منو ركبت لولب بتخدير كامل؟

[ياحبنيلك]

مرحبا خواتي
تكفون ساعدوني من ركبت لولب بتخدير كامل او اسمعت احد من اهلها ركبه
لاني رحت بركبه قالتلي الدكتوره ان عنق الرحم حييل ضييج لانه بعد اربع قيصريات والرحم الحين مشدود من العمليات
وصج اهي حاولت تفحصني وتشوف بس انا ماقدرت حسيتها جنها تقرص قلبي عوار مو طبيعي
فياليت اطمنوني من سوت بتخدير كامل وماصار لها شي​

 

[ياحبنيلك]

تكفوووووون بنات طمنوني
لاني بكره السبت دخول مستشفي
وسبحان الله كل شي صار بسرعه تحاليل واوراق الدخول
عاد اخاف اركبه بتخدير ويصير شي
استغفر الله
الله سامعه بتركب اللولب عادي بتخدير كامل تقول
ربي يوفقكم دنيا واخره

 

[مظلومة حيل]

والله مو عارفة ياليت البنات يفيدونج انتي اهم شي اسالي الدكتورة عن كل شي وهل في اعراض ودي افيدج بس مو عارفة

 

[b1213]

هلا حبيبتي انا ركبت لولب عند الراشد بس بدون تخدير وعادي عواره خفيف بس انا اولد طبيعي مادري عن حالتج

 

[كتالونيه]

انا ماجربته بس
البنات يشتكووووون منه حيل
وانشالله البنات يفيدونج
ررررفع لعيووونج

 

[أحلام الطفولة]

رحتي لها في يوم الدورة ردي علي

 

[أحلام الطفولة]

أنا رحت للدكتورة يوم الخامس للدورة و ماقدرت تركبة الرحم كان شبة مقفل و رجعت الشهر إللي بعده في اليوم الثالث للعلم أنا أولد طبيعي و نصيحة خذي رأي أكثر من دكتورة


و التركيب ما يأخذ ثواني أنصحك لا تستعجلين

 

[FJ style]

اذا خايفه خدري المنطقة بابرة الظهر افضل من التخدير العام
حرام ما يسوى واهو خطر

في دكتور سعودي قال ان ابرة الظهر افضل لوايد شغلات من التخدير العام

 

[popo]

انا اقولكم ليش ابراة الظهر ينصحوان فيها الاطباء لبعض الحلات لنه في حريم يولدوان عمليه او يسووان عمليات اخري ياخذوان البنج الكامل بكثرة فياثر علي اشياء واجد منها القلب ورئيه والمخ فنصيحة اختي اخذي بنج نصفي احسن

 

[Um Ritaj]

والله ما ادري اختي

انا اولد طبيعي وركبتها عند دكتوره سكينه فارمن بدون تخدير ولا شي حتي تركيبها ما خذا ثواني

انصحج تغيرين الدكتوره وتروحين لدكتور او دكتوره خبره مثل سكينه فارمن

 

[ياحبنيلك]

تسلمون والله كل اللي ردوا والا ارفعت الموضوع
وانا اصلا رحت الشهر اللي طاف خامس يوم وماقدر الدكتور يركبه همن عنق الرحم مسكر
والشهر هذا رحت ثاني يوم الدوره وهمن مسكر ماقدرت الدكتوره اصلا انا ماخليتها
بس حطت الحديده قمت اصارخ حسيتها تسحب قلبي من مكانه

وياليت اللي صار معاها مثلي تقولي واطمني
وربي يتمم علي خير انا بكره الصبح دخول مستشفي حدده الدكتوره وسويت اوراقي

 

[Um Ritaj]

طيب اختي دام اللولب ما يصلح لحالتج في طرق ثانيه لمنع الحمل

حبوب المانع

الابره الهرمونيه

اللزقه

 

[ياحبنيلك]

للاسف ماينفعون معاي لان صار معاي التهاب بالكبد
وصار معاي بوصفار والتهاب بالمراره
كل هذا طلع بسبت حبوب المانع
وامنعوني منها ومن اي شي هرموني
من جذي بحط الولب العادي