منو صار معاها اللي صار لي وطلعت حامل

[دلوعة خالد]

السلام عليكم ورحمة الله وبركاته



موضوعي باختصار أنا حمالي عزيز الحمد الله على كل حال ووقت الدورة أكلت أعشاب عشان الحمل وحدة مرة تسويهم ووقت التبويض حصل جماع علي فترات وآخر يوم للتبويض حصل أيضاً جماع بس نزل معاي دم كرمكم الله بس مو دم دورة نزل كمية مثل الجرح وبعدها صار لونه فاتح خفيف بس لما امسح يكون فيه وبعدين وقف معاي بس علي اربع خمس ايام تقريبا ينزل معاي بين كل وضوء وترك يكون معاي مخاط خفيف لونه ابيض معه بني وبعدها نظفت مافيني شي والحين متأخرة علي الدورة 4 ايام وسويت تحليل منزلي وتحليل دم مافي حمل مع العلم انه دورتي مضبوطة ماتتاخر علي منو صار لها نفسي وطلعت حامل.


بليز ابي منكم رد علي ودعاء والله يرزقني ويرزق كل وحدة تبي بالذرية الصالحة يا كريم.

 

[الله يعيني]

الله يرزقج الذرية الصالحة

 

[دلوعة خالد]

اللهم آمين جزاچ الله خير

 

[أملي بعد الله]

آآآآآآمين ياحي ياقيوم الله يرزقج ويفرح قلبج في الشهور الياية اللـهم آمين

أنا أفضل تسألين دكتورة في هالموضوع .. لأنه في عدة احتمالات عن هالدم

يمكن يكون إستحاضة وهذي مو مثل الدورة زي ماقلتي دم يختلف عن دم الدورة

أو يكون حصل لج جرح في المهبل

أو ممكن يكون حمل

ماتدرين شنو أسبابه

إنتي نطري 10 أيام وردي حللي دم والله يفرح قلبج وكل منتظرة اللهم آآآمين

 

[! بــدويه وآآيــد !]

،


عسى الله يرزقج يارب وتطلعين حامل

ماعندي خلفيه بس حبيت ادعي لج

 

[ديانا سبنسر]

حللي هرموني يبين بسرعة

 

[لبااابه]

الله يرزقج بالضنا الصالح

 

[ام الحلوااات]

نـــطــــري جــــم يـــــوم وحـــلــلـــي وان شـــــــــــــآء اللــــه حــــــــــــامـــــــــــل يــــــاااارب

 

[ملاك ^ الحب]

حبيبتي يمكن يكون لخبطه بالهرمون

روحي عند اي دكتور وخليه يسجلجتحليل هرمون عشان تشوفين يمكن مرتفع عندج

 

[حرم_الغلا]

الله يرزقج ياارب وتكونين حاامل

 

[دلوعة خالد]

الله يجزاكم خواتي خير علي الرد وعلي الدعاء والله كريم أنا بنتظر ١٠ايام وبعدها بسوي تحليل هرمون والله يكتب لي اللي فيه الخير (اللهم قنعني بما رزقتني وبارك لي فيه وأخلف علي كل غائبة بخير).

 

[جمالي مو صج]

اناصار معاي جذي بيوم ١٩ من الدوره نزل خيط دم وبعدين افرازات بنيه لكده ٣ ايام واليوم حللت طلعت حامل الفال لج يارب

 

[أبكاني ذنبي]

الله يرزقج بالذريه الصالحه ويرزق كل من يبي يااارب

ماعندي علم بس برفع موضوعج


اب

 

[ابدا يالغالي مانساك]

انا صااار ويااي بس يووم واااحد ونقطة دم خفيف
طلعت حااامل ​

انتي دامهاا متاخره ومو من عوايدهاا حللي هرموني ويبين
ليش تنطررين 10 ايااام
لان ا1ذا كان حماال تلحقين نفسج وتاخذين مثبتااااات ​

 

[دلوعة خالد]

مشكورين حبايب قلبي علي الرد الحمد الله على كل حال اليوم نزل معاي دم كرمكم الله ومادري چنه الدورة بس لونه افتح شوي من لون الدورة الله العالم بس اتوقع دورة الحمد الله والشكر ويتمم على كل وحدة الله رزقها ويرزقنا كلنا يارب.

 

[خشف الرشايده]

ان شاء الله حامل

الله يرزقج بالذريه الصالحه

 

[HABOOOON]

ان شاء. الله حامل وتبشرينا :eh_s(17):

 

[دلوعة خالد]

اللهم آمين حبايبي الله يجزاكم كل خير يجعل دعائكم في ميزان حسناتكم.

 

[المتميزة*]

يارب لاتحرم حد من الانجاب. انزين عفية بنات باسألكم لو نزلت الدورة يومين عادي ممكن يكون حمل ؟

 

[عروس الحب]

حبيبتي الله يرزقج بالقريب العاجل
بس افتكي من شي اسمه ادويه حريم والله ماوراهم الا التجاره وماعندهم الا خراب الرحم لاتصدقين ولاتلعبين بعمرج وخلي الي صارلج درس وتحرصي من الاعشاب الي ماتدرين شنو فيها