منو عندها معلومه عن تكملة الدراسه بعد الدبلوم الله يجزاها الف خير

[المستقيمه]

السلام عليكم ورحمة الله وبركاته

بنات حبيت اسالكم اذا عندكم خبره عن تكملة الدراسه

بعد الدبلوم

اقدر اكمل دراسه بالجامعه والا لا

مع العلم اني خريجة معهد السكرتاريه بمعدل 4 نقاط

تكفون اللي عندها معلومه لاتبخل علي فيها لاني حيل احاتي

لان بالمعهد قالولي اللي معدلها 4نقاط تقدر تكمل بس سنتين

بشرط ان تكميلي لتخصصها يعني اداره بكلية العلوم الاداريه

صج هذا الكلام والا لا​

 

[المستقيمه]

معقوله محد عنده خبر

الله يجزاكم خير

اذا ماتعرفون شي ارفعولي الموضوع بدعوه حلوه مثلكم

 

[Babystyle]

عسى الله يوفقج وينورلج دربج يااارب

والله ماعندي اي معلومة ,, بس ,,

لعيوونج up

 

[المستقيمه]

اسال الله لج الفردوس الاعلى انشالله

وماقصرتي

كفايه طلتج

 

[ألماس q8]

والله ياليت اللي يعرف يفيدنا

بس اكيد بتلقين الجواب الشافي عند التعليم العالي

روحي وكلميهم واخذي معاج شهادتج الاصليه ومستنداتج أكيد مليون بالميه بفيدونج

 

[غناة الروح]

حبيبتي انا معاي دبلوم ومتوظفه فيهااا والحين قدمت عالجامعه العربيه وقبلوني بس المعادله للحين ما اعرف عنهااا شي بروح اسال واوديلهم شهادتي بداية الكورس واشوف شيصر....بس مادري عن الجامعات الثانيه وطريقتهم بالقبول ...اذا تبين الجامعه العربيه لازم تكونين موظفه وعندج خبره 3او 4سنوات .
والله يوفقج

 

[lojel]

اي في بنت من المعهد حولت لنا وراح تقعد 3 سنين بس بكليه العلوم الأجتماعيه لانها تبي تصير اخضائيه روحي ساليهم عادي يقولون لج
وانشاء الله موفقه حبوبه يارب امين

 

[جنتي^و^ناري]

حرام على معدلج كملي دراسة بتخصص مرغوب و الله يوفقج

ليش ماتقدمين اتكملين بعثه عن طرق التطبيقي ؟

 

[~ Spoil Girl~]

روحي سالي معدلج ممتاز حرام يضيع علي دبلوم انصحج تكملين

 

[ATOoOMA]

اي حبوبة تقدرين تكملين مدام يايبة معدل قوي

تقدرين تقديم في جامعة الكويت وبعد تقدرين تقدمين في البعثات الداخلية الي اهيا جامعة الامريكية والخليج وجذي بس تكملين على تخصصج عشان يتعادل السنتين
موفقه

 

[أم حمد =)]

انا رفيجتي كانت بمعهد تجاري خذت دبلوم .. تخصصها كان اداره ..

تخرجت والحين قبلوها الجامعه المفتوحه لان معدلها ماكان عالي تخصص ادارة اعمال وبنفس الوقت تشتغل ..​