منو طبقوا بمدرستهاا قانون المعاقين وتخفيض ساعات العمل؟؟؟

[@سيدة نفسي@]

أبلات الموضوع باين من عنوانه

منو تطبق عندهم القانون ؟؟ والدوام للمستفيدات من القانون صار للساعة جم؟؟

وشنو الاجراءات اللي لازم الوحدة تسويهاا عشان تستحق التخفيض؟؟

ناطرة تفاعلكم على أحر من الجمر ...

 

[ماعرفتك زين!!]

رد : منو طبقوا بمدرستهاا قانون المعاقين وتخفيض ساعات العمل؟؟؟

هلا حبيبتي
انا مدرسة بروضه ورفيجتي عندها ولد معاق ف جابت اوراق وجذي من المجلس مال المعاقين وقامت تطلع كل يوم من الدوام الساعه 10 ونص
بس شنو جابت وشنو سوت والله ماادري اذا تبين اسالها لج من عيوني بس ذكريني بكره لان الذاكره عطلانه لووووووول

 

[@سيدة نفسي@]

اي والله حبيبتي سإليهااا الله يرضى عليج .. يعني من جابت أوراقهاا تنفذ القرار على طوول

هذا اللي أبي أوصل له ..بعدين الروضة دوامهم للساعة 12ونص عشان جذي طلعت مبجر

 

[ماعرفتك زين!!]

رد : منو طبقوا بمدرستهاا قانون المعاقين وتخفيض ساعات العمل؟؟؟

اي ادري اننا نطلع 12 وثلث انا قلتلج جذي عشان اذا تطبق القرار عليج تحسبين من وقت دوامج فهمتي حبيبتي
ورفيجتي من جابت الورقه ووقعت عليها الناظره قالتلها تقدرين تطلعين من اليوم
وحاضر ان شا الله بسالج باجر واردلج خبر

 

[nice word]

رد : منو طبقوا بمدرستهاا قانون المعاقين وتخفيض ساعات العمل؟؟؟

انزين الراتب نفس ما هو ما يتغير منه شي يعني ما يخصمون منه شي

 

[ماعرفتك زين!!]

رد : منو طبقوا بمدرستهاا قانون المعاقين وتخفيض ساعات العمل؟؟؟

والله ماعندي فكره بسالكم باجر واردلكم خبر

 

[@سيدة نفسي@]

الله يجزاج خير ياحبيبتي اسإليهاا وبلغينااا لأني بموووووووووت

من الدوام والعلل اللي بالادارة الله لايراويكم حشا صايرين نداوم بثكنة

عسكرية ومديرتنا المساعدة صايرة علينا مقدم ركن طيار حربي

الله لايبلانااااااا هههههههههههههههههههههه

 

[ماعرفتك زين!!]

رد : منو طبقوا بمدرستهاا قانون المعاقين وتخفيض ساعات العمل؟؟؟

السلام عليكم
اختي سالتلج رفيجتي اليوم تقول لازم تجيب ورقه من مجلس المعاقين حق ولدها وميلادية الولد وتطبعين النموذج رقم واحد من السكرتاريه بالمدرسه وكل هالاوراق تودينهم المنطقه
تقولج انتي راكضي فيهم بالمنطقه لان الطلب بينام عمدهم وماراح يسوونه لج اذا ماراكضتي باوراقج والله يعينج
بس اهيا تقول بسرعه خلصتهم وتقول لازم تجيكم نشره بهالخصوص ماادري جتكم ولا لا
لاتنسيني من الدعاء عفيه

 

[@سيدة نفسي@]

الله يجزاج خيييير ياقلبي ويرزقج رزق واااااااااااااااسع من حيث لاتحتسبين

ماااقصرتي حبيبتي ... زوجي ماخذ تقاعد طبي

وان شاءالله يحق لي أخفض ساعات العمل ...

 

[ماعرفتك زين!!]

رد : منو طبقوا بمدرستهاا قانون المعاقين وتخفيض ساعات العمل؟؟؟

خياج الله حبيبتي واذا تبين انا حاضره اسالها لج
لاتنسيني من الدعاء اللي بتوقيعي ابيها بظهر الغيب احسن>>>طماعه

 

[ماعرفتك زين!!]

رد : منو طبقوا بمدرستهاا قانون المعاقين وتخفيض ساعات العمل؟؟؟

حياج الله حبيبتي واذا تبين اي شي انا حاضره اسالها لج
لاتنسيني من الدعاء اللي بتوقيعي ابيها بظهر الغيب احسن>>>طماعه:tomato2::tomato2:

 

[كدكد]

:

حبيبتي

القرار وصل لكل المدارس ..نزل من ديوان الخدمه بتاريخ 9/10 وينفذ

فإذا عندج ولد معاق أو زوج فيه أعاقه ( متوسطه أو شديده ) .. لج ساعتين يوميا

تبينها ساعه الصبح وساعه نهايه الدوام .. تبينها ساعتين الصبح .. تبينها ساعتين نهايه الدوام

أنتي بكيفج

والاوراق المطلوبه

شهاده من المجلس الاعلى للمعاقين تقدمينها مع طلب موجود بالمدرسه وتوقعه الناظره ويروح مع المراسل ..

والناظره خلاص غصبااا عليها تطلعين

وسلامتج

 

[@سيدة نفسي@]

الله يجزاج خيرياكدكد ويرحم والدينج الحي منهم والميت الله يغفر له ويوسع مدخله آآآآآآآآمين

الحمدلله بنات طمنتوني وان شاءالله الاسبوع الجاي براجع بالأوراق المطلوبة ..

 

[عاالية]

رد : منو طبقوا بمدرستهاا قانون المعاقين وتخفيض ساعات العمل؟؟؟

الاعاقه البسيطة ما لاهلهم ساعتين الله يكبر حظج؟

 

[@سيدة نفسي@]

شوفي بالنسبة للأم أعتقد مجرد الاعاقة سواء بسيطة أو شديدة تعطيهاا الساعتين

واذا بتتأكدين أكثر شوفي قسم الاحتياجات الخاصة حاطين

القانون هناك ...

 

[مطير عز علي عز]

طبقوه في مدرستنا

الطلعه 12 الظهروالحضور 8 الصبح

يعني نص ساعه الصبح وساعه ونص الظهر

ومايبون الا الميلادية وشهادة الاعاقة والمعاش ماله دخل يعني مايخصم ولا فلس

 

[مطير عز علي عز]

اي نسيت الاعاقه لازم تكون متوسطه وشديدة

بعض الناظرات نحيسات اللي اعاقه بسيطه مامشوها

يعني عشتو ماشي علي القانون واتوقع اذا الزوج لازم شهادة الزواج

 

[عاالية]

رد : منو طبقوا بمدرستهاا قانون المعاقين وتخفيض ساعات العمل؟؟؟

ليش ما يمشونها الاعاقه البسيطة لولدي تخلف عقلي يعني يبيلي تخفيف عشان اجابله
حسبي الله ونعم الوكيل

 

[مطير عز علي عز]

الله يشافيه ان شاء الله

بس والله انا ولدي اعاقة شديده

ويوم نزل القانون اول سؤال اسالتني الناظره شنو اعاقته بسيطة ؟؟

ويوم قريت القرار عرفت ليش اسالت

مااقول الا حسبي الله ونعم الوكيل

 

[local]

رد : منو طبقوا بمدرستهاا قانون المعاقين وتخفيض ساعات العمل؟؟؟

شهادة المجلس الاعلي للمعاقين حدد الاعاقة
والناظرة عليها توقع والوزارة تاخذ برايها أو لا
بس الأكيد أن الورقة اللي تكتبين عليها الطلب محدد عليها المواعيد
ساعة بداية الدوام يعني تحضرين المدرسة 8 مو 8ونص
ساعة نهاية الدوام 1 مو 12 ونص
والباقي حسب المرحلة الدراسية