منو راحت تورنتو ومونتريال؟

[Penguin]

سلام بنات اشلــــــــــونكم ...
احنا انشالله ناوين هالسنة اذا الله سهل انروح أمريكا ومن اهناك بنروح كندا ( تورنتو ومونتريال ) فحبيت أسأل اذا في وحدة زايرة هالمناطق بكندا يا ريت تعطيني معلومات عن الأماكن السياحية اهناك وخاصة حق اليهال؟، واذا اتعرفون فنادق حلوة اتكون قريبة من كل شي ؟
مشكوريييين بنات و ياريت اتفيدوني بليييييز

 

[أمانيQ8]

بس تورنتو ومونتريال؟!! بتروحين؟؟؟ حددي عشان اقدر افيدج

 

[Penguin]

حبيبتي أماني ، احنا انشالله بنكون بأمريكا وبندخل كندا بالسيارة صوب الحدود اللي يم شلالات نياقرا ابنقعد ابنياقرا يوم أو يومين وبعدين بنروح تورنتو ابنقعد يمكن 4 أيام وبعدين بنروح مونتريال ابنقعد اسبوع تقريبا وبعدين بنرجع أمريكا انشالله ، فأنا ودي أعرف معلومات عن تورنتو ومونتريال لأن أول مره انروح اهناك ، فياريت اتفيديني حبيبتي ، واذا اتعرفين اذا فيه شقق أو فلل مفروشة نقدر انأجرها ابمونتريال ؟ أكون شاكرتلج وايدددددددد

 

[أمانيQ8]

شوفي زين ماتسوين دام انج رايح نياقرا مري كندا وانشالله تستانسون بعد قلبي هذا موقع حجز شقق ارخص لج من السفريات
http://montreal.craigslist.org/


هذي مصطلحات تحتاجينها لما ادورين بالحجز
1 1/2 apartmen .... شقة غرفة وصالة بدون تقسيم والحمام بس منفصل
2 1/2 apartment ......شقة غرفة وصالة مطبخ متصل بالصالة وحمام منفصل
3 1/2 apartment.......شقة غرفة منفصلة مطبخ منفصل وصالة وحمام ..طبعا منفصل
4 1/2 apartment ....شقة غرفتين وصالة ومنطبخ منفصل
وجذي...

 

[keeka]

احنا كنا دايما نروح مونتريال لان كانت يمنا بس تورونتو نروحها باللونغ ويك اند تورنتو ومنوتيربال اثنينهم حلويين وفيهم مدينة ملاهي

هذي اللي بتورنتو
http://www.canadaswonderland.com/#actions

وهذي اللي بمونتريال
http://www.laronde.com/larondeen/

الداون تاون عندهم وايد حلو ويخرش من الناس وسوقتهم حلوه بعد.. اي سؤاال انا حاظره

 

[Penguin]

أماني وكيكة مشكورييييييييييين وايد على المعلومات

 

[أمانيQ8]

العفو.. رحلة سعيده وموفقه مقدما

 

[ChOcoLaTe 'n MarShMaLlOw]

هممم .. نسيت

بس اذكر رحنا ال سي ان تاور

و باراماونت .. و الزو .. و رحنا على كروز و شفنا الحيتان بالبحر وناسه

و اذا ما عندج يهال تقدرين تاخذين قارب صغير و تصيرين حيل قريبه منهم

و في ليك نسيت وين و شنو اسمها حدها عجيبه مو صج

خل اسألج و اردلج خبر

نياقرا عجيبه ... فيها مدينه ملاهي و حديقه الفراشات

لازم اشيك على صورنا .. عشان اقولج بعد وين رحنا ...

روحوا كوبيك منطفه جبليه جوهم عجيب و طبيعه .. جنج بفرنسا ما يتحجون انجليزي

ماادري انا عندي اونس من مونتريال