منو سوت عمره لخدامتها

[الريان]

صباح الخير حلوات .....
عندي سؤال منو دزت خادمتها عمره بروحها ؟ومع اي حمله ؟
ليت اي معلومه تفيدني ؟
خدامتي واعدتها اوديها عمره من جت عندي؟
وصارت ظروف وما حصلت لنا العمره وتتكنسل كذا مره ؟
وحرام اهي متشفقه لها حيل؟
وراح تسافر شهر 5 وابي اسفرها عمره قبلها ؟مو شرط معانا ؟
لا تبخلون علي باي معلومه حبايبي وتشاركون في الاجر ...
ودمتم سالمين

 

[sondos]

الوالده راحت العمره هالاسبوع وحاجزه لشغالتنا معاها ....بالمطار ردوها قالو لازم تكون مسافره بالجواز مو البطاقه المدنيه او يكون الكفيل مسافر معاها اللي اهو ابوي ...او واحد من عياله

ردينا التذكره وخسرنا فيها

 

[rawan2go]

احنا ودينا الخدامه العمره مع حمله بس والله ماذكر كانت اي حمله بس كانت عن طريق البر

 

[@ام يوسف@]

اااااااااااب

 

[الريان]

مشكورين حبايبي بس ..........هم اعيد السؤال ...
اي حمله وديتوا خدامتكم وشنو الاجراءات ؟.
ياليت اللي عندها خبره ترد علي ....
وتكسب الاجر

 

[bnt_kwt]

في لجنه بجنوب السره
بمنطقه حطين عالشارع العام مال الجمعيه
حاطين اعلان عن عمره الخدم
بس ما دققت على اسم اللجنه

 

[الريان]

في لجنه بجنوب السره
بمنطقه حطين عالشارع العام مال الجمعيه
حاطين اعلان عن عمره الخدم
بس ما دققت على اسم اللجنه

بعد عمري....... ماعليج امر ....ياليت تقدرين تشوفين اسمها ...ولج الاجر ان شاء الله
حرام متشفقه والله اعلم بالحياه والممات ...والعمره صعبه في ديرتهم وغاليه عليهم حيل
ودمتي سالمه حبيبتي

 

[همسات ليالي]

حبيبتي اول شي لازم تطلعين فيزا بحدود ٢٠ دينار واعتقد ان لازم الكفيل معاها روحي اسألي السفريات المسؤله عن العمرة مثل سفريات المدينه المنوره وانا من راي ان لازم معاها احد يعلمها شلون تتعمر والله يجزاج كل الخير

 

[على الدنيا سلام]

جزاج الله خير بس الاحسن روحي العمره واخذيها معاج ..

 

[الريان]

جزاج الله خير بس الاحسن روحي العمره واخذيها معاج ..

ودي اخذها ...واذا تيسرت الامور ان شاء الله ...وهذي النيه ...
بس تدرين روحه العمره مربوطه بالمحارم واجازاتهم ....
ولشهر 5 تتعارض اجازتنا او مواعيدنا .مع بعض ....واهي سفرتها في 5
وابي شي مضمون .... حتى اكون عند كلمتي لها ...