منو سوت تنظيفات بالجهراء

[مكحوله العين]

مرحبا بنات شلونكم انا من منطقة الجهراء اوكي انا حامل لي شهرين طيب قام قبل اسبوع ينزل معي افرازات بنيه وبصراحه خفت طيب رحت دايراكت ع مستشفي العرف كنت ابي دكتوره منهي مالقيتها رحت لدكتوره دعاء فلسطينيه شافتني جان تقول انتي المفروض بالاسبوع السابع بس اللي مبين كيس بس بالاسبوع الخامس قالت عموما اخذي مثبتات اللي هم دافستون وتحاميل وفوليك اسد وارتاحي وتعالي بعد اسبوع فعلا نطرت اسبوع عقبها قلت خليني اروح لدكتور تودورو اللي بالراشد ليشنه شاطر بنات اول ماحط السونار كان يقول تنظيفات انصدمت المهم كان يقول كيس فاضي كامل بدون جنين طيب قلت دكتور بتاكد قالي خلاص اخذي تحليل هرمون اليوم وتعالي بعدها بيوم وفعلا اخذتهم اثنينهم واليوم موعدي مع الدكتور راح يحسم الموضوع قبل شوي وانتي بكرامه نزل معي دم بسييط وعوار ببطني مثل الدوره اوكي قلت العصر بروح الدكتور اذا خلاص بروح مستشفي الحهراء اسوي تنظيفات بنات بالبدايه زعلت الحين عادي عندي بس ابي ارتاح لان جسمي حده تعبان احس جبل فوقي وضغطي نازل السؤال منو سوت تنظيفات بمستشفي الجهراء ..!اعذروني عاللخبطه

 

[مكحوله العين]

ولاتنصحوني اروح خاص ولانفس الشي يعطون بنج ولا لاً

 

[bubble.gum]

ربي يعوضج يا عمري ..
بس انتي ليش استعيلتي على التحاميل جان نطرتي اهوه سبحانه الله الجسم يرفض ..
بس ما عندي فكره عن التنظيفات .. ان شاء الله البنات يفيدونج ..

 

[M!SS.LOBY]

رفيجتى ساكنه بالجهراء مسويه تنظيفات بمستشفى الجهراء
تمدح وتقول عادى ما في اى شئ

 

[أم عامر]

حبيبتي ربي يعوضج قريب والخيره في ما أختاره الله
انا مسويه بالجهراء تنظيفات والحمد لله اهتمام وماتحسين بشي بنج

 

[الـــغـــلآ]

اناا سويت تنظيفات بالجهرا و كنت نفسج كيس بدون جنين

بس ماراح يسقبلونج مني و الطريق لازم ينفتح الرحم

انا لما جاني نزيف رحتلهم و سوولي تنظيفات و والله مافيهم شي يهبلون سويت
تنظيفات بالليل و ثاني يوم الصبح طلعت و الحمدلله على كل حال

 

[غرام القمة]

الله يعوضج خير

 

[مكحوله العين]

انا قاعد ينزل معي دم الحين وانتي بكرامه

 

[مكحوله العين]

يعطيكم العافيه ع الردود- بنات للاسف انا راقصه بعرس خذتني فرحتي بهالعرس وقبلها كنت اسوي رجيم وامسي ساعه ع المشاك واسوي رياضه ومسويه اشعة رنين وماخذه عينه من الظهر ولمن خذيت العينه ذبحني ظهري ورقبتي يعني كلها تجمعت ويمكن خيره لي بس ديربالكم علي نفسكم لاتسوون شي الا لمن تتاكدون

 

[مكحوله العين]

بنات وحبيت اسالكم عن الاجازه بهالفتره شلون المستشفي يعطون ولا اخذ من خاص مع العلم اني ماخذه من خاص الاسبوع اللي طاف عشان ارتاح وامس وقبله طبيه شلووون نوروني الله ينور عليكم

 

[مكحوله العين]

بناتً انا الحين تقريبا لي 25 يوم موقف عن النوم وكل ماروح الجهرا يقولون انطري هو ينزل بكيفه شرايكم انتوا

 

[مكحوله العين]

بنات ردوا عفيه لاتشوفون وتطلعون جذي

 

[الـــغـــلآ]

شوفي حبيبتي بقولج اللي صار معاي

انا كنت اروح للجهرا بنفسي و اقولهم سوولي تنظيفات و ما كانو يرضون

عصبت ليش مو راضين يسوون لي اخر شي دخلت ع دكتور واسطه و فهمني كل شي

قالي انتي عنق الرحم عندج مسكر لازم يكون مفتوح عشان نسوي تنظيفات

و قالي انا اقدر افتح عنق الرحم عندج واوسعه بس راح يتمزق !!!

و اذا تمزق لاازم بعدين كل ما حملتي نسوي لج ربط عنق الرحم

و عقبها عاد فهمت و رجعت البيت و قعدت اشرب جاي اعشاب ام خالد و وكلت امري لربي

و بيوم من الايام فجأه نزل علي دم قوي جنها حنفيه و انفتحت حيل حييل مع قطع دم توهقت ما عرفت شسوي

حيل خفت لان اول حمل لي ما عندي خبره بس على طول رحت المستشفى و رحت الطوارئ و فحصتني قالت ليما الحين ما انفتح عدل ! قلت متى ينتفح قالت خلال ساعه يكون مفتوح

و للعلم طول هالفتره اخر دم حيل مو شوي

و نقلوني و انا ع السرير وودوني للفحص و فحصني الدكتور و قالي الحين فتح ونقدر نسوي لج تنظيفات ..

و دخلوني بالسرير غرفة العمليات و جاني اكثر من دكتور و كلمني دكتور التخدير شنو فيني امراض و قلتله عن الربوو

و دخلت غرفة العمليات و حطو المخدر بالمغذي يمكن لاني كلش ما انتبهت له و هو يحطها و فجاه فتحت عيوني على صوت الدكتور يناديني باسمي يقول خلصنا

يعني ما حسيت بشي ولله الحمد

بس لما طلعت الم الدوره عورني حيل

دخلت المغرب و طلعت ثاني يوم الصبح

و الدكتور عطاني اجازه اسبوع من نفسه لما جاني ثاني يوم سالني وين دوامج وعطاني اجازه مدتها اسبوع اتوقع لو كلمتيه يمددها لج اكثر

و الدكتور بلغني انه اخذ عينة من عنق الرحم عشان يعرف سبب ان الحمل صار بدون جنين و عطاني موعد اجي اشوف السبب

و جيته بالموعد و قالي مافي سبب طبي من الله يعني

والله يسهل عليج لآ تستعجلين بشي متى ما جاج نزيف روحي لهم و اهتمي بنفاسج عدل عدل عشان ينظف رحمج و يستعد للحمل ثاني مره

و راح يقولج الدكتور ريحي رحمج ٣ شهور ع الأقل عشان يتقوى رحمج


كل اللي مريت فيه قلتلج عنه بأدق تفاصيله عشان يكون عندج علم بكل شي و صدقيني سهالات والله يعوضج يا رب

 

[مكحوله العين]

مشكوره يالغلا ماقصرتي

 

[مكحوله العين]

بنات انا قبل 6 ايام عورني بطني حيل احس ممن عند عنق الرحم ثاني يوم لمن قعدت من النوم الا شي نزل مني مثل الشحمه تكرمًون لمن رحت المستشفي قالي سوي سونار بالخاص وسويت جان تقولي فيه كيس وبقايا ولمن رديتله قالي انطري لمن يجيج نزيف ولا عوار ورديت البيت وينزل بس دم تكرمون عقبها رحت مراجعتي سوولي سونار مهبلي جان تقولي الدكتوره الرحم الحين مافيه شي زين زين الكيس اللي قالوا عنه الخاص وينه متي طاح نوروني تعبت

 

[مكحوله العين]

اليوم بنات نزل شي مني مثل الجبده اتوقع هاذا هو الكيس

 

[قـــمـــرهم]

الله يهون عليج اختي

انا سويت تنظيفات بس بالامومه وكل شي صار بسرعه

جيتهم الفجر معاي طلق كنت بالخامس ولما سوولي سونار

البيبي فيه نبض بعد ساعه والا يوقف نبضه وينفتح الوحم

تقريبا ١٠ الصبح طاح البيبي لانه اغمى علي وطحت وطلع من طيحتي

سبحان الله خيره

وع الساعه ٢ الظهر والا انا خالصه من التنظيفات وبغرفتي

وطلعت منهم ا ال٨ بالليل بنفس اليوووم


و ذكرتيني بحمالي الحين قبل شهرين طاااح مني قطعه كبييره

صج جنها جبد وكبيره كبر كف ايدي

واخر شي طلع دم متجمع بالمشيمه !!


والله يكتبلج اللي فيه الخير يارب

 

[مكحوله العين]

بنات انا ريحت عمري ع الاخر وسويت تنظيفات بالراشد ارتحتتتتتت شهرين وانا انزف دم ومل يوم يقولون تعللي الاسبوع الجاي كنت بيني وبينكم مابي اخسر بالخاص بس قلت لاصار فيتي شي بعد محد يفيدني

 

[مكحوله العين]

الراشد عند دكتور تودور ماكمل عشر دقايق الا خلصنا