[ منو غيرج يايمه لاضقت حطيت راسي على صدره وشكيتله ] !

[مس جاكسون]

[ منو غيرج يايمه لاضقت حطيت راسي على صدره وشكيتله ] ​

قرب منها والشرار يطلع من عيونه .. حس كل قطرة دم بجسمه وصلت راسه .. بصراخ : انتي شتخربطيييييين شلون مو ولدي شلووون
.. ترجف وهي ماسكه دموعها : معناته انه مو منك !​

..​

: هههههههههههه .. غمزت : افهم انك تبيني !
وهو يقرب صوبها : شلون مابيج .. مو انتي بنت عمي وحبيبتي ودنيتي​

..​

: قلت لج انتي مو بنتي .. مو بنتيييييييييييييي طلعي بره برهههه
نزلت على ريلها والدموع بويها : تكفيييييين لا تقولين جذيييييييييي انتي امي غصبن على الكل اميي انا وبس​

..​

: شيخه .. احبج !
شيخه : عقب شنو .. عقب العذاب الي عيشتنياه !
..​

: شيلي قشج وذلفي بره الغرفه .. مابي اشوف رقعت ويهج هني فاااااهمه
: انت ينييييت !!​

..​

وهو سكران : قربي !! لا تخافين ماراح اسوي شي
قربت صوبه وهي ترجف : شش .. شتبي
شدها من شعرها : شربي !!​

..​

هذي لقطات من روايتي .. عن بنت عانت بهالحياة ( شيخه ) !!​

　
　​

 

[ρeαrℓ]

شكلها حلوة .. ناطرينج

 

[مس جاكسون]

البارت الاول​

شيخه : شش .. ششنو
ام خالد بخبث : الصراحه ماقدر اسكت اكثر من جذي خلاص والله حرام
شيخه ماهي قادره توقف بمكانها .. مو مستوعبه كلامها ​

دزتها وركضت تحت : يمااااااااااه يماااااااااااااااه​

ام شيخه ماسكه قلبها : شفيييييج​

شيخه بصراخ ممزوج بدموع يقطع القلب .. قرب صوبها وبصوتها البمحوح : انتي .. مو .. امي​

ام شيخه : ...​

شيخه بدموع : قولييييييييييي انتي مو اميي لا تعذبيني قوولي​

ام شيخه نزلت دموعها وبدت تبجي بسكات ..​

كان الكل يطالعهم .. مو فاهمين شسالفه شفيها تصارخ شتخربط ؟​

قربت صوبها وقعدت على ربكها وهي ماسكه ايد امها : تكفين جذبيي كلامهم جذبي .. قولي انتي الي يبتيني .. قولي انا بنتج الي ربيتيها .. الي فهمتيها الصح من الغلط .. الي درستيها وعلمتيها .. الي ربيتيها ع السنع والعدل .. تفكييين قولي تكفييين​

ام خالد وهي تنزل بالدري وماسكه بطنها < حامل > قولي لها ياساره الصج < ام شيخه > لي متى بتخشين عليهم !​

لفت ويها وطالعتها : ..​

ام خالد : هذي الي تسمينها بنتج .. دشت عايلتنا وخربتها فوق حدر .. خلت ولدي احمد يحبها ويعشقها اخرته قطته بالزباله ولعبت فيه .. وقفت قلب ريلج و ( مات ) .. نزلت سمعتنا بالارض .. خلتنا حجوه بحلوج الناس​

شيخه تقوم من الارض : سكتيييييييييييييي .. لا تجذبيين سكتي .. تبين تسترين ولدج وتقطين بلواه علي !! ولدج الحقير تهجم علييي ولولا ابويييي جان انتي و ولدج حجوه بحلوج الناس .. لو ما ابوي وخره عني جان انا رحت فيها .. جان شرفي صار بيده الحقييييير .. ابوي مامات بسبتي ابوي مات بسبتج انتييي و ولدج​

فجاه .. طرااااااخ !!​

ماسكه خدها ومنصدمه : ..​

ام شيخه بصراخ : طلعييييييييي برررررره​

شيخه بدموع : يي .. مم ه​

ام شيخه ادزها ودموعها بويها : انتي مو بنتيييييييييييييي بررررررررره​

شيخه تمسكها : يمه تكفييييييين لاتقولين جذي تكفييين​

ام شيخه : قلت لج انتي مو بنتي .. مو بنتيييييييييييييي طلعي بره برهههه​

شيخه نزلت على ريلها والدموع بويها : تكفيييييين لا تقولين جذيييييييييي انتي امي غصبن على الكل اميي انا وبس​

ام شيخه : لا .. انتي مو بنتييي انتي بنت مرته الاولى !!! الي ذلفت وتزوجني وخلاني اربيييج !!! ​

شيخه حست الدنيا ادور فيها مهي قاطره تنطق مهي قادره اتحرك : ..​

ام خالدتقرب واتل شيخه وراها .. كانت خايفه من الصراخ الي صاير فوق هذا خايفه يصير شي بختها : ساره الله يهداج !! خليها الحين وبعدين انفكر شنسوي فيها !!​

ام شيخه تقعد بالقنفه وتمسك راسها : الله لايبارج فيج دنيا واخره يوم انج ذلفتي وقطيتي بلواج علي !!​

فجاه غابت عن الوعي .. وطاحت عليهم​

اذا غبتي يايمه عن عيوني
يغيب النور عن عيني​

فتحت عينها بهدوء .. مسكت راسها ولا ارادياً نزلت دموعها قعدت اتذكر كل شي صار وبدت تشاهق : ياربِ سهل علي ياارب​

دخل عليها بهدوء وقعد يطالعها : ..​

شيخه رجعت لزقت بالسرير : ..​

خالد ابتسم بخبث : ليش خايفه ؟ اي صح تذكرت انا الحيوان الحقير الي بغى ياخذ شرفج ؟​

شيخه حاولت تمسح دموعها وتوقفهم لكن للاسف فشلت وقامت تبجي من كل قلبها : ..​

خالد تنهد وقرب صوبها : سمعي ومابيج تقعطين كلمه وحده اقولها فاهمه​

هزت راسها وهي خايفه : ..​

خالد : خوالي معصبين من الي سمعوه .. وسوو سالفه كبيره وتهاوشو مع امي على الي سوته وفوق هذا امج طاحت علينا وحاشها انهيار عصبي و ودينها المستشفى .. قعدت اتقول ماتبي تشوفج .. واقترحو انه .. انه اتزوجج !! ​

شيخه : اتزوجك !! ​

خالد رفع حاجبه : جم شهر وطلقج !! مابي وحده حقيره نفسج تبلت علي​

شيخه تمسح دموعها : انا ماتبليت !! لا تقعد تحرف الكلام ايه انت بغيت تاخذ شر​

خالد سكتها بكف على ويها : اولها كف !!! ثانيها ادفنج وانتي حيه​

طلع من الغرفه وهو معصب وضايقه فيه الدنيا .. الاخت عبالها مستانس اني باخذها !!​

..​

خنعرفكم على عايلة ام شيخه ( ماراح اييب سيرة عايلة ابو شيخه ولا راح اعرفكم عليهم لانه نادر كلش بذكرهم بالروايه )​

ام خالد : ( فاطمه ) اكبر وحده من البنات عمرها 44 سنه .. شريه عصبيه .. عندها خالد 24 سنه و مشاعل 20 سنه واهي حامل الحين بالشهر السابع
ام شيخه : ( ساره ) الوسطى .. عمرها 39 .. ماتقدر تييب عيال تزوجها ابو شيخه وخلاها تربي شيخه
منال : العنقود .. 28 سنه .. مخطوبه والعرس لمه الحين مو محدد !!​

ابو فهد ( راشد ) : اكبر واحد .. 49 سنه .. عنده فهد 25 سنه وملاك 20 سنه وحسون 17 سنه​

ابو وليد ( ماجد ) : اكبر البنات واصغر من اخوه راشد .. 46 عنده وليد 22 سنه و عبدالرحمن 20 سنه ​

..​

الحين بعرفكم عن نفسي .. انا شيخه .. عيوني وساع عسليه ورموشي كثيفه .. شعري كستنائي صابغته يوصل لي نص ظهري .. طويله بس مو وايد .. 20 سنه .. وبتعرفون عن حياتي بِ إلروايه​

..​

غطت ويها بالمخده ودموعها خذت مجراها ​

..​

حددو العرس والملجه بنفس الوقت كان بعد الي صار باسبوعين ​

قبلها باسبوع​

( طبعاً احنا كلنا خوالي عايشين ابيت واحد ماعاده خالي وليد )​

نزلت من غرفتي وجناحنا انا وامي بكره ودشيت المطبخ الرئيسي بسويلي اكل​

سمعت صوت ضحكات بغرفة المعيشه واستغربت خذيت قلاص ماي معاي وانا اشرب و وقفت عند الباب​

انصدمت وطاح من القلاص وانا اسمعهم ​

ملاك : هههههه .. وغمزت : افهم انك تبيني ​

خالد بِ إبتسامه كلها جاذبيه : شلون مابيج مو انتي بنت عمي وحبيبتي ودنتي​

ملاك شهقت من صوت القلاص وخالد لف علي وهو منصدم​

كنت واقفه ومتنحه فيهم ..​

- ​

توقعااتكم​

 

[مس جاكسون]

شكلها حلوة .. ناطرينج

تسلمين :eh_s(17):​

 

[احلى قدساوية]

رووووووووووووعه


نآطرين البآرت الجآي يا قلبي​

 

[sweet.sanfoora]

عجيب اسلوبج

بداية موفقة

كمليها

وبث


ثانكيووو

 

[ρeαrℓ]

ياريت تكبرين الخط شوي

...

الرواية حلوة .. بسفي شي مافهمته الحين اهي كانت بالطبيب وامها طردتها بره البيت بعدين شلون ردت البيت ..؟

...

لاتطولين ناطرينج ​

 

[مس جاكسون]

ياريت تكبرين الخط شوي ​

... ​

الرواية حلوة .. بسفي شي مافهمته الحين اهي كانت بالطبيب وامها طردتها بره البيت بعدين شلون ردت البيت ..؟​

...​

لاتطولين ناطرينج ​

من عيوني =)

لا انتي فهمتي غلط ،

اهي يوم امها طردتها من البيت طاحت غشيانه

بس ماودوها الطبيب .. صعدوها غرفتها

الي ودوها الطبيب امها لانه حاشها انهيار عصبي

يعني تقدرين تقولين كانت معصبه وتبي تطردها من البيت

بس اقترحو انه يزوجونها ويفتكون منها ..

وبس .. حياج الله ^^

 

[ρeαrℓ]

من عيوني =)

لا انتي فهمتي غلط ،

اهي يوم امها طردتها من البيت طاحت غشيانه

بس ماودوها الطبيب .. صعدوها غرفتها

الي ودوها الطبيب امها لانه حاشها انهيار عصبي

يعني تقدرين تقولين كانت معصبه وتبي تطردها من البيت

بس اقترحو انه يزوجونها ويفتكون منها ..

وبس .. حياج الله ^^

حياتي ماتقصرين على التوضيح .. ناطرينج على نار :eh_s(22):

 

[مس جاكسون]

رووووووووووووعه




نآطرين البآرت الجآي يا قلبي
​

تسلمييين ;*

حَياج الله

عجيب اسلوبج

بداية موفقة

كمليها

وبث


ثانكيووو

شكراً ;p

من عيوني ،

حَياج الله​

 

[احلى قدساوية]

الله يسلمج


نآطرينج يا قلبي​