منو ساففرت ماليزيا؟؟؟؟ ابيها ضروري

[7abebat elq8]

شلونكم بنات....... ادري انكم ما راح تقصرون ودي اسالكم عن تكلفة السفره لماليزيا من تذاكر طيران و اقامه و مشتروات لشخصين لمدة 10 أيام ؟
و شنو احسن الفنادق في كوالالمبور و لنجواي؟ و شنو افضل مكتب سفريات بالكويت و اسعاره زينه للحجز؟

ادري وايد اسئل ه بس ابي ردود منكم:eh_s(8):

 

[شهدQ]

حبيبتي انا رحت ماليزيا مرتين

وانا مسويه كم موضوع لماليزيا شوفيهم بقسم السفر لاسيا


اما متوسط تكلفتك تقريبا 1200 الى 1300

 

[7abebat elq8]

مشكوره شهوده و راح اقري مواضعيك

 

[7abebat elq8]

انزين شهوده ما عليج امر ابيج تقولين لي باي مكتب سفريات اتمم الحجوزات و اذا تعرفين مكاتب تسوي باكدج حق شهر العسل

 

[فديت تراب الكويت]

السلام عليكم ورحمة الله وبركاته

الجزيره لانجوى حلوه بس إللى أحلى منها بينج روحى لها ...
بالنسبه لى كنا 3 أشخاص كلفتنا 1500 تقريبا طبعا قعدنا تقريبا 20 يوم بس والله خوش ديره ..
حجزنا من سفريات الخطوط الأمراتيه حلوه حق السفرات الطويله أما مثل القطريه يقطونا بالهند ترانزيت... أما بالنسبه للفندق حلوو وقعدات الريوق أشحلوها أسمه ( بان بسافيك )
احلى فندق فى جزية بنيج > الهولندى أن تهبل قعدتهم إللى على البحر وفيها سوق الليل من 6 المغرب لين الساعه 1أو 2 بالليل ....طبعا الحجز للجزيره تم بكوالالمبور من مكتب فى مجمع سوريا أرخص من ناحية الذكره والأقامه..

وعليكم السلام ... رحله موفقه أن شاء الله...:eh_s(8):

 

[ابوس ترابج ياكويت]

انا كنا 4 اشخاص وتكلفنا اكثر من 2000 بس ابوي كان راهي حده يعني كل شي نبيه ناخذه اما الفنادق عندج شارع كله عرب في كولالمبور فيه فندق رجنت حلو وكله اسواق هالشارع وفي جنتنق و سن وي ليقون وفي جزيره يمدحونها بس مارحنا لها كان عندي رقم سايق تدقين عليه يجيج وينصحج بالاماكن الحلوه ابي ادروه انشالله اول ما القاه ادز لج على الخاص

 

[7abebat elq8]

فديت تراب الكويت ، ابوس ترابج يا كويت مشكورين خواتي و انا بعد عندي وقت وايد ابحث علي النت عن كل شي عن ماليزيا بس اكيد استفدت من كلامكم ...... ان شالله اسافر عالاماراتيه و ابي اروح للصن واي لاقون يقولون انه منتجع يهبل.

فديت تراب الكويت ، ابوس ترابج يا كويت النيك نيم مالكم يهبل و ما في احلي من الكويت:eh_s(7):

 

[شهدQ]

انزين شهوده ما عليج امر ابيج تقولين لي باي مكتب سفريات اتمم الحجوزات و اذا تعرفين مكاتب تسوي باكدج حق شهر العسل

مكتبنا كان جلوبل وزين

 

[7abebat elq8]

مشكوره شهودة

 

[ساره ستايل]

انا رحت لها مرتين .. مرة شهر عسل .. ومره سفرة صيفية انا وزجي واختي وزوجها وعيالها

كلفتنا انا وزجي 1500دك .. لانقاوي قعدنا في بيلانجي بيتش ريسورت 4 أو 5نجوم.. حلو ويعتبر منتجع مثل الخيران نظامه شاليهات
وفي بيننينج طبعا الفندق المفضل عندي انا وزوجي اسمه موتيرا بيتش ريسورت 5 نجوم..حمامه عجيييييييب وفرشهم مريييييييح وغرفتهم هااااادية والريوق عندهم ماكو احلا منه .. صج انه بعيد عن سوق الليل بس روووووووعه.. كانت في تصليحات من فترة ومادري اذا خلصوا منها ولا لأ ..
بكوالالامبور قعدنا ابفندق اسمه الاحصنه الذهبية 5 نجوم ..بعيد عن الاسواق لكن حده راقي وكشخه ومريح
وفيه بحيرة اتوصلج حق سوق مجمع حلو وكبير تابع للفندق اتروحين له ابطراد .. ويدخلج الطرا لي داخل السوق..
وبالتوفيق

 

[إستبرق الكويت]

زوجي مواعدنا بسفره لماليزيا الصيف الياي

إن شاءالله يودينا , الكل يتكلم عنها وانتم خواتي شوقتوني لها بزود

ويتراوالي سعرها مناسب , سكن وتذاكر ومصرف 1300 - 1500 لـ 3 أشخاص !

يتراوالي تمــــــــــام ​