منو عنده فكره او يشتغل في البنك الدولي

[fajora]

السلام بنات بسألكم عن البنك الدولي

الدوام شلون يكون من الساعه جم لي جم ؟

والمعاش حق الدبلوم بنوك منو يعرف

 

[Fatoo2]

وعليكم السلام

انا كنت اعرف وحده توظفت مناك .. دوامها جنه لي 3ونص الادارة كانت .. ومعاشها 350 وماعندها غير الثانوية

 

[Angel_store]

اب اب اب

 

[أم زيون]

بنات زين منو تعرف فتره التدريب شلون طريقه دوامهم جم ساعه و وين فتره وحده ولا فترتين​

 

[krkosha]

حبيبتي اغلب البنوك فتره التدريب 3 اشهر تكون شهرين بمعهد الدراسات المصرفيه والشهر الاخير بفرع ييتعلمون عالسيستم

 

[أحبج يمه]

وعليكم السلام

اللي اعرفه ان الدولي فترة التدريب عندهم 3 اشهر تتدربين بالافرع ومعاشهم 350 أساسي و 389 دعم عمالة هاذا بالنسبة للدبلوم ومع دواام العصر يزيد 100 وشي تقريبا على حسب الساعات الي تداومينها

ودوامهم بالرئيسي لين 3 والأفرع دوامين من 8 لين الوحدة والعصر من 5 لين السبع وعلى فكرة دواام العصر اجباري

وأتمنى أكوون أفدتج

 

[أم زيون]

مشكووووورين بناات مااقصرتواا على الرد بس جنه معااشهم شويه اناا خابره مو اقل من ال450 الاساسي بس اناا ودي فيه لان احس دوامه خفييف مو مثل البنوك الباجي لوويه العملا واايد وادري اني طولت علييكم بالاسئلة بس ماتعرفون اي معلومة بعد عن الكول سنتر مالهم

 

[قرنبيطوو]

اختي انا قدمت عندهم اون لاين مرتين ولا احد دق علي انا تخصصي بكالريوس محاسبه

 

[أم زيون]

ايي حتى اناا قدمت على الاون لاين ونفس حالتج للحين ناطره الله كريم انشالله بس ودي اعرف عن الكول سنتر لاني ماودي فروع حاليا

 

[albarooona]

انا قدمت هناك واقبلوني

الدوام من الساعة 8 لي الساعة 3 العصر
ومعاش الدبلوم 400 دينار + تأمين صحي + تذاكر سفر أو بدل تذاكر سفر إذا ما تبين تسافرين
+ لج نسبة أسهم وأرباح تنزل شهرياً تقريباً 20 دينار كل شهر و 440 آخر السنة يعني يطلعج بونص فوق معاشج 470 دينار

 

[solbi]

للاسف البنك ماياخذ الا خبره

 

[* Snow White *]

حدكم مكبرين المواضيع واللي تقول البنك ماياخذ خبره ومعطين البنك اكبر من حجمه ترا عادي حده!!

انا موظفه سابقه دبلوم تأمين
وحتى اهما ماياخذون عالتخصصات! عندنا بنات هندسه، وجرافيك ديزاين وغيره اللي ماله شغل بالبنوك
ياخذون عالشهاده .. دبلوم او بكالريوس بس! ومايبيلها واسطه وعباله كلش

انا راتبي الاساسي كان ابنك بوبيان 460 ودعم العماله 389
قدمت عالوطني هم نفس الشي بس الاساسي كان 400

ودوام انتي وحظج لاتفكرين انج بتقعدين بفرع ثابت، لا طبعا، راح تحوشج تنقلات

يعني الافرع السكنيه دوامج بيصير من 8 ونص لي الساعه 3 العصر
بس التواجد قبل الساعه 8 ونص لان الساعه 8 ونص يفتحون البوابه حق العملاء

والافرع التجاريه من الساعه 9 الصبح لي الساعه 1 ودوام عصر من الساعه 5 لي الساعه 7

وماله شغل دوره مادوره الدراسات المصرفيه شكوو! لول
دورتج تكون بالبنك اللي انتي مقدمه عليه ، دورتي مع بوبيان كانت شهر واعتبرها دوره فاشله لان للحين الموظف ماتمكن
ودورة الوطني رائعه 6 اشهر

الدوره تكون عباره عن كلاسات "محاضرات" طبعا تروحين الرئيسي
ويعلمونج كل شي من الصفر وخدماتج وشتسوين ويعلمونج بالدوره عالسيستم وشلون تستعملينه
بعدين يوزعونج عالفرع وتباشرين شغل وبس

وفترة التدريب من الساعه 7 ونص الصبح لي الساعه 3 العصر، ومرات يطلعونكم امبجر
والتدريب كله يكون بالرئيسي .. داخل مع الموظفين والادارات .. بس اكو قسم للتدريب
واللي يدربونكم، ناس لها سلطه بالبنك يعني واصله وكبيره او انهم اييبوون ناس خبراء بانكرز من برا
وعلى فكره ترا التدريب يدفعون حق كل موظف مبلغ حق اللي بيتدرب، يعني انا لما قدمت استقالتي
قالو لي حراام عليج احنا دافعين كل شي لج وماكملتي ويانا وايد اخير شي صدمتيني مع انه شغلج زين لول حرام اكسرو خاطري
بس والله طلعت من الظروف اللي حاشتني .. والله كريم ان شاءالله خيره لي ، والله يوفقكم كلكم

 

[mayosheh]

sno white 7abibti please can u help me ana tawni metkharja men el american university w takhasosi finance and banking tamwel w bnok bas ma 3andi khebra w wayeeeed eni atwazaf please if u know any body can help me in bank aw shlon aghadem ghollili khosasen ena bank bobyan ma 3ndohom gher online w thx bas 7arram 7asafa tela3ti w inshallah zorofech tet7asan

 

[mayosheh]

up up