منو سوت ترديد بعد الولاده ؟

[sagittarians]

السلام عليكم
شلونكم بنات
انا الحين حامل للمره الثانيه.. المره الاولى مايبت رداده بس رحت سويت مساج بعد الولاده عند دكتورتي فوزيه القطان عندها وحده صينيه تسوي مساج بعدين تلف بطنج بنايلون وسويته لمده 3 ايام اهوه المفروض خمسه
بس احس انه يعني مو وايد استفدت و حوضي مارد
فبغيت اعرف منو يابت رداده بعد ماولدت؟
وعقب جم يوم ؟
ولمده جم يوم؟
و منو اهيا الرداده اللي يبتيها و شنو جنسيتها؟
وهل تحسون انه استفدتو؟
يالله ابي مشاركاتكم بليز
ومشكورييين:e3:

 

[sagittarians]

شدعوه بنات 8 شافو الموضوع و محد رد علي؟
يعني محد تردد ولا احد سوه مساج كلش ؟

 

[موني KSA]

انا سمعت عن وحده عراقيه تردد جابوها خالاتي وحريم من اهلنا ويمدحونها صراحه

 

[lailalaila]

ما اييب ردادة و بعد الاربعين اروح اسوي ساعتين مساج في سبا تايم

 

[q8yah]

شنو فايدة الردادة ؟؟

 

[sagittarians]

يقولون انه ترد العظام مكانها يعني ترد الحوض
و ما ادري جنه بعد الرحم

انا خايفه اسوي اخاف يعور و موديلي ما احب شي يعورني

 

[sagittarians]

موني جم يوم ايبونها؟
وعقب شكثر من الولاده؟

 

[رووري]

الترديد : بالنسبه لي مهم لان احس عقب الولاده جنه جسمي في ارظوظ وعظامي تعورني وبطني متفوخ متروس غازات بس لما ترددني احس براحه يعني اهم شي حق الترديد انج ترتاحين ويخف الهوا اللي في بطنج والمساج نفسه مايسوي جذيه ، بس لاني والده قيصريه مايصير اربط بطني فقالت لي لفيه بس بغرته لان يوم جاسته كان بارد وقالت لازم ادفينه عشان مايدشج هوا ....
وبالنسبه للرداده على حسب الرداده ، لان في بعضهم عندهم فناتك اذا تبين ييبي اللي يسوون شغل قبل والترديد الاصلي ، وتييج سابع يوم ولادتج مده اربع ايام او ثلاث ايام ... بس اهم شي اتكون زينه وصج اتعرف اتردد لان هالايام كل من هب ودب قام يردد

 

[sagittarians]

الترديد : بالنسبه لي مهم لان احس عقب الولاده جنه جسمي في ارظوظ وعظامي تعورني وبطني متفوخ متروس غازات بس لما ترددني احس براحه يعني اهم شي حق الترديد انج ترتاحين ويخف الهوا اللي في بطنج والمساج نفسه مايسوي جذيه ، بس لاني والده قيصريه مايصير اربط بطني فقالت لي لفيه بس بغرته لان يوم جاسته كان بارد وقالت لازم ادفينه عشان مايدشج هوا ....
وبالنسبه للرداده على حسب الرداده ، لان في بعضهم عندهم فناتك اذا تبين ييبي اللي يسوون شغل قبل والترديد الاصلي ، وتييج سابع يوم ولادتج مده اربع ايام او ثلاث ايام ... بس اهم شي اتكون زينه وصج اتعرف اتردد لان هالايام كل من هب ودب قام يردد

مشكووره ما قصرتي انزين منو الرداده اللي يبتيها عندج رقمها ؟

 

[ثلاثينية]

اللي رددني وحده كبيرة بالسن امي تعرفها بس الحين المره مافيها شده
وقاعده ادورعلى وحده من الحين... بس مو اي وحده لاني بآخر ولادتي سوت لي وحده من بعدها تعبت
فقلت ادور على وحده معرفه حيييل

 

[cute cat]

والله انا اول حمال لي وما اعرف شي

 

[سفيرة العشق]

حبيبتي انا بحمالي اللي قبل ما يبت ردادة وتعب جسمي بهالحمال

بس الحين يبت ردادة مدحوها لي حريم خواني وصج ممتازة يتني امس واليوم وبتي باجر

احس شغلها عدل ومضبوط دلكتني عدل ماشالله عليها وهي مرة عودة إيرانية اسمها ام خالد

تاخذ على المرة الوحدة 10 دنانير

واتييج يوم السابع والثامن والتاسع والعاشر تسبحين ..

وهذا رقمها للي تبيها بس ممتاااااااااااااازة ..

xxxxxxxxxxxxxx

ممنوع عرض الارقام على العام

 

[حد مثلي!]

انا كنت عمليه وباليوم الـ 30
يتني ورددتني اهي قالتلي عادي قبل لايصيرلج 30 يوم تدقين بس انا كنت مادري

بصراحه ارتحت حيل رفعت الرحم وردت عظامي لمكانها

وكانت اول ولاده

وردادتي ام ناصر مدحتها لي رفيجة امي قالت انها دايم عندها
وخوووش مره كبيره وعارفه شغلها


يعني بترددين لازم تكون خبره

 

[أسـيـل]

انا عمري مارددت بولاداتي ومنكم نستفيد بنات

 

[Brounzi_girlly]

انا ماجربت الترديد والحين آخر النفاس بسوي مسااج
مع التحية..............

 

[bnt-rwh]

انا هذا اول حمال لي وانشالله راح اييب رداده لان لاغنا عنها حتى المساج موو نفسها خصوصا ان الوحده بعد الولاده عظامها مفجوجه ويكون فيها هوا والرداده ترد العظام وترد الرحم مكان وتكرمون تنزل الوصخ كله واطلع الهوا اللي بالجسم وخواتي كلهم بولاداتهم على طوول بعد تقريبا اسبوع او عشر ايام ايبونها لمدة اربع الى خمس ايام ويرتاحوون عقبها

 

[انجبر قلبي]

أب.............

 

[ام ريان3]

والله ماجربت

 

[Nesra1983]

يعطيكم العافيه ويا ليت تفيدونا برقم الرداده ام خالد
واذا امكن عالخاص لو سمحتوا

 

[أم شيــ@وخة]

بنات يصير ايبها وانا صارلي ٢٥ يوم والده؟