السلام عليكم ورحمة الله وبركاته
انا حبيبتي عندي رحمين وهو بالاصح يطلق عليه (رحم ذو القرنين) تقدرين تسوين عليه بحث بقوقل
بقولك قصتي
اول ماتزوجت حملت بعد خمس شهور تقريبا وفجاءة نزل علي دم وتقريبا بالشهر الثالث سقط الجنين
ووقتها ماعرفوا السبب
وبعده بسنه تقريبا حملت لاني كنت مأجلة الحمل عشان دراستي ووقت حملتي هذي بعد نزل علي الدم لما اكشفت علي الدكتورة قالت لي انتي عندك رحمين ورسمت لي شكله يكون من فوق متصل بالقناة ومن تحت يكون مثل الفصين فقالت يمكن يكون حملك الاول كان في الرحم الضعيف عشان كذا ماكمل الحمل والحمدلله في حملتي هذي ثبت الحمل بالحبوب والابر الى الشهر الخامس استعملهم وبصراحه كنت احس بالام في الحمل بس اللي تتحملينها يعني وفترة حملي كلها كنت خايفه ورحت عند دكتور عندنا بالسعوديه مشهور وقلت له مشكلتي قالي اذا انتي متضايقه من هالامر تقدريت تسوين عمليه بعد ولادتك بست شهور وكل شي يصير تمام بس انا خفت وزوجي والوالد بعد مارضوا قالوا اذا تم الحمل يعني ان شاء الله مافي الا كل خير
الدكتور عطاني احتمالات انوا يمكن اكون ارزق بطفلين توائم او طفل في رحم والثاني في الرحم الثاني
او احمل بطفل واحد والثاني مايكون فيه شي مثل اللي صار لي بس انه طول فترة الحمل كانت تنزل مني افرازات من الرحم الخالي
واتنرفز منها بصراحه وبصراحه هو الموضوع متشعب مررررة تقدرين تسويين عليه بحث مثل ماقلت لك قبل واقري عنه
في الحملة الاولى جبت ولد كامل الخلق والحمد لله وحملت مره ثانيه بعد 4 سنوات ونص تقريبا وجبت بنت مثل القمرونفس الامر كانت بابر تثبيت وحبوب والحمد لله
بس بصراحه الموضوع يخليك في حيرة قبل الحمل ماتدرين ربي وش بيكتب لك في الحمل
ادري اني هذرت واجد وقرقت بس حسيت ان الموضوع عني وان شاء الله افدتك
لاتنسيني من دعاءك
))
