منو زاد عندها الماي حول الجنين ؟!

[^^yasmina^^]

سلام عليكم
بنات
انا الدكتورة قالتلي ان الماي زايد حوالين البيبي والسبب كثرة اللكلات والمشروبات الي تحتوي علي السكريات
نفس كيك ايس كريم حلويات الكاكاو والمشروباات الغازية
قالتلي ان ممكن يسبب ولادة مبكرة
بس توني اقري بموقع ان يسببشغلات ثانيه امراض للام
ويسبب اختناق وممكن يؤدي لوفاة الجنين اذا انولد وتإثر عالمشيمة
والي ضيق خبقي ان ممكن يأدي الي عيوب خلقيه في الجنين
اهني يوم قريت حدي انعفست :6 افكار تروح وترد
بليز. بنلت طمنوني منو حاشها هالشي والحمدلله ولدت و بيبيها بصحة وعافيه ؟!

 

[noo7a]

ماعندي فكره بس انشالله خير لا تحاتين
انزين ما سالتيها اشلون يرد الماي لمستواه الطبيعي ؟

 

[الأميرة جوري]

الله كل هذا...انا خرعوووووونى...... بناتى كله يقولون الماي زايد وديري بالج لاتولدين ولاده مبكره ومن هالخرابيط...اخرتها كلهم يبتهم طبيعي ويهبلووووووون ماشاء الله مافيهم الا العافيه....بس الصبيان سبحان الله طبيعي مو زايد مادري شسبب

 

[tmtmt]

ان شاءالله ماكو الا العافيه

الله يسهل عليج ويقر عينج بشوفة البيبي بصحه وعافيه

 

[الجوهرة777]

انا دايما الماي واجد والحمد لله ما كو الا الخير

بس انتي قللي من النشويات والسكريات لأنها هي اللي تسبب زيادة الماي

وفي ولدي بالعكس كان الماي شوي هني خافت وولدتني مبكر قبل موعدي باسبوعين

حتى طولت حيل في الولادة لأن الجاهل كان فوق سبحان الله

لأن الماي اذا صار شوي اخطر

 

[بحر الذكريات]

عطتج حميه للسكر؟؟؟؟

 

[زين ودلال]

ان شاء الله يارب ماكو الا العافيه ان شاء الله

 

[نـور الكويت]

عسى الله يتمم عليج فرحتج ياقلبي

وتولدينه سليم ومعافى يارب العالمين كل شي سهالات من رب العالمين

وإن شاءالله ماكو إلا العافيه . قولي اللهم إني استودعك نفسي وجنيني الذي في رحمي إنك لا تضيع ودائعك .. وادعي رب العالمين.

 

[ساشا]

انا بعد قالي دكتوري الماي حوالين البيبي وايد
والسبب ان السكر مرتفع عندي والياهل بهالحالة يتبول كثير فيسبب ماي زيادة
وهم قالي لازم اسوي حمية واقلل السكريات والا راح يسببلي ولادة مبكرة

 

[نور الدنيا 88]

حبيبتي يا سمينا ان شاء الله ماكو الا العافية

 

[ام الحلوااات]

مـــا كـــــو الا الــــعـــافــــيــــــه و مــــاعــــليــــــك شـــــــــــر ان شــــــــآء اللــــــه ​

 

[بخـــارى]

حبيبتي روحي الصباح اهما يعطونج الخبر الاكيد

 

[sweeta77]

حبيبتي
كم يوصل السكر عندك؟
هل انتي مراقبه السكر؟

 

[غاليه_85]

هلا حبيبتي

والله انا بعد دكتورتي قالتلي ان الماي وايد حوالين الياهل والحمدالله ولدت وبنتي مافيها الا العافيه

بس نصيحه لازم تجيكين السكر عندج يمكن يكون مرتفع؟؟؟
ويفضل ان تقللين السكريات والنشويات بهالفتره