منو سوت اللحميه

[miss swan]

السلام بنات ​

انا بنتي عمرها خمس عندها لحميه كبيره وايد وحياتي قامت تصدع ​

تونا من اسبوع فحصنا عند د صديق هارون بالمواساة وطلع فيها جيوب ولحميه ​

وقالنا لازم عمليه باسرع وقت ​

منو سوتها وعند منو وجم كلفت بالخاص ؟؟
​

 

[باقة ورد]

حتى انا بنتي فيها لحمية بس اهي صغيرة عمرها سنتين ودايما خشمها يصب و تشخر وهي نايمة حبيبتي معورة قلبي الحين الطبيب عطاها بخاخ كورتيزون و قال بيشوفها بعد شهر بس احتمال تحتاج عملية....بنات منو عندها تجربة بالموضوع تفيدنا ....الله يشافي بنتج حبيبتي وما تشوف شر

 

[miss swan]

شفتي سويلها اذا يصير
بنتج لو تتكلم جان تشكيلج الويل
انا حياتي تشكيلي تقول مااحب انام ماارتاح لما انام لانها تشخر
امس مقعدتني بالليل مرتين راسي يعورني
بس لحميتها كبيره وايد​

 

[iLLuMinaTion]

الله يعين

 

[باقة ورد]

ايه انا الطبيب قال لي اكثر شي بالنوم تتعب و انا الاحظها وهي نايمة ينقطع نفسها ويرد مرة ثانيه اسم الله عليها وانا على اعصابي واتفزز من نومتي كل ساعة و اشيك عليها وساعات انومها عندي اخاف عليها بس الدكتور طمني قال لا تخافين النفس يرجع بس اهي تنزعج و تبجي وهي نايمة من هالسالفة .. يكسرن الخاطر

 

[miss swan]

:eh_s(2):الله يشافي بنتي وبنتج
اول مره امر بهالتجربه بس كاسره خاطري على الصداع
اخاف ياثر عليها ودي اسويها بسرعه​

 

[باقة ورد]

اتوقع انها عملية بسيطة فلا تحاتين والدكتور قال ان يسوونها حق الاطفال من بعد عمر السنة...بس المشكلة وين الطبيب الثقة ياريت اللي مروا بهالتجربة يفيدوننا ... الله يشافيهم يارب

 

[om MaRyooM]

بنتي عمرها 3سنوات سوولها اللحمية وشالو لوزها بمستشفى زين بالصباح

والحمدلله سهالات والمستشفى هناك وايد مستواها زين والجراحين ممتازين

 

[opera]

توني قبل شهر سويت حق ولدي بالسلام لحميه ولوز و ماي بالاذن

والحمدالله صار وااايد احسن من قبل العمليه اهم شي نومه صار عدل قبل يختنق ويشوخر

عمر ولدي ٤ سنين

 

[ام علي الصراف]

السلام عليكم
انا بنتي بعد عندها لحمية كبيرة وماي بالاذن وبقيت اسوي لها بمستشفى زين والله يمدحونهم الدكاترة اغلبهم استشاريين وغرفهم كلها خاصة ويقولون ان شاء الله سهالات نفس اليوم تطلع او بالكثير ثاني يوم بس بنتي كان عندها التهاب بالدم من جذي اجلو لها العملية وناطرة ان شاء الله تطيب واسوي لها لانها وايد متأذية من خشمها ونفس ماقالوا بليل نفسها ينقطع وخايفة عليها وايد.

 

[miss swan]

باقة ورد الله يسهل سويها بزين
ام مريوم شرفتي الموضوع ومشكوره على الرد شجعتيني كنت مفكره بزين بس منو الدتور لو سمحتي؟
اوبرا نورتي الموضوع ومشكوره
ام علي مشكوره طمنتيني نفس الشي منو الدكتور؟
​

 

[بسانت]

انا سويتها لولدي لما كان عمره خمس سنوات بمستشفي زين
العمليه سهالات الحمدلله مستشفي 5 ستار من كل النواحي الدكاتره السسترات نضافه المستشفي صراحه معاملتهم احسن من الخاص وحاطين غرفه الالعاب للاطفال اول مره ولدي يدش مستشفي ومايبي يطلع منها من غير شر صراحه انصح اللي بيسوي يسوي فيها ليش المخاسير تروحين خاص واهيا احسن من الخاص
*

 

[بسانت]

نسيت اقولج مواعيدهم اتطول والخاص متي مابغيتي تسوينها هذا عيبها الوحيد