منو راحت مطعم برج العرب؟

[ام الشيخه]

هاي بنات

منو فيكم جربت مطعم برج العرب ؟؟ شلون أسعاره ويسوى ولا لأ؟

وكوفي شوب الثلج وين صاير؟

ان شاء الله بنروح ثلاث أيام

بس مادري شلون أرتب الجدول

ودي اتعشى ببرج العرب والسفينه ومدينة الثلج والقريه العالميه والمجمعات

ومابي أتسوق وايد لان الكويت كل شي فيها:ggdw:

 

[بنت عبدالغني شربت]

اسعاره حلوه انا رحت مديل است بس ريل خالتي والله تسمم منه

 

[h&h fashion]

هلا حبيبتي
برج العرب إذا تبين المطعم او الكافيه لازم تحجزيله عن طريق الفندق او المكاتب السياحيه
إحنا حجزنا عن طريق المكتب السياحي بالفندق حق الكافيه إسمه Hi-Tea اللي يصير آخر دور بالفندق قبلها بجم يوم
كوفي شوب الثلج في مجمع Times Square واسمه Chill Out
وفي Ski Dubai هذه بمول الإمارات وفي كافيه امبوريو ارماني
والسفينه مع العشاء Dhow Cruise تقدرين تحجزين عن طريق المكاتب صراحه وناسه وناسه
وسإلي عن Jumana Show مسرحيه استعراضيه وفي عشا بوفيه الصراحه شئ خياااااااااااااااااال
وعندج مجمع ابن بطوطه ... و دبي فستفال ستي وسوق مدينة الجميره القعده فيه اتهبل

إن شاءالله اكون افدتج

 

[ام الشيخه]

يماااااااااااااااااا تسمم مره وحده ؟ ياساتر

مشكوره ياقلبي

 

[ام الشيخه]

تسلمين ياعمري خووووووووش معلومات ماقصرتي

جاري الطباعه

 

[h&h fashion]

حياج الله وإن شاءالله تستانسين بسفرتج