ترى غلطان اللي يقوليج 3 ولا 4 جلسات و يختفي
لالالالا
مو جذي
الليزر طريقته شنو..؟؟
الشعر الكثيف الخشن و
الغامج
هذا اللي يبين مفعول الليزر عليه بصورة كبيرة و سريعة
كل ماصارت الشعرة يبرة و ثقيلة و سودة كانت استجابتها لليزر اكثر
الليزر يخلي الشعر يخف عن قبل
و بدل ما تشيلين كل اسوبع تشيلين كل شهرين مرة..!!!
مثلا
انا شعر ريولي حيل خشن و اسود و شعر فخذي انعم و افتح و صاير جنه وبر
ريولي اي اسويها و النتيجة بينت من اول جلسة
اول كنت كل اسبوع اشيل شيرة و بنص الاسبوع يبدى الشعر يطلع
الحين سويت تقريباً 8 جلسات حق ريولي و الحين صارلي 5 شهور ما رحت سويت ليزر..!!
مو الشعر ما طلع
لا طلع
بس حدددددددددده خفيف ما يبين وايد مثل قبل و يصير فاتح
و هذا الغرض من الليزر
انج ما تشيلين شعرج وايد
بس شعر الفخذ ما ينفع اشيله بالليزر
لانه وايد ناعم و فاتح
الليزر مراح يشوفه عشان يضعف ظهوره
اما المنطقة الحساسة.. في اماكن قام ما يطلع خير شر..!!!!!!!
و في اماكن يطلع خفيف و يطول على ما يطلع..!!
يعني تتخيلين يصير لج 4 شهور ما تشيلين المنطقة الحساسة...؟؟؟؟؟؟؟؟؟؟؟؟؟؟؟؟؟؟؟؟؟؟؟
انا ما كنت متخيلة ان النتيجة تهبــــــل جذي
بس و الله العظيم صارلي الحين 3 شهور و نص و الحالة 10 على 10
في شعر صغير من تحت هو بس اللي يطلع و اشيلة بالمكينة
مثل ما قلت لج
انتي بالبداية راح تسوين كل شهر
بعدين كل شهر ونص
بعدين كل شهرين ولا كل 3 شهور
على حسب استجابة جسمج لليزر
يمكن عقب 10 جلساتيبين عدل
بس صج مريح و يستااااهل
بس اذا انتي اساسا شعرج خفيف و فاتح لا سوين لانه مراح يفيدج
