منو سوت تصغير معده؟ ربط

[كويتية هيبه]

احس اني موقادره اكمل وماودي ارد اللي نزلته وقاعده افكر بعمليه تصغير المعده عفيه اللي سوتها تقوللي اشصار وجم تنزل؟ وصج يقولون بعدها اكلج كله مهروس؟

 

[english muffin]

تصغير معدة غير عن الربط
تصغير معدة يقصون المعدة يصغرونها اما الربط يخلون حلقة من السليكون على معدتج من فوق فالاكل يدخل بقوة وغصة
واحتمال ترجعين وانتي تاكلين

في تصغير المعدة اهو الي تشربين سوائل اول شهر وبعدين شوي شوي اكل مهروس وبعد فترة تاكلين اكل عادي
اما في الربط ماعندي فكرة عن اكلهم بس تقدرين تاكلين كلشي تقريبا

 

[كوكب الحلوين]

تصقير المعده عمليه ويقصون فيها ونفسيتج تتعب ويودونج عند طبيب نفسي عشان نفسيتج لان تشوفين الاكل وماتقدرين تاكلين
تشتهينه والبنج 3 ايام وتاكلين اول شهر اكثر شي الشوربه والعصير وبعدها الاكل المهروس وبعدين معدتج تتعود على الاكل
القليل فتضعفين اكيد 3 اشهر تقريبا من العمليه وزنج ينزل ........

 

[english muffin]

ههههههههههههه
شكو دكتور نفسي؟
انا ونص بنات المنتدى مسوين العملية والحمدلله ما احتجنا لا دكتور نفسي ولاهم يحزنون

 

[كويتية هيبه]

اها انزين اي وحده احسن واسهل
نبي تجاربكم بنات ترا انا خوافه

 

[بنفســـــج]

على حسب وزنج حبيبتي

انا مسوية عملية تخطي المعده عندي الدكتور الجار الله

وانتي على حسب وزنج تتحدد نوع العملية الي تحتاجين لها

انا كان وزني فوق ال 130 والحين الحمد لله بعد سنة ونص 75 :eh_s(6):

 

[miss angel]

رفيجتي مسويتها

تقول اكلها صااار خفيييف لقمة لقمتين تشبع على طووول

 

[كويتية هيبه]

بنفيسج واااااااااااااو ماشاء الله عليج صج انجاز الله يتمم عليج بس شنو سلبياتها ؟

 

[بنفســـــج]

اكيد فيها سلبيات
منها نقص الفيتامينات لو ما انتضمت عليها , والتعب لما آكل انواع معينة من الأكل مثل الحلويات

لكن بشكل عام الحين بعد هالفترة حياتي طبيعية الحمد لله ولي الحين آكل خفيف مو مثل ايام الطفحة ههههههههه :krkrkr:

 

[كويتية هيبه]

سوري على كثره الاسئله بس وين سويتيها وبجم؟
انا مفكره بلبنان وايد مادحين شغلهم

 

[بنفســـــج]

انا مسويتها عند الدكتور محمد الجار الله طلعت علي ب 3 آلاف دينار

هم يمدحون لبنان بس بصراحة شخصيا افضل دكتوري يكون بالديرة حتى يتابعني على طول

 

[كويتية هيبه]

بس عمليتج اول مره اسمع فيها (تخطي المعده) اممممممممممم شنو اهي جراحه ويبين اثرها ومن عقب اشكثر داومتي عفيه ابي تفصيل ولا عليج امر

 

[alfajr alb3eed]

3الالف يعني 30الف ريال واو غاليه

 

[أحلى ريماس]

كويتيه هيبه ليش تسوين ؟ حاولي بالرجيم احسن.....
لان حرااام وزنج مو واايد حيل يعني لو تتعبين على نفسج شوي توصلين لي
80 ... هذي نصيحه من اختج...لان التحزيم يقولون له مضااااعفات وكله لازم تاكلين فيتاامينات

 

[بنفســـــج]

بس عمليتج اول مره اسمع فيها (تخطي المعده) اممممممممممم شنو اهي جراحه ويبين اثرها ومن عقب اشكثر داومتي عفيه ابي تفصيل ولا عليج امر

انتي جم وزنج ؟؟

بعدين تخطي المعده هي نفسها التحوير أو الباي باص أو تحويل مسار المعده ,, الاسامي لها وايد ههههههه

هي نفسها الي سوتها ديانا كرزون

العملية منظار مو فتح بطن , وداومت بعد 10 ايام من العملية

 

[nice-girl]

انزين بنات مايسووونها حق اللي وزنهم بالثمانينات؟

 

[بنفســـــج]

انزين بنات مايسووونها حق اللي وزنهم بالثمانينات؟

لا ما يسوونها

اساسا حرام تلعوزين نفسج على جم كيلو

 

[كويتية هيبه]

انتي جم وزنج ؟؟

بعدين تخطي المعده هي نفسها التحوير أو الباي باص أو تحويل مسار المعده ,, الاسامي لها وايد ههههههه

هي نفسها الي سوتها ديانا كرزون

العملية منظار مو فتح بطن , وداومت بعد 10 ايام من العملية

وناسه يعني عقب العمليه مافي عوار )
مشكوره بعد قلبي يارب اتشجع

 

[كويتية هيبه]

وزني 90

 

[بنفســـــج]

وزني 90

90 حرام تسوين عملية ؟؟

لو ما تقدرين على الرجيم سوي السليف احسن لج ’ هي تصغير للمعده بدون لعب وحوسة بالأمعاء

اساسا ما يوافقون الدكاترة انهم يسوون العملية حق الي بوزنج