب التدريس مهما اضبط وسايل واحضر كمبيونر واقول برتاح السنه الجايه يزيد الشغل والطلبات انت صلي استخاره شوفي راحتج وين الفلوس تروح

 

[برنسيسة2007]

حبيبتي انا حاسه فيج خاصه اذا جايتج مشكله من الاداره او الناظره يصيبج احباط بنصحج بالاتي بحسب تجربتي:
اولا:استعيني بالله وادعيه انه يسهل عليج مهمة التدريس ويسخرلج كل من يرأسج بالوضيف او زميلات>>لاتستهينين قوم الليل وادعي والله انا كنت ادعي بعد ماوصلت للانهيار وعلا فكره انا اداوم ماغيب ولايوم نهائيا بعدين اغيب شهر متواصل اخذ فيه استجمام بس انا زود علا الضغوط مريضه.
ثانيا:غيري من طريقة شغلج وترتيب وقتج ةحاولي قد ماتقدرين تكونين بالبيت فاضيه لاتقولين مستحيل انا اول سنه كل المكتب اخذه معاي البيت ثاني سنه نص المكتب ثالث سنه بالبيت كنت اشتغل حق امور البهرجه بس رابع سنه ارجع البيت مامعاي الا جنطتي>>بس بالدوام كل اشتغله ما اقعد مع البنات واسولف يمكن بس اتريق نص ساعه والباقي شغل حتى بالاحتياط اجيب لابتوبي واشتغل وامور البهرجه للاذاعه او الورشه اوزع علاولاد يساعدوني يقصصون يدبسون..الخ صج في الايام اللي فيها اختبارات او شهايد وانا مربيه انشغل واخذ معاي البيت بس باقي الايام لأ
ثالثا:غيري من شخصيتج اذا كنتي من النوع الحياوي اللي مايعرف يتكلم بينيلهم بنظراتج وحدة صوتج الثقه ولاتخلين حقج اقل شي مثلا اخذت احتياط مرتين مثلا اخذيه مو مشكله اذا انتي من تلنوع اللي مايتكلم بعده روحي الي اكتبته باسمج وقوليلها ابله غلانه انا اخذته احتراما لج لكن رجائن فالايام الجايه لازم يكون فيه عدل ومساواة وطلعي
او شخصيتج من النوع اللي بسرعه يتنرفز ويعصب وتسير علا راسه المشاكل هذا النوع ماينفع خليج اجتماعيا مبتسمه واثقه من نفسج تاخذين حقج برويه وحكمه جذي يحترمونج ويهابونج ويحطون لج الف حساب
رابعا: اذا انتي بالاساس بيرفكت وقلتيلي انج شغوله وشاطره وشغلج ميه ميه بس تعبتي اقولج اذا انتي بنيتي صرح والناظره ماتغيرت انشاءالله بتاخذين امتياز حتى لو ما اهلكتي عمرج يعني لاتهلكين عمرج خير الامور اوسطها
خامسا:اصابعج مو سوا غيري المدرسه غيري المرحله غيري بنين بنات او العكس


قرقت علا راسج وانتي مو ناقصه بس هذي تجربتي وحبيت تستفيدين منها