منو صارفيها جذي

[كوكا كولا زيرو]

قوة بنات اشلونكم شخباركم



بنات انا ابي احمل بس الله ما كتب لي ، العام رحت حق فوزيه القطان وعطتني ابرة وقبل لا احلل بيوم نزلت علي ، والحين انا اعالج عند احمد الانصاري وعطانا علاج والمفروض الخميس اسوي تحليل بس انزلت علي الاربعا الحمد الله على كل حال

بس اللي ابي اسال ليش جذي يعني هذي ثاني مرة عفيه بنات منو صارلها مثلي وعقبها حملت والا لأ وشنو علاجها والله يا بنات ضايقه فيني الدنيا لاني ابي احمل واييب اخت حق بنتي

 

[daloola]

ليش مستعيله على رزقج؟
صبري ....والحمدلله عندج بنت يعني مافيج شي
بس التأخير هذا أكيد له حكمة
بعدين لا تفكرين وايد وادعي ربج انه يرزقج الذرية الصالحة

 

[lailalaila]

ا عمري حاسه بلهفتج على الضنى و ترى هذا طبيعي بس عسى ربي ما يخيب ضنج و يرزقج عاجلا و ليس اجلا الذريه الصالحه

 

[كوكا كولا زيرو]

مشكورين على الردود

دلوله انا بنتي عمرها 4 سنين ومتلهفه على ضنى لان عندي بنت جماي كل يوم يقطونها عندي علشان امها مداومه وانا اللي اشيلها واغسلها وارضعها فولهت على الضنى


ليلى تسلمين حبوبه والله يقومج بالسلامه ان شاء الله

 

[Lemona]

انا ناعندي خبره
بس حبيت ادعي لج بالذرية الصالحة يارب
لا تتحبطين و كملي انشالله الله يرزقج اللي في بالج

 

[شغشغش]

و الله والله لا تفكرين راح تحملين ونصيحه حتى لو مو متينه سوي رجيم تحملين على طول

 

[كوكا كولا زيرو]

ليمونه تسلمين يا بعد قلبي ويوفقج يا رب

شغشغش تسلمين حبوبه وانا سويت ريجيم بس الله ما كتب لي وانا ما افكر الا في بنتي اييب لها اخو او اخت يونسها لانها حيل كاسره خاطري
وتسلمين على مرورج

 

[بعيدة الدار]

الله كريم
وان شاء الله ربي بيرزقج قريب يارب

 

[farawlaa1]

انا يا عمري نفسج راجعت عند فوزية القطان و سويت تلقيح مرتين غير ابر الكلوميد و التفجير اللي قبل كل هذا ولعبوا فيني لعبببب بس ما ظبطت معاي مع اني انا وريلي ما فينا ولااااااااااااا شي والدكاترة كلهم مستغربين و ظليت 5 سنين ما ايب عيال بعدها سمعت كلام خالتي و رحت حق واحد فتحلي التابعه و حملت نفس الشهر من غير طبيب و لمن راجعت الدكتورة استغربت حدها.. والحين على حمالي الثالث صارلي نفس الشي بالظبط سنه ما حملت حاولت كلشي و رحت فتحت التابعه مرة ثانية و الحين انا حامل توني من شهر.. الكل كان يقولي انتي حمالج عزيز بس انا ادري في روحي فيني شي مظايقني

 

[fatma]

الله يرزقج بالذرية الصالحة يارب

 

[كتـ زوجي ـكوته]

قولي الحمدلله انا كنت احمل واجهض صج كان تعب بس الحمدلله

 

[قمرهم-كلهم]

حبيت ادعي لج بالذرية الصالحة يارب

 

[WaChoCha]

الله يرزقج حبيتي من اوسع ابوباه ويعطيج الذرية الطيبة
بس حبيبتي اذا انتي ضايقة فيج الدنيا احنا المحرومين شنو نقول ..... خليها على الله سبحانه والحمدلله ربي رزقج بنوتة الله يحفظها وان شاء الله تبشرينا بحملج قريب من غير علاج اللهم آمين

 

[eng.q8]

الله كريم
وان شاء الله ربي بيرزقج قريب يارب

 

[miss-sarona]

الللللله يرزق الجمييييييييييييييييع ويرزقني وياكم يا رب العالمييييييييييييييين

 

[ايمانو حلوة]

الله يرزقج ويرزق كل محرومة انشالله

 

[كويتيه مذهله 87]

الله يرزقج ان شالله

خليها علي الله

سوي تحاليل مره ثاانه يمكن فيه شي شلغه بسيطه هي الي مو مخليتج تحملين

 

[faro7a_el7elwa]

الله يرزقج إنشاء الله ويرزقنا أجمعين

 

[كويتيه مذهله 87]

انا يا عمري نفسج راجعت عند فوزية القطان و سويت تلقيح مرتين غير ابر الكلوميد و التفجير اللي قبل كل هذا ولعبوا فيني لعبببب بس ما ظبطت معاي مع اني انا وريلي ما فينا ولااااااااااااا شي والدكاترة كلهم مستغربين و ظليت 5 سنين ما ايب عيال بعدها سمعت كلام خالتي و رحت حق واحد فتحلي التابعه و حملت نفس الشهر من غير طبيب و لمن راجعت الدكتورة استغربت حدها.. والحين على حمالي الثالث صارلي نفس الشي بالظبط سنه ما حملت حاولت كلشي و رحت فتحت التابعه مرة ثانية و الحين انا حامل توني من شهر.. الكل كان يقولي انتي حمالج عزيز بس انا ادري في روحي فيني شي مظايقني

شوفي الخااص حبيبتي

ضروووري:tek:

 

[دمثة]

الله يرزقج