منو سوت عمليه تجميل ..وضع شامه

[الدلوعه]

سلام عليكم

بنات ودي اسوي لي شامه على خدي ومتردده
ومفكره اشويها ست شهور ك بدايه

اللى سوت لها تقدر تفيدني وهل لها اضرار جانبيه او لا
ومنو الدكتور اللى سواها لها

 

[حجيه هيونه]

<-- ماعندها فكره

بس اب لعيونج

 

[foshia84]

انا حاطه شامه بس مو اهني سويتها في دبي بصالون جويل
فوق شفتي والله حلوه وناعمه جنها طبيعيه واصغيره
اهني في الكويت ماعرف احد ايسويها

 

[أحب أمي]

الشامه شنو يعني تاتو؟

 

[العجيبة]

واي اختي بصراحه نفس السؤال الي في بالي انا ادري عمليات التجميل حرام بس استغفرالله من كثر ماودي بحبة خاله على ويهي فكرت اسوي زراعه يمكن تكون مو حرام يعني يشيلون حبة خاله من ايدي مثلا وحطونها في ويهي >> حدي راهيه .... مرة قريت سالفه ريال سعودي سوا جذي بس دفع مبلغ واااااايد كبير ...

 

[يا لون المطر]

اب


اب

 

[نغم الخلود]

[وليه عملية تجميل وخرابيط انا اذا بغيت شامة حطيت دوج اللي ينباع بالحواج يومين ويروح واحط مرة ثانية[/b][/b]

 

[الدلوعه]

واااااااى ميته واحط لي شامه

تدرون طلعت لي حبة فوق شفتي تجنن راحت الحبه وظل الاثر وشكلها وااااااايد حلو على ويهي
لدرجه كنت ماشيه بالسوق وحده وقفتني تقول لي شامتج وايد حلوه ومحليه ويهج ومادري شنو



ودي احط لي شامه ساعدوني بناااااااات

 

[الدلوعه]

شااااااااااااامة


شاااااااااااااااامة


شاااااااااااااااااامة

رحت حق صالون قالو يحطون لي تاتو بخمس دنانير و شفت وحده مسويه عندهم بس صاير لونها على اخضر ييييييييييع
قلت اخاف بعد جم شهر تصير على اخضر يا فضيحتي ساعتها

 

[الدلوعه]

رد : منو سوت عمليه تجميل ..وضع شامه

اب

اب

 

[غلاي عزوزي]

الشامو مو عملية تجميل هذي تاتو اختي مسويتها بس اقلبت الشامة خضرا جنها دقة عراقيات دربالج تري حرام

 

[FdeT LmoSa]

ما عندي فكره

اب

اب

 

[BaTTy]

ديري بااالج ترى التاتو يقلب اخضر :\
و اصلا حرام
حطي نقطة حكل عن خاطرج و بس :>

 

[مراسي الشوق]

اممم الله يخلي الكحل حطي نقطة كحل سائل باي مكان تبينه وبس لووووول

 

[العجيبة]

[وليه عملية تجميل وخرابيط انا اذا بغيت شامة حطيت دوج اللي ينباع بالحواج يومين ويروح واحط مرة ثانية[/b][/b]

اختي لو سمحتي شنو هذا دوج ؟؟؟ وشكرا

دلوعه ... انا مرة قريت بالنت عن واحد سعودي سوه عملية حق حبة الخاله شالها من مكان بجسمه وحطه في ويها فأعتقد ماكو حل غير هذا .. وانا بصراحة ودي حيل أسأل عن هالشي ،، يمكن تصير ليش لا

 

[ليتني مـآ كبرت]

ماعندي فكرة ياقلبي

بس أذكر رفيجتي فعلا تجيب حنا سودا اللي قالت عنه الأخت (دوج) و تسويلها شامة

و الدوج اهو نفسه اللي يحطونه على الأظافر إذا تعرفونه

 

[رووز q8]

اقولج شي وماتنصدمين ..!!

قبل جم سنه رديت من المدرسه وفبالي تطلعلي شامه فوق حلجي جان اخذ قلم اسود الي يكتبون فيه وارسم مكان الشامه واليوم الي بعده حطيت منه والحين صايره شامه ما راحت بس سمعت انه يسوي امراض وسرطانات اللهم يكفيني الشر


جربي ترسمين بقلم سائل واختاري المكان الصح واذا اوكي هاتي الدوج الي ينحط ع الاصابع الاسود وحطيه ع القلم الي رسمتيه ما يتغير لونه ويظل معاج من ثلاث ايام الى خمسه



< تعبت وانا اقرقر لوووووووول

 

[والله احبه]

ابي اذكرج بالحديث لعن الله الواشمه لاتقولين تاتو وموقت مش عارف كله يدخل من باب الوشم وسوي سريج بالنت ودشي ع الفتاوي وشوفي

من باب النصح فقط وليس لتهجم اتمنى تتقبلين نصيحتي

 

[Queen of Roses]

الكحل السايل مشكلة ساعات يسيح أو يتلطخ