منو سمعت بفاكهه الس---- وعلاقتها بجمال وذكاء الجنين

[وسن الغامدي]

هلاااااااااا والله





اش حالكم انشاء الله دوووم طيبين



سمعت ناس بالانترنت بالملايييين يمدحوون :eh_s(9):السفرجل كل وحده اكلته تقول خلت جنينها قمر
:eh_s(22):

من جربته انا بالشهر الرابع ينفع اكله ولا لازم بالشهر الثلاث الاولى ؟:eh_s(2):

دعوه خالصه من القلب بالحج لكل من ترد الف شكر

 

[KOKO_284I]

عجييييييييييييييييييييييييييييييييييب السرفجل عالحامل

وتره بالطب النبوي في روايات فظيعه عنه وعن فوايده بس الحين مو نحت ايدي

بس يذكي ويحلي الياهل

انا امي من كثر ماكلت على اخوي طلع يهبل اسمالله عليه وكانوا يبونه حق دعايه بامبرز بس ابوي مارضه

واخوي تره ذكي اسمالله

هذا غير فوايده الغذائيه للام والجنين

 

[butterfly-m]

انا اكلت منه صج ماشاءالله ولدي اينن بس المفروض تاكلينه قبل الحمال يعني بفترة التبويض عندج يعني وقت اللي تقررين تحملين تاكلينها انتي وزوجج وبعد ماتحملين تاكلنها بالاشهر الاولى
هذا اللي اعرفه ​

 

[Ms.electric]

توني ادري :\

 

[miss_whitemocha]

لوووووول..توني أدري بهالمعلومة..
راحت عليها الكتكونة اللي في بطني..
إنشالله الحملة الياية..​

 

[ام ساره 4]

سمعت فيها المعلومه بس لازم تاكلينه أول ماتحملين بالثلاث الأشهر الأولى

 

[camilia]

اي يقولون
عمتي كلته على ولدها الثاني
وطلع اشقراني وابيض بس العود احلى منه!
عموما اهي فاكهه شتوية سألت عنها اول حمالي موموجودة كلش ومو موسمها
يمكن الحين تحصلينها او بعد شهر جذي

 

[جهراء]

اكلي تفاح وشوفي البيبي شلون خدوده تطلع


هذا عن تجربه

 

[H&M love]

اختي للتوضيح
من الرواية من الطب البديل و الاسلامي
ان السفرجل ل ( حسن الخُلق ) بضم الخاء
يعني يحسن اخلاقه مو يحسن شكله

و اللي يخلي الخدود وردية التفاح و الرمان و الرقي

 

[حنان1983]

يعطيكو العافيه معلومات جميله

 

[قدساويه111]

يعطيكم العافيه معلومات حلوه ًً

 

[دلولي]

ايه مشاالله انا شفت وحده من صاحباتي كانت حامل وكلت من السفرجل مشاالله بنتها تهبل الله يخليها لها يارب

 

[عطر الدوحه]

انتشر في المنتديات تناقل حديث السفرجل وأن له علاقة بجمال المولود
وبعد البحث عن ذلك والرجوع لكتب أهل العلم المعتبره

{فإنه لم يصح عن النبي اي حديث في السفرجل}

فقد ذكر العلامة الألباني رحمه الله في السلسلة الضعيفة ما يلي:

4099 - ( ضعيف )
كلوا السفرجل على الريق فإنه يذهب وغر الصدر
كما ذكر في الجامع الصغير وزيادته ما يلي

3064 - أكل السفرجل يذهب بطخاء القلب
( القالي في أماليه ) أنس .

قال الشيخ الألباني : ( ضعيف ) انظر حديث رقم : 1139 في ضعيف الجامع

9688 - كلوا السفرجل على الريق فإنه يذهب وغر الصدر
( ابن السني أبو نعيم فر ) عن أنس .

قال الشيخ الألباني : ( ضعيف ) انظر حديث رقم : 4204 في ضعيف الجامع

9689 - كلوا السفرجل فإنه يجلي عن الفؤاد و يذهب بطخاء الصدر
( ابن السني أبو نعيم ) عن جابر .

قال الشيخ الألباني : ( ضعيف ) انظر حديث رقم : 4205 في ضعيف الجامع

9690 - كلوا السفرجل فإنه يجم الفؤاد و يشجع القلب يحسن الولد
( فر ) عن عوف بن مالك .

قال الشيخ الألباني : ( ضعيف ) انظر حديث رقم : 4206 في ضعيف الجامع

 

[ملكة الأسطوره]

صج تووني ادري عن هالمعلومه الحمدلله انابشهري الاول يمديني اشتريه ومشكوووره حبيبتي ,,,,

 

[ضحاوي الديره]

انا سامعه بهالمعلومه بس مادري احسها مو صج

 

[حبيبي عبووودي]

انا كليت منه لاني جلمت فيه وقالولي بنتج ابتطلع حلوة
وسبحان الله صج طلعت اتينن

 

[3aSaL Q8]

مو موجود بالسوق الحين يقولون بالشتا موسمه
وين تحصلونه هالايام ؟

 

[shak!shoka]

ما ينوكل ما ادري شلون طعمه و يابس انا كليته بس خرااابيط اتوقع ماله شغل بالجمال !

 

[هذا مزاجي]

اناسمعت هالمعلومه واكلته لما كنت حامل بالشهر الثاني
بس ماقدرت اتحمل حييل تألمت من معدتي
وتركته يعني تقريبا مااكلته الا اسبووعين بسسس

 

[نور و نار]

وين الجينات الوراثية طيب يا بنات ههههه حتى المثل يقول : اللي ما يشابه امه وابوه من وين يابوه