منو ضعفت على الرياضة ؟؟؟

[دلوول 2006]

بنات عفيه منو فيكم ضعفت على الرياضة

وشكثر المدة

وجم كيلو

وشنو رجيمها


بنات فيدونا بتجاربكم


وشكراااااااااااااااااااااااااااااا​

 

[سرقت النوم]

آنا

ضعفت 6 كيلو

ماكو رجيم محدد بس كثر ما اقدر اخفف

يعني الريوق بيضه مفيوحه يوم مع الزيت و خياره و زيتون و عصير او شاي

او كورن فليكس بصحن الشوربه مع حليب خالي الدسم و برتقاله او تفاحه

او جبن فيتا بنص خبزه لبناني و قلاص عصير او كوب شاي

هالحجي قبل الساعه 9 بعد الساعه 9 ماكو اكل بس عصير او شاي

الساعه 2 الغدا
شنو طابخين آكل
اذا دياي صدر ديايه مع خس و نص خبزه لبناني و كتشب و مايونيزو سلطه و سفن
اذا لحم شوية لحم مع 6 ملاحق عيش و شوية دقوس وسلطه
احيانا شوربه خضار جزر و بطاط
و احيانا سلطة سيزر


العشا يكون عالساعه 8 ...

هم خفايف أو مشويات و احيانا تهفني نفسي على ماك آخذ اي وجبة اطفال

طبعا في تغيرات على حسب و في يوم راحه بالشهر ... أخرب الدنيا لوووول أهم شي فرابتشينو وااااي ستار بكس عذابي
بالنسبه للرياضه

كل يوم من الساعه 4 غلى الساعه ست مشي ... يعني ساعتين بالضبط آنا وولدي و بنتي ولدي بالقاري و بنتي بدراجتها ادزها و اتمشى...

عقبها ارجع البيت آخذ شور حلو و اقعد مع العايله
طبعا شغل البيت يعتبر رياضه لأن ما عندي خدامه

 

[عسووولة]

ليش ساعتين رياضة ؟؟

 

[maryooma]

تدريييين!!! والله العظيم انا كنت اسوي ريجييييم عادي موزووود حرماااان في أكل انا حاطته اهني اب قسم السمنة والنحافة الي ينزلج 12 كيلو بالشهر!!!! و كنت كل يوم امشي لبالضبط 50 دقييقة وماسوي ولا رياضة والله ماتصدقييييييييين شنو جسمي صاااار ايننن والله العظييييم فخوووووذي تسلبت و طلعلي خصر و صدري صغر كل شي فيني تسلب!! مشيت لمدة شهر كل يوم كل يوووووووم 50 دقيقة!!!
طعيني!!

 

[دلوول 2006]

مشكورين على الردود
بحاول أجرب المشي قبل لا اشترك بنادي
بس زين ان قدرت ساعه والا ساعتين صعبه علي

 

[عنادي قطر]

انا اذكر مره استمريت شهرين اخفف وامشي كل يوووم ساعه مشااء الله كان جسمي عجيب
الحين بعد الولاده ماساه اسوي رجيم ولا راضي ينزل كيلو!!

 

[د-سوسه]

الي جربته برياضه اني استمريت عليها 45 دقيقه من من2-3 مرات بالاسبوع ماكملت شهرين الاوتغير جسمي حييل وكلما احد شافني قالي ضعفانه وجسمج متغير ..بس الميزان مانزل بلكيلو حيل الي شي يتلاحظ لكن الفرق بالمقاسات والجسم عجيييب

 

[Pretty Petite]

انا عن نفسي مع الرياضة ما اضعف لو شنو بس جسمي يصير حلــــو

أموت بالرياضة (آيروبكس-يوغا-سالسا اكسيرسايز-وييت).. تعدل النفسية.. تخليج نشيطه.. تعدل جسمج.. بس مشكلتها انها تفتح نفسيتي على الاكل

كنت العب ساعة الى ساعتين يوميا بس حاليا موقفة الرياضة لظروف معينة

المشي ممل بالنسبة لي بس قايله من اليوم ببلش امشي لاني ماقدر العب رياضة قوية

 

[Pretty Petite]

دلول

انا انصحج ضعفي مع مشي وعقب ما توصلين للوزن المطلوب لعبي رياضة وشوفي نفسيتج اشلون تصير والجسم صج يتعدل

بس اذا هديتي الرياضة يرد الجسم مثل ما كان

 

[الدرب الصعيب]

انا استمريت على المشي شهرين بس مو بنتظام يعني اربع ايام بالاسبوع مثلا نزلت سته كيلو والكل لاحظ على جسمي انه انشد وانرسم بس اااه من الكسل يعطل كل نجاح

 

[موزة ام فارس]

امشي بالحوش أو اركض مع ولدي

واخفف اكل

 

[ريمانيا]

تدريييين!!! والله العظيم انا كنت اسوي ريجييييم عادي موزووود حرماااان في أكل انا حاطته اهني اب قسم السمنة والنحافة الي ينزلج 12 كيلو بالشهر!!!! و كنت كل يوم امشي لبالضبط 50 دقييقة وماسوي ولا رياضة والله ماتصدقييييييييين شنو جسمي صاااار ايننن والله العظييييم فخوووووذي تسلبت و طلعلي خصر و صدري صغر كل شي فيني تسلب!! مشيت لمدة شهر كل يوم كل يوووووووم 50 دقيقة!!!
طعيني!!

حبوبة بكلف عليج اذا تقدرين ع الخاص تطرشين لي نظام الاكل و هل يمشي مع جميع الاعمار و فصائل الدم

 

[بمبة المفترسة]

ابدي امشي ثلث ساعة وشوي شوي بالتدريج كل اسبوع زيدي 5 دقايق زود بتوصلين لي ساعة وماتحسين بعمرج
والرياضة تضعف وتربي عضلات وتخسرج الدهووون
يمكن مايبين بالميزان بس يبين بمقاساتج ولبسج

 

[مشاعر أمرأه]

صاجه والله مايعدل الجسم الا المشي

 

[السقوط إلى الأعلى]

انزين بنات انتو تمشون مشي عادي ولا سريع ؟ انا امشي على بيض بس يقولون المشي البطيء ماياثر صج هالكلام ولالا؟ ولا لازم اركض؟ انا وووودي اركض بس انا بممشى عام ماقدر اركض

 

[ازهآر]

هلا رشيقات
انا ضعفت على المشي بان بصدري وفخزذي وخصر كل من شافني قالي ضعفتي وقطيت ملابسي واللحين ماعندي ملابس طراره محتاره اب ياشتري بعد 15 كيلو وكنت اشتري منبين فتره وفتره مقاس اصغر ولبستهم
نزلت 18 ب6 شهور مده طويله بس ادلع نفسي ولااحرم من شي اخربط وارد امشي ساعه ومرات ساعه ونص وبديت ربع ساعه وبعدها نص
واحلى شي السريع العرق على كيف كيفك ولاتمشين بروحك خذي معك وحده تسولفين وتضحكين وماودك تجلسين بس اسوي اشويه رياضه الصباح ربع ساعه اونص بس مودايمااركز على المكان الزايد