منو سوت عملية ليزك لعيونهااا ؟؟؟

[رمانة الكويت]

مرحبا

​

شلونكم كويتيات

​

انا ناوية بعون الله اسوي عملية ليزك لعيوني لاني حتاجتهااا حيل .. نظري ضعيف ولما اسوق بليل يالله اشوف الطريج ...
​

قبل سنة سويت فحص عند سامي الربيعه وقال لي تحتاجين ليزك باسرع وقت ..
​

حبيت استفسر من اللي سوت ليزك عند سامي الربيعه او غيره تفيدني باي شي ..

​

ومشكورين مقدمااا ...​

 

[بنفســـــج]

سوري ما اعرف الدكتور سامي لكن يمدحونه

وانا مسوية الليزك من 5 سنوات والحمد لله

وخواتي الاثنين سووه من شهرين بالسلام والحمد لله تمام

يعني توكلي على الله اللزك ما يخوّف ولا له مشاكل إن شاء الله ودام انتي مع دكتور شاطر لا تترددين وتخلصي من النظارات وأذاها

ربي يكتب لج الخيرة يارب

 

[كشموووشه]

صباح الخييييييييييييير
انا مومسويه لكن بقولج عن الناس اللي سوو
الله يسلمج 2 من اهلي واخوي سوو من 7 سنوات تقريبا عند الربيعه وماشاء الله مرتاحين

 

[Diana *]

أنا سويت بس بالسعوديه
قبل 6 سنين العمليه مره قصيره كل عيون أقل من 3 دقايق
و التخدير موضعي فماتتعورين بس تشوفين كل شي
الدكتور بيطلب منك تركزين على نقطة ضوء لونها أحمر و لما ماتشوفينها تقولين له
و بعدين لمدة يوم تصيرين مره حساسه للنور المفروض تلبسين نضاره شمسيه طول الوقت حتى بالبيت
الله يقومك بالسلامه

 

[pinkflowers-1]

السلام عليكم الله يخليكم ابي وحده تكون مسويتها من عشرين سنه لان بنتي راح اسويلها ومتردده والدكتور سامي الربيعه دكتور شاطر بس ناس انصحوني قالو تطلع نتائجهابعد عشرين سنه موزينه وياليت تفيدونا_03ba:

 

[^^ROSE^^]

قبل 20 سنه حتى نوعيه الجهاز غير مو نفس الحين اكيد بيكون في اختلاف

انا ودي اسويها بس مادري تصير حق الانحراف؟ انا عندي انحراف نص درجه و ثلاث ارباع درجه
والنظاره تسببلي صداع
اخاف اسوي العمليه ويظل الصداع

منو كان فيها انحراف وسوت ليزك ونفع؟

 

[حراير.]

قبل 20 سنه حتى نوعيه الجهاز غير مو نفس الحين اكيد بيكون في اختلاف

انا ودي اسويها بس مادري تصير حق الانحراف؟ انا عندي انحراف نص درجه و ثلاث ارباع درجه
والنظاره تسببلي صداع
اخاف اسوي العمليه ويظل الصداع

منو كان فيها انحراف وسوت ليزك ونفع؟

اختي

الانحراف كاااان قوووووووووي والكل يقولها ما يصير ليزك الحين صارلها سنه مشالله لا اله الا الله عند مبارك العجمي

 

[رمانة الكويت]

تسلمون ما قصرتوو

 

[عمري الخالد]

رفع لعيوووووووووونج

 

[^^ROSE^^]

صج مبارك العجمي زين؟ لان ما اذكر منو اللي ما مدحلي اياه
انا متردده لان العمليه ماقدر اعكس نتيجتها اذا ماضبطت
يعني لازم واحد مضبوط 100%
صج صج تعبانه ماشوف عدل والنظاره تاذيني

انزين عنده بجم تكلف

 

[سندريــــلا]

اختي سوتها عند د حسين العباد في بوشهري كلنيك
والحمدالله زيينه

 

[حورية البحر 1]

أنا سويتها بالمستشفى العسكري

 

[حبيبة أحلى زوج]

أنا سويتها بالمستشفى العسكري

بغيت اسأل منو سواها لج بالمستشفى العسكري ومتى سويتيها وشلون النتيجه وتطول مواعيده ولا شلا لأ انا جيتهم شهر 6 السنة اللي فاتت بواسطة مدير المستشفى وطلع جهاز الليزك خربان وعطوني موعد بعد العيد وكنت حامل عاد ودي اسويها عندهم لان ماعندي فلوس حق الخاص
ومشكوره مقدما

 

[حـــــلا]

سويها وانتي مغمضة وااااااايد بترتاحين

واصلا بتقولين معقولة عشت كل هالسنين بالنظارة

وبتشوفين الدنيا حيل حلوة وجديدة صج صج تغيير بس اول شي استخيري وتوكلي علي الله

انا سويتها عند عبدالله المنصور من 7 سنين